Simon Petrus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Petrus pindah dumugi kaca punika. Kagem kagunaan sanès, pirsani Petrus (disambiguasi).
Simon Petrus
Francesco del Cossa 017.jpg
St. Petrus, dening Francesco Cossa.
Kefas (Sang Watu)
Miyos Betsaida
Seda dipunsalibken kawalik ~64 ing Roma
Dipunkenal ing Sedaya Kristen
Papan Basilika Santo Petrus
Riyaya 11 Februari, 29 Juni, 18 November


Simon Petrus miyos ing Betsaida, Galilea. Ing sejarah Kristen, panjenengané lan Andreas punika salah setunggal saking kalih welas rasul kapisan Yesus. Sadèrèngipun dados rasul, panjenengané makarya dados nelayan.

Karasulan[sunting | sunting sumber]

Yesus nggantos asma Simon, dados Kéfas utawi Petrus, ateges watu karang ingkang dados tandha Petrus punika pamimpin murid Yesus lan landhesan gereja ingkang badhé dipundegaken Yesus ing inggilipun.

Petrus ingkang nomer setunggal miwiti ngakèni imanipun bilih Yesus punika Kristus lan putra Allah ing Kaisarea lan penjenengané nyeksèkaken transfigurasi Yesus ing nginggil redi.

Sawijining kedadosan ingkang lekat kalih Petrus inggih punika tindakanipun nyangkal kaping tiga tumrap Yesus ingkang dipunparingi tandha kaping tiga pitik jago kluruk sadèrèngipun guru punika dipunsalib.

Karya sasampunipun panyaliban Yesus[sunting | sunting sumber]

Petrus tasih dèrèng kathah makarya sasampunipun kaminggahan Yesus dumugi ing Swarga. Petrus lan murid-murid sanèsipun tasih dedalem wonten ing lebet kutha Yerusalem, Kempal kagem semèdi lan sembayang sesarengan kaliyan kirang langkung satus kalih dasa tiyang, ngantos dumugi dinten Pentakosta. Ing dinten Pentakosta punika Roh Suci disiramaken kados ilat-ilat geni. Sasampunipun kedadosan punika, Petrus maringi kotbah ingkang pungkasanipun nyebabaken tigangewu tiyang nyuwun dipunbaptis.

Ing tembé wingking Petrus lumampah lan dedalem ing Roma. Roma ing wekdal punika dados pusat sedaya Kekaisaran Romawi. Ing mrika, Petrus nobataken kathah tiyang. Ing wekdal panganiaya kejem tumrap tiyang-tiyang Kristen dipunwiwiti, jemaat ing mrika nyuwun dhumateng Petrus supados ninggalaken Roma lan nylametaken dhiri.

Kocap miturut tradhisi, Petrus pancèn saweg sajroning lampah ninggalaken Roma ing wanci panjenengané papagan kaliyan Yesus ing tengah margi. Petrus tanglet dhumateng Gusti, “Gusti, badhé dhateng pundi Gusti tindak?” (mawi basa Latin: "Quo Vadis?"). Yesus njawab, “Aku teka kanggo disalibaké kaping pindho.” Sasampunipun kedadosan punika Petrus mbalik lan wangsul tumuju Roma. Panjenengané mangertos menawi kedadosan ingkang dipuntingali punika ateges panjenengané kedah sengsara lan seda kagem Yesus.

Kepausan[sunting | sunting sumber]

Paus Santo Petrus
Asma wiyosan Simon bin Yunus
Wiwit mengku ±30
Dumugi ±64/±67 (?)
Dipunrumiyini mboten wonten
Dipunlajengaken Linus
Miyos tanggal mboten dipunmangertos
Betsaida, Galilea
Séda ±64/±67 (?)
Roma, Italia
Paus kanthi nami sanesipun
Cathetan suku
{{{footnotes}}}

Ing wekdal rumiyin dèrèng kasebut paus, nanging Petrus sampun dados kepala Konsili Para Rasul ing Yerusalem taun 50.

Sasanèsipun khotbah, Petrus ugi nyerat surat-surat ingkang sapunika wonten ing tunggaling Prajanjéyan Enggal.

Kematian[sunting | sunting sumber]

Petrus seda kanthi cara dipunsalibaken kuwalik ing Roma ing mangsa pamréntahan Kaisar Nero. Petrus dipunsarèaken ing papan ingkang sapunika persis wonten ngandhap altar utami Basilika Santo Petrus ing Vatikan.

Mangga ugi pirsani[sunting | sunting sumber]

Logo Wikimedia Commons
Pirsani galeri bab Simon Petrus ing Wikimedia Commons.


Dipunrumiyini
déning:
mboten wonten
Paus
(daftar)
Dipunlajengaken
déning:
Paus Linus



Rasul Yesus Kristus
Panginjil: Yohanes | Matius | Markus | Lukas
Sanèsipun: Petrus | Andreas | Yakobus | Filipus | Bartolomeus | Tomas/Didimus
Yakobus anak Alfeus | Simon tiyang Zelot | Yudas Tadeus | Yudas Iskariot ingkang dipungantos déning Matias

Sumber artikel punika saking kaca situs web: "http://jv.wikipedia.org/w/index.php?title=Simon_Petrus&oldid=804312"