Simon tiyang Zelot
| Santo Simon tiyang Zelot | |
|---|---|
 Ikon Gréja Ortodoks Ruslan karyanipun satunggiling pelukis taun 1720. | |
| Rasul lan Martir | |
| Miyos | Abad sepindhah SM utawi M, Kana utawi Kanaan |
| Tilar donya | ~107[1], kamungkinan Pella, Armenia utawi Suanir, Pèrsi utawi Edessa |
| Dipun urmati ing | Gréja Katulik Roma, Gréja Ortodoks, Gréja Ortodoks Orièntal, Gréja Koptik, Gréja Katulik Ritus Wétan, Gréja Anglikan, Gréja Lutheran. |
| Papan ziarah utama | rélik wonten ing kathah papan, kalebet ing Toulouse lan Basilika Santo Petrus[2] |
| Dinten pèngetan | 28 Oktober (Gréja Roma); 10 Mèi (Gréja Koptik) |
| Atribut | kapal, salib lan graji, ulam (utawi kalih iwak), tombak, dhayung[2] |
| Pangreksa | kurir, tukang nggraji, tukang samak[3] |
 Portal Santo
| |
Simon tiyang Zelot punika salah satunggil saking 12 rasul sepindhahipun Yésus Kristus miturut cathetan Prajanjian Énggal ing Alkitab Kristen. Panjenenganipun dipunsebat ugi minangka "Simon Kananaios" (utawi "Simon tiyang Kanani"). Tapak karasulanipun boten kathah dipuntepangi lan sakedhik seratan prakawis panjenenganipun.
Nami "Simon" kathah dipunsebutaken salebetipun Injil sinoptik lan Para Rasul, ingkang saged tegesipun rasul sanèsipun, tanpa panjlasan langkung tebih.
- Simon ingkang ugi dipunparingi nama Petrus déning Yésus, lan Andreas sadhèrèkipun Simon, Yakobus lan Yohanes, Filipus lan Bartolomeus, Matius lan Tomas, Yakobus anak Alfeus, lan Simon ingkang dipunsebat tiyang Zelot, Yudas anak Yakobus, lan Yudas Iskariot ingkang salajengipun dados pengkhianat. (Lukas 6:14-16)
Kanggé mbèntenaken piyambakipun kaliyan Simon Petrus, panjenenganipun dipunsebat Kananious utawi Kananites (Matius 10:4; Markus 3:18) lan salebetipun dhaftar rasul ing Lukas 6:15, dipunambali ing Kisah Para Rasul 1:13. Tembung "Zelot" dipunturunaken saking basa Ibrani, qana, ingkang tegesipun "tiyang ingkang tekun" (basa Inggris: "The Zealous"). Tembung Zelot piyambak ugi saged ateges kitha Kana utawi laladan Kanaan.
Robert Eisenman (Eisenman 1997 kaca 33-34) nedahaken Zelot punika nama satunggiling golongan.
Salebetipun Prajanjian Énggal, Simon tiyang Zelot boten naté dipuntepangi minangka Simon sedhèrèkipun Yésus ingkang kaserat ing Injil Markus 6:3. Miturut Catholic Encyclopedia Simon ing périkop punika inggih punika Simeon saking Yerusalem ingkang dipuntepangi minangka biskop Yerusalem kaping kalih.
Réferènsi
[besut | besut sumber]- Eisenman, Robert. 1997. James the Brother of Jesus: The Key to Unlocking the Secrets of Early Christianity and the Dead Sea Scrolls. (Viking Penguin)
Pranala njawi
[besut | besut sumber]- All appearances of "Simon" in the New Testament
- Legenda Aurea: Lives of Saints Simon and Jude
- Catholic Encyclopedia article on St. Simon the Apostle
| Rasul Yesus Kristus | |
|---|---|
| Panginjil: Yohanes | Matius | Markus | Lukas Sanèsipun: Petrus | Andreas | Yakobus | Filipus | Bartolomeus | Tomas/Didimus Yakobus anak Alfeus | Simon tiyang Zelot | Yudas Tadeus | Yudas Iskariot ingkang dipungantos déning Matias | |