Matius

Saka Wikipédia Jawa, bauwarna bébas abasa Jawa
Jump to navigation Jump to search

Rasul Matius ya iku wong Kristen kang urip ing abad pisanan Masèhi lan kalebu keduabelas murid Yesus, kang kecathet ana ing Perjanjian Baru ing Alkitab Kristen. Bapaké jenengé Alfeus, lan Matius tau nyambut gawé dadi pangumpul pajeg ing Kapernaum. Matius ana ing tulisan Kristen wiwitan, kang kalebu tiga Injil Sinoptik. Matius dipercaya dadi penyusun utawa sumber utama saka Injil Matius, salah sijiné saka papat Kitab Injil ing Alkitab.

Gambar di gelas berwarna: Santo Matius di St. Matthew's German Evangelical Lutheran Church di Charleston, South Carolina.

Matius diakui dadi santo kang apik ana ing Gréja Katulik lan Ortodoks Timur.

Kaya déné telu juru nulis injil liyané, Matius kerep digambar déning wong Kristen dadi lanang kang duwé swiwi, kang nuduhaké malaékat kang ndikté dhéwéjé nalika isih nulis.

Kalebu salah sijiné pangikut wiwitan lan rasul Yesus Kristus, Matius wiwitané kecathet ing Injil Matius 9:9 lan Matius 10:3 kang kawentar tilarpemungut cuké saka Kapernaum kang diundhang Yesus dadi Rolas Rasule Yesus dhéwé. Ing pérangan Alkitab liyané, Matius dilebokaké ing pratélan Rolas Rasul, tanpa katrangan apa-apa bab awaké Matius, ing Markus 3:18, Lukas 6:15 lan Kisah Para Rasul 1:13. Dianggep padha karo Lewi, putra Alfeus, kang dicathet ing Injil Markus lan Injil Lukas. Matius duwé tugas mungut cuké saka wong Yahudi kanggo ratu Herodes Antipas. Prastawa diundangé Matius dadi rasul karo Yesus wong Nazaret kacathet ing 3 Injil. Miturut Perjanjian Baru, Matius dadi saksi bangkit lan munggahé Yesus ing Swarga.

Matius fasih nganggo basa Aram lan Yunani. Sawisé diundhang dadi muridé Yesus, Matius ngundang Yesus teka ing omahé saperlu pista. Ndeleng kaanan iku, para ahli kitab lan wong Farisi ngritik Yesus bab gelem mangan bareng pemungut cuké lan wong-wong dosa. Yesus njawab: “Aku teka dudu kanggo ngundang kang bener, nanging wong kang dosa.”

Matius uga ditulis ana ana ing Talmud.

Miturut tradisi Kristen, Matius ngabaraké Injil 15 taun ing kalangan masarakat Yahudi ing Yudea, lan banjur keliling ing nagara liyané, kalebu Etiopia, Makedonia, Pèrsi, lan Parthia. Gréja Katulik Roma lan Gréja Ortodoks kang duwé tradisi yèn Matius mati syahid.

Kitab-kitab Injil sabenereéora nyantumaké jenengé panulisé [1], kanthi tradhisional, Injil Matius dipercaya ditulis déning Matius dhéwé [2] kang notabèné dadi punggawa pamaréntah ing Kapernaum, provinsi Galilea kang duwé tugas mungut cuké.

Cathetan suku[besut | besut sumber]

  1. ^ Holman Concise Bible Commentary ed. David S. Dockery -2011, hlm. 402
  2. ^ D. R. W. Wood, New Bible Dictionary, InterVarsity Press, 1996. p 739.


Rasul Yesus Kristus
Panginjil: Yohanes | Matius | Markus | Lukas
Sanèsipun: Petrus | Andreas | Yakobus | Filipus | Bartolomeus | Tomas/Didimus
Yakobus anak Alfeus | Simon tiyang Zelot | Yudas Tadeus | Yudas Iskariot ingkang dipungantos déning Matias