Islam

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

«»

Artikel iki bagéyan saka sèri
Islam
Allah1.png
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Islam iku agama sing paling akeh pengikute ing tanah Jawa. Panyebaran Islam kondhang ing astane Wali Sanga. Yakuwi ustadz (pemimpin agama islam) sing cacahe sanga. Iku kasebut Wali amarga wali iku tegese Wakil. Ing bab iki tegese wakile Gusti Allah. Sumrambahe Islam agawe agama Hindhu kang maune kawentar ing Jawa banjur sumingkir menyang Pulo Bali.

Salah siji karaton Islam ing Tanah Jawa sing kasil ngetrapke ajaran-ajaran Islam yaiku kerajaan Demak Bintara.

Tembung Islam[sunting | sunting sumber]

Ing basa Arab, Islam nduweni arti pasrah awak lan uga sawijining Din (agama) kang artine pranatan utawa sistem (QS 3:83). Yen dirunut asal-usule, tembung iki katedhak saka tembung kang padha karo salãm kang artine santosa (damai) lan asring dienggo ing panyapan bebrayan.

Kapercayan[sunting | sunting sumber]

Kalimah Sahadat[sunting | sunting sumber]

Wong kang sinebut muslim (wong kang ngenut agama Islam) iku wiwitane kudu percaya marang rong perkara, yaiku: nyekseni yen ora ana sesembahan kang bener kajaba Allah lan percaya yen Nabi Muhammad dadi caraka (utusan) Allah ing bumi kang pungkasan. Pranyatan iki kanthi nyebut kalimat sahadat yaiku asyhadu an laa ilaha illa-llahu wa asyhadu anna muhammada-r-rasulu-llahi (أَشْهَدُ أَنْ لاَ إِلَـهَ إِلاَّ اللهُ وَأَشْهَدُ أَنَّ مُحَمَّدًا رَسُوْلُ اللهِ) sing tegese aku nyekseni yen ora ono sesembahan kang bener kejaba Allah lan Nabi Muhammmad iku utusane Allah. Kabeh wong Islam kudu mangerteni lan netepi apa kang dikandut ana ing kalimat sahadat sing wis di ucapake mau.

5 Rukun Islam[sunting | sunting sumber]

Para ulama netepake yen saben muslim kudu ngugemi 5 azas kang sinebut rukun Islam:

  1. Ngucap kalimah sahadat lan ngugemi apa kang kasebut ing njerone ukara iki.
  2. Nglakoni sholat limang wektu sedina sewengi.
  3. Pasa ing wulan Ramadhan.
  4. Ngetoake zakat.
  5. Lunga kaji kanggo sing mampu(Tegese mampu ing sekabehane).

6 Rukun Iman[sunting | sunting sumber]

Muslim uga kudu percaya marang 6 perkara kang sinebut 6 Rukun Iman

  1. Iman marang Allah.
  2. Iman marang malaikat.
  3. Iman marang kitab suci kang wis di turunake Allah marang nabine.
  4. Iman marang nabi lan rasul Allah.
  5. Iman marang dina pungkasan.
  6. Iman marang qadha lan qadar.

Doktrin[sunting | sunting sumber]

Tauhid[sunting | sunting sumber]

Tembung tauhid iku asalé saka basa arab توحيد ateges nyawijèkaké. Ana ing bab aqidah Islam tauhid nduweni teges nyawijèkaké Allah ana ing sak kabehe lelaku ngibadah. Para Ulama mbagi tauhid dadi telung werna yaiku : tauhid rububiyah, tauhid uluhiyah, lan tauhid asma wa sifat.

Al Quran[sunting | sunting sumber]

Muslim kudu percaya yen Al Qur'an iku puncak lan panutup wahyu Allah kanggo manungsa. Ajaran iki didunake marang Nabi Muhammad SAW kanthi caraka Malaikat Jibril. Yen dirunut saka ngelmu basa, Al Qur'an iku artine "wewacan" utawa "kang diwaca bola-bali." Ukara iki saka qara'a kang maknane "maca". Penganggo ukara iki bisa disumurupi ing ayat 17 lan 18 Surat Al-Qiyaamah.

Demografi[sunting | sunting sumber]

Wektu iki dikira-kira ana watara 1.250 yuta nganti 1,4 milyar umat Muslim sing kasebar ing saindhenging donya. Saka gunggung iku watara 18% urip ing negara-negara Arab, 20% ing Afrika, 20% ing Asia Kidul-Wétan, 30% ing Asia Kidul yakuwi Pakistan, India lan Bangladesh. Populasi Muslim paling gedhé ing sawijing negara antara liya ing Indonesia. Populasi Muslim uga bisa ditemokaké kanthi gunggung kang signifikan yakuwi ing Tiongkok, Amérika Sarékat, Eropah, Asia Tengah, lan Rusia.

Tuwuhing wong Muslim diprecaya nganti 2,9% per taun, déné tuwuhing pedunung donya mung ngancik 2,3%. Angka iki ndadèkaké Islam minangka agama kanthi patuwuhan panganut sing kagolong cepet ing donya.[1]. Sawetara panemu ngubungaké tuwuhing Islam iki karo dhuwuring angka klairan ing racaké negara Islam (enem saka sepuluh negara ing donya kanhi angka klairan paling dhuwur ing donya yakuwi negara kanthi mayoritas pedunung Muslim [2]. Nanging durung suwé iki, sawijining studi demografi wis nyatakaké yèn angka klairan negara Muslim mudhun nganti tingkat padha karo negara Kulon. [3]

Referensi[sunting | sunting sumber]

  1. ^ Situs Toléran₪₪si agama
  2. ^ Situs Nationmaster
  3. ^ Situs Atime

Uga Delengen[sunting | sunting sumber]

Wikipedia
Artikel punika, artikel dhasar ingkang kedah dipundarbèni sadaya basa.

Pranala jaba[sunting | sunting sumber]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Islam&oldid=803598"