India

Saka Wikipédia Jawa, bauwarna bébas abasa Jawa
Disambig.svg
Kanggé kagunan sanès saking ', mangga mriksani [[]].
Republic of India
भारत गणराज्य
Bhārat Ganarājya
Gendéra Lambang nagara
Motto: Satyamēva Jayatē
(Basa Sanskerta: Hanya Kebenaran yang Berjaya)
Antem: Jana Gana Mana
Kutha krajan New Delhi
Kutha paling gedhé Mumbai (Bombay)
Basa resmi Hindi, Inggris lan 21 basa liyane
Papréntahan Républik federal
 •  Presiden Pratibha Patil
 •  Wakil Presidhèn Mohammad Hamid Ansari
 •  Perdana Mentri Narendra Modi
Kemerdekaan Dari Britania Raya
 •  Deklarasi 15 Agustus 1947 
 •  Républik 26 Januari 1950 
 •  Banyu (%) 9,56
Cacah jiwa
 •  Rantaman 2006 1.098.577.839 (2)
 •  Cacah sirah 2001 1.027.015.247
GDP  (PPP) Rantaman 2005
 •  Gunggung US$3,334 trilyun (4)
 •  Per kapita US$3.019 (120)
Valuta Rupee (Rs.)1 (INR)
Zona wektu IST (UTC+5:30)
 •  Mangsa Panas (DST) ora diterapake (UTC+5:30)
Kodhé bèl 91
TLD Internèt .in
1 Re. adalah bentuk tunggal

Républik India iku nagara ing Asia Kidul. Jeneng-jeneng liyané nagara iki iku Bharat utawa Bharata lan Jambudwipa. Tembung pungkasan iki tegesé "Pulo Jambu" lan dijenengaké mengkono amarga mèmper woh jambu. India iku nagara ing Asia sing nduwèni padunung paling akèh kaloro ing donya, kanthi populasi luwih saka sak milyar jiwa, lan minangka nagara paling gedhé kapitu miturut ukuran wewengkon geografis. Cacahing padunung India tuwuh ngrembaka wiwit tengahan 1980-an. Ekonomi India iku paling gedhé kapapat ing donya miturut angka PDBné, diukur saka segi paritas daya beli (PPP), lan salah siji sing tuwuhing ékonomi paling cepet ing donya. India, nagara kanthi sistem dhémokrasi liberal paling gedhé sadonya, uga wis muncul minangka kakuwatan regional sing wigati, nduwèni kakuwatan militer paling gedhé lan kamampuan nuklir.

Dumunung ing Asia Kidul kanthi garis pasisir dawané 7.000 km, lan bagéyan saka anak bawana India, India iku bagéyan saka rute dedagangan wigati. India wewatesan karo Pakistan, Républik Rakyat Cina, Myanmar. Banglades, Nepal, Bhutan, lan Afganistan. Sri Lanka, Maladewa, lan Indonésia iku nagara kapulon sing wewatesan.

India minangka dunungé peradaban kuna kaya Budaya Lembah Indus lan minangka papan kalahiran saka papat agama utama donya: Hindhu, Buddha, Jainisme, lan Sikhisme. Nagara iki minangka bagéyan saka Britania Raya sadurungé mardika ing taun 1947.

National symbols of the Republic of India (Official)
National animal 2005-bandipur-tusker.jpg
National bird Pavo muticus (Tierpark Berlin) - 1017-899-(118).jpg
National tree Banyan tree on the banks of Khadakwasla Dam.jpg
National flower Sacred lotus Nelumbo nucifera.jpg
National heritage animal Panthera tigris.jpg
National aquatic marine mammal PlatanistaHardwicke.jpg
National reptile King-Cobra.jpg
National heritage mammal Hanuman Langur.jpg
National fruit An Unripe Mango Of Ratnagiri (India).JPG
National temple New Delhi Temple.jpg
National river River Ganges.JPG
National mountain Nanda Devi 2006.JPG

Ekonomi[besut | besut sumber]

Artikel utama: Ekonomi India

India nduwèni ékonomi sing dumunung ana ing urutan ka-10 jroning konversi mata uang lan ka-4 paling gedhé jroning PPP. India nduwèni rékor ékonomi kanthi angka tuwuh paling cepet watara 8% ing taun 2003. Amarga populasiné sing akèh banget, mula pametu per kapita India miturut PPP mung AS$3.262, dumunung ana ing urutan ka-125 déning Bank Donya. Cadhangan valuta asing India watara AS$143 milyar. Mumbai minangka kutha krajan finansial nagara iki lan uga minangka panggonané Reserve Bank of India lan Bombay Stock Exchange. Senadyan seprapat saka padunung India isih urip ing sangisoré garis kamiskinan, cacahing kelas menengah sing gedhé wis muncul amarga cepeté tuwuhing industri teknologi informasi.

Ekonomi India biyèn akèh gumantung marang tetanèn, nanging saiki mung nyumbang kurang saka 25% PDB. Industri wigati liyané klebu tambang, lenga, pengasahan berlian, film, tekstil, teknologi informasi, lan kerajinan tangan. Akèh-akèhé laladan indhustri India dumunung ing kutha-kutha utama. Taun-taun pungkasan iki, India wis muncul minangka salah siji pemain paling gedhé jroning babagan perangkat lunak lan business process outsourcing, kanthi pametu watara AS$17,2 milyar ing 2004-2005. Lan ana uga akèh indhustri skala cilik sing nyadiakaké lapangan makarya sing stabil kanggo padunung ing kutha cilik lan padésan.

Senadyan India mung nampa watara telung yuta tamu asing saben taun, pariwisata tetep wigati lan isih dadi sumber pametu nasional sing durung ngembang. Pariwisata nyumbang 5,3 persen saka PDB India. Partner dagang utama India klebu Amérika Sarékat, Jepang, Républik Rakyat Cina lan Uni Emirat Arab.

Ekspor utama India klebu produk tetanèn, tekstil, batu mulia lan perhiasan, jasa perangkat lunak lan teknologi, hasil teknik, kimia, lan asil kulit déné komoditas imporé ya iku lenga mentah, mesin, watu aji, rabuk, kimia. Ing taun 2004, total ekspor India gunggung AS$69,18 milyar déné impor watara AS$89,33 milyar.

Geografi lan cuaca[besut | besut sumber]

Artikel utama: Geografi India
Himalaya, sing mujur wiwit saka Jammu lan Kashmir ing lor nganti Arunachal Pradesh ing wétan adoh, dadi mèh kabèh tapel wates India ing sisih wétan

Kabèh nagara-nagara bagéyan India ing lor lan lor-wétan diwangun déning Banjaran Himalaya. Wewengkon liyané dumadi saka hamparan Indo-Gangetik sing subur. Ing sisih kulon sing wewatesan karo Pakistan kidul-wétan ana Ara-ara Thar. Ujung India ing kidul mèh kabèh minangka bagéyan saka hamparan Dekan (Deccan). Ing kaloro sisi hamparan iki ana rong banjaran pesisir sing awujud pabukitan, Ghats Kulon lan Ghats Wétan.

India nduwèni kali gedhé kayadéné Kali Gangga, Brahmaputra, Yamuna, Godavari, lan Krishna. Kali-kali kasebut sing nyebabaké subur hamparan-hamparan ing sisih lor India saéngga cocog kanggo tetanèn.

Cuaca India werna-werna, saka cuaca tropis ing kidul nganti cuaca menengah ing sisih lor. Sebagéyan tlatah India sing dumunung ing pagunungan Himalaya nduwèni cuaca tundra.

Nagara-nagara bagéyan lan Union Territory[besut | besut sumber]

India dibagi dadi 28 nagara bagéyan (sing banjur dibagi dadi dhistrik), enem Wewengkon Panunggalan (Union Territory) lan Wewengkon Ibu Kutha Nasional (National Capital Territory) Delhi. Nagara-nagara bagéyan nduwèni pamaréntah sing dilantik dhéwé, sauntara wewengkon-wewengkon Panunggalan dipréntah sawijining pangurus sing dilantik pamaréntah panunggalan (union government), senadyan sapérangan ing antarané duwé pamaréntah sing dilantik.

Negara bagéyan lan wilayah India:

  1. Andhra Pradesh
  2. Arunachal Pradesh
  3. Assam
  4. Bihar
  5. Chhattisgarh
  6. Goa
  7. Gujarat
  8. Haryana
  9. Himachal Pradesh
  10. Jammu lan Kashmir
  11. Jharkhand
  12. Karnataka
  13. Kerala
  14. Madhya Pradesh
  1. Maharashtra
  2. Manipur
  3. Meghalaya
  4. Mizoram
  5. Nagaland
  6. Orissa
  7. Punjab
  8. Rajasthan
  9. Sikkim
  10. Tamil Nadu
  11. Tripura
  12. Uttaranchal
  13. Uttar Pradesh
  14. Bengal Kulon

Wilayah Panunggalan

  1. Kapuloan Andaman lan Nicobar
  2. Chandigarh
  3. Dadra lan Nagar Haveli
  4. Daman lan Diu
  5. Lakshadweep
  6. Pondicherry

Wilayah Ibu Kutha Nasional:

  1. Delhi

Seni budaya[besut | besut sumber]

Kesenian India misuwur kanthi filem-filem Bollywood, sing mujudake film kang khas seka India ya iku nganggo tembang-tembang lan tarian ing saknjerone filem.

Uga pirsani[besut | besut sumber]

Referensi[besut | besut sumber]

Pranala njaba[besut | besut sumber]


Negara-negara ing Asia Kidul

Bangladesh | Bhutan | India | Maladewa | Nepal | Pakistan | Sri Lanka


Sumber artikel punika saking kaca situs web: "https://jv.wikipedia.org/w/index.php?title=India&oldid=1074768"