Uni Émirat Arab

Saka Wikipédia Jawa, bauwarna bébas abasa Jawa
(Dilih saka Uni Emirat Arab)
الإمارات العربيّة المتّحدة
Al-Imārāt al-‘Arabīyah al-Muttahidah
Gendéra Lambang nagara
Motto: 
Antem: Tahiat Alalam
Kutha krajan
lan paling gedhé
Abu Dhabi
Basa resmi Arab
Papréntahan Monarki konstitusional
Kamardikan
 •  Banyu (%) bisa dilirwakaké
Cacah jiwa
 •  Rantaman 2005 2.563.212 (136)
 •  Cacah sirah - -
GDP  (PPP) Rantaman 2005
 •  Gunggung US$103,5 miliar (56)
 •  Per kapita US$23.818 (30)
Valuta Dirham (AED)
Zona wektu (UTC+4)
 •  Mangsa Panas (DST)  (UTC+4)
Kodhé bèl 971
TLD Internèt .ae

Uni Emirat Arab (dicekak UEA) iku nagara persatuan saka pitung emirat sing sugih lenga patra. Pitung emirat iki ya iku: Abu Dhabi, Ajman, Dubai, Fujairah, Ras al-Khaimah, Sharjah lan Umm al-Qaiwain.

Sajarah[besut | besut sumber]

Nagara-nagara bagéan (luwih dikenal minangka emirat) ing sadawaning pesisir pasisir Lempongan Pèrsi mènèhaké hak pertahanan lan urusan njaba marang Krajaan Britania Raya ing abad kasangalas. Ing taun 1971, enem saka nagara-nagara bagéan iki - Abu Dhabi, Ajman, Fujairah, Sharjah, Dubai, lan Umm al-Qaiwain - gabung kanggo ngadegaké Uni Emirat Arab. Taun 1972, Ras al-Khaimah mèlu gabung.

Pulitik[besut | besut sumber]

Majelis Agung dumadi saka pamaréntah-pamaréntah pitung nagara bagéan. Jabatan Presidhèn lan Wakil Presidhèn dilantik déning Majelis Agung saben limang taun. Majelis Agung uga nglantik barisan kabinèt, sawetara iku Majelis Federasi Kabangsan sing nduwèni anggota 40 wong saka kapitu nagara bagéan nliti lan ngrembug undhang-undhang sing dianut. Ana siji sistem mahkamah pasekuton; kabèh nagara bagéan kajaba Dubai lan Ras al-Khaimah wis mèlu sistem pasekuton iki; kabèh negeri nduwèni undhang-undhang sekular lan Islam kanggo kasus-kasus sipil, kajahatan, lan mahkamah tinggi.

Sheikh Zayed bin Sultan Al Nahyan minangka Presidhèn kesatuan iki wiwit madegé nganti séda tkaping 2 November 2004. Anak lanangé, Khalifa bin Zayed Al Nahayan dilantik dadi presidhèn dina ésuké.

Ekonomi[besut | besut sumber]

Kasugihan Uni Emirat Arab asal saka kasil lenga patra ya iku 33% saka GDP nagara iku. Emirat Arab iku nagara pangasil lenga paling gedhé katelu ing kawasan lempongan sawisé Arab Saudi lan Iran. Wiwit 1973, Uni Emirat Arab wis ngalami owah-owahan saka nagara cilik sing dumunung ing segara wedhi dadi nagara modhèrn kanthi taraf kauripan sing dhuwur.

Wewengkon[besut | besut sumber]

Emirat Arab dumadi saka 7 nagara bagéan:

Geografi[besut | besut sumber]

Peta Uni Emirat Arab

Uni Emirat Arab dumunung ing kidul kulon Asia lan diubengi Lempongan Oman lan Lempongan Pèrsi ing antara Oman lan Arab Saudi. Nagara iki dumadi saka dataran siang garing lan segara wedhi sing jembar kanthi gunung-gunung ing sisih wétan. Dunungé kang strategis andadèkaké papan ampiran ekspor lan impor lenga donya.

Perjanjèn tapelwates antara Uni Emirat Arab lan Arab Saudi ing taun 1974 lan 1977 ora naté disebaraké marang umum. Amarga saka iku tapel wates sing persis mung diweruhi déning pamaréntah kaloro nagara mau.

Demografi[besut | besut sumber]

Emirat Arab nduwèni padunung 4 yuta jiwa lan 1,6 juta jiwa sing dudu warganagara - 50% saka iku asal saka Asia Kidul. Masarakat pribumi akèh-akèhé asal saka katurunan Pèrsi. Tingkat tuwuhing padunung luwih sithik katimbang nagara-nagara tanggané. Mèh kabèh rakyat ing Uni Emirat Arab Muslim. Watara 80% padunung bisa maca lan nulis.

Kabudayan[besut | besut sumber]

Artikel utama: Budaya Uni Emirat Arab

Uni Emirat Arab nduwèni hubungan sing cukup kuwat karo masarakat Arab liya ing saindhenging donya. pamaréntah njaga unsur-unsur tradhisional jroning kasenian lan kebudayan liwat anané Yayasan Kabudayan Abu Dhabi.

Delengen uga[besut | besut sumber]

Pranala jaba[besut | besut sumber]


Nagari-nagari ing Wétan Tengah
Arab Saudi | Bahrain | Irak | Iran | Israel | Kuwait | Libanon | Mesir | Oman | Qatar | Suriah | Turki | Uni Emirat Arab | Yaman | Yordania
Sumber artikel punika saking kaca situs web: "https://jv.wikipedia.org/w/index.php?title=Uni_Émirat_Arab&oldid=1055532"