Madinah

Kutha Suci Al Madinah Al Munawwarah
المدينة المنورة
Madinah
Kutha Suci Al Madinah Al Munawwarah; المدينة المنورة; Madinah
	; Location in the Kingdom of Saudi Arabia
Provinsi	Provinsi Madinah
Pamaréntahan
• Walikutha	Abdulaziz Al-Hussein
Laladan
• Gunggung	173.000 km2 (67,000 sq mi)
Élepasi	608 m (1.995 ft)
Cacah warga (2006)
• Gunggung	1.300.000
Zona wektu	Arabia Standard Time (UTC-3)

Cithakan:Otheruses1

Medinah IPA: /mɛˈdiːnə/ (Arab: المدينة المنورة‎‎ IPA: [ælmæˈdiːnæl muˈnɑwːɑrɑ] or المدينة IPA: [ælmæˈdiːnæ]; uga ditransliterasi dadi Basa Inggris: Madinah; resminé al Madīnat al Munawwarah) iku kutha ing tlatah Hejaz, Saudi Arabia pérangan kulon, lan minangka kutha krajan provinsi Al Madinah. Kutha iki minangka kutha suci namer loro ing agama Islam, panggonan disarèkaké Nabi Muhammad.

Padunung cacahé punjul 1,300,000 (taun 2006). Madinah asliné kaloka minangka Yathrib, nanging banjur diowahi dadi Madīnat al-Nabī (مدينة ﺍﻟﻨﺒﻲ IPA: [mæˈdiːnæt æˈnːæbiː] "kutha Nabi") utawa Al Madīnah al Munawwarah ("kutha kang dipadhangi/diènthèngké" utawa "kutha suminar"). Madinah dumunung 338 kilomèter sisih lor Mekah lan kira-kira 193 km saka pasisir Sagara Abang. Kutha iki manggon ing tlatah kang paling subur ing tlatah Hejaz. Masjid Nabawi (Masjid Nabi) ngadeg ing sisih wétan kutha lan sarupa karo masjid ing Mekah nanging ukurané luwih cilik. Platarané mèh ana 152 m dawané, kanthi kubah lan telu menaran kang éndah.

Makam Fatimah (putri Muhammad) lan Abu Bakar (kalifah pisanan lan bapaké Aisha sisihané Muhammad), lan Umar (Umar ibn Khattab), kalifah kaloro uga dumunung ing kéné. Masjid Nabawi jamané Muhammad, wis tau kobong ping pindho lan didandani.

Mula Bukanipun Medinah[besut | besut sumber]

Madinah

Wonten ing Jaman sadèrèngipun Islam ngrembaka, Kutha Medinah kaaran Yastrib, misuwur dados punjer dagang. Salajengipun nalika Muhammad hijrah saking Mekah, kutha punika dipun-gantos namanipun dados Madinah minangka Kutha punjer perkembangan Islam ngantos dumugi Muhammad séda, lan dipun-saréaken wonten ngrika. Salajengipun kutha punika dados punjer kekhalifan panerus Muhammad. Wonten tiga kalifah ingkang maréntah wonten ing Kutha punika, inggih punika Abu Bakar, Umar Bin Khattab kaliyan Utsman bin Affan. Wonten ing mangsa papréntahanipun ALi bin Abi Thalib pamaréntah dipunpindahaken dhateng Kufah wonten irak, punika amargi wonten gejolak pulitik kapejahipun khalifah Utsman kaliyan kaum pambrontak. Salajengipun nalika papréntahanipun Bani Umayyah, papréntahanipun dipunpindahaken dhateng Damaskus kaliyan nalika papréntahan dipuncepeng kaliyan Bani Abbassiyah, papréntahan dipunpindah dhateng Kutha Baghdad.

Madinah

Géografi[besut | besut sumber]

Kutha punika kinubengan kaliyan redi kaliyan redi-redi alit sarta gadhah iklim ara-ara. Suhu ingkang inggil kinten-kinten antawisipun 30 °C ngantos dumugi 45 °C nalika mangsa panas, suhu rata-ratanipun kinten-kinten 10 °C ngatos 25 °C.

Ékonomi[besut | besut sumber]

Saking sèktor Ékonomi, kapérang dados sekawan inggih punika sèktor tetanèn, pakebonan kurma ingkang sampun misuwur, peternakan, dagang kaliyan jasa.

Wiyata[besut | besut sumber]

Medinah dados punjer pendhidhikan Islam wiwit jaman Muhammad. Ugi kathah ulama-ulama kaliyan Cendekiawan Islam, tuladhanipun Imam Malik. Wonten Jami'ah (Universitas) kaliyan Pawiyatan-pawiyatan luhur sanèsipun.