Masjid Nabawi

Al-Masjid al-Nabawi Masjid Nabawi
Koordinat: 24.468333°N 39.610833°E / 24.468333; 39.610833
Lokasi	Madinah, Arab Saudi
Madeg	c. 622
Tradhisi	Islam Sunni
Administrasi	Pamaréntah Arab Saudi
Pemimpin	Imam(s): Ali ibn Abdurrahman al-Hudhaifi (deleng pratélan)
Informasi arsitèktur
Arsitèktur	Klasik lan kontemporèr Islam; Ottoman
Kapasitas	600.000 (mundhak dadi 1.000.000 ing sajeroning mangsa kaji)
Menara	10
Dhuwur menara	105 meter (344 kaki)

Masjid Nabawi, iku sawijining masjid kang dumunung ing kutha Madinah, Saudi Arabia. Masjid iki, diwangun déning Muhammad lan dadi panggonan pasaréané lan para sahabaté. Masjid iki minangka salah siji masjid kang utama kanggoné umat Islam sawisé Masjidil Karam ing Mekah lan Masjidil Aqsa ing Yerusalem.

Kautamané masjid iki dipratélakaké déning Nabi Muhhamad: "Salat ing masjidku iki luwih apik tinimbang salat ping sèwu ing masjid liya, kajaba ing Masjidil Karam. [...] sapa kang ngayahi salat ing masjidku ping patang puluh salat fardu, ora kurang siji-sijia, dhèwèké bakal bébas saka geni neraka, bébas saka azab, lan bébas saka kamunafikan. Ora usah répot lumaku, tekani waé telu masjid iki: Masjid Nabawi, Masjidil Karam lan Masjidil Aksa."

Adhedhasar hadis-hadis iki mula kutha Madinah tansah ramé ditekani umat Islam kang nglakoni ngibadah kaji minangka amalan wajib utawa ngibadah umrah minangka amalan sunat.

Masjid kang asli diyasa déning Muhammad S.A.W ing sisih omahé sawisé ijrah menyang Madinah ing taun 622. Masjid asli wujud yasan kabuka kanthi mimbar kanggo maca Al-Qur’an. Yasan iki awujud pasagi kanthi ukuran 30 m × 35 m (98 ft × 115 ft), diyasa nganggo glagah kurma lan témbok kagawé saka blethok, lan duwé telu lawang: Bab Rahmah ing sisih kidul, Bab Jibril ing sisih kulon lan Bab al-Nisa'ing sisih wétan.

Papan wigati

Ing sajeroné masjid Nabawi ana papan panggonan kang wigati antarané:

1. Pasaréyan Muhammad lan para sahabat ya iku Abu Bakar As Siddiq r.a., Umar bin Khatab r.a.
2. Raudah, ya iku papan ndedonga kang ijabah, dunungé antarané pasaréan lan mimbar Muhammad Panggonan iki biyèn pekarangan dalemé Muhammad Nalika lumebu lan ndedonga ing Raudah iki jamaah ora kena wicara sora kudu sopan lan anteng.

Imam

Ing ngisor iki wujud pratélan imam Masjid Nabawi:

• Syaikh Ali ibn Abdurrahman al-Hudhaifi – Imam Besar Masjid Nabawi Madinah
• Syaikh Dr. Salah ibn Muhammad al-Budair (mimpin trawèh ing 2005-2006) saiki dadi imam penuh ing Masjid Nabawi
• Syaikh Muhammed as-Subayyil
• Syaikh Adil Kalbani (mimpin trawèh ing 2008 (1429 H)

Uga delengen

• Madinah
• Ibadah Kaji
• Masjidil Karam

Pranala njaba

• Masjid Nabawi
• Masjid Al Nabawi Medina