Bani Umayah

بنو أمية Kakhalifahan Umayyah ← 660 – 750 → Wilayah kekuasan terluas Bani Umayyah Ibu kutha Damaskus Ibu kutha jroning pengasingan Kordoba Basa Arab Agama Islam Pamaréntahan Monarki Sajarah  - Didirikan 660  - Dibubarkan 750

Bani Umayah (basa Arab: بنو أمية, Banu Umayyah) utawa Kakhalifahan Umayyah, iku kakhalifahan Islam kang pisanan sawisé Khulafaur Rasyidin kang mrintah wiwit taun 661 nganti 750 ing Jazirah Arab lan sakiwa tengené; lan wiwit 756 nganti 1031 ing Kordoba, Spanyol. Jeneng dinasti iki dijupuk saka Umayyah bin 'Abd asy-Syams, Mbah buyut saka khalifah pisannan Bani Umayyah, yaiku Muawiyah bin Abu Sufyan utawa kang asring disebut kanthi Muawiyah I.

Daulah Bani Umayah ngadeg nalika taun 41 H / 661 M, diadegaké déning Muawiyah bin Abi Sufyan. Dhèwèké njabat gubernur ing Syam nalika pamaréntahan Umar bin Khattab lan Utsman bin Affan. Nalika njabat gubernur dhèwèké ngadegaké militèr kanggo nguwataké jabatané. Dhèwèké asring ngetokaké dhuwit kanggo jupuk wong kanggo dadi anggota militèr. Nalika jaman Umar bin Khattab, dhèwèké usul ngadegaké angkatan laut, nanging Umar ora sarujuk. Lan angkatan lauté bisa ngadeg nalika jaman pamaréntahan Utsman bin Affan. Khalifah kang misuwur ing Bani Umayyah kayata:

1. Muawiyah ibn Abi Sufyan (661-680 M)
2. Abd al-Malik ibn Marwan (685- 705 M)
3. al-Walid ibn Abdul Malik (705-715 M)
4. Umar ibn Abd al-Aziz (717- 720 M)
5. Hasyim ibn Abd al-Malik (724- 743 M).