Umar bin Abdul Aziz

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Umar II
عمر بن عبد العزيز
Mréntah 717 – 720
Dipunnobataken 717
Dipunlantik 717
Nami jangkep Umar bin Abdul-Aziz
Miyos 2 November 682
Madinah[1]
Tilar donya Februari 720[1]
Dekat Aleppo, Syiria[1]
Pendahulu Sulaiman bin Abdul-Malik
Pangganti Yazid bin Abdul-Malik
Consort to Fatimah binti Abdul-Malik
Yoga Abdul-Malik bin Umar
Wangsa Banu Abd Shams
Dinasti Umayyah
Bapa Abdul-Aziz bin Marwan
Ibu Ummu Asim Laila binti Asim

Umar bin Abdul-Aziz (Basa Arab: عمر بن عبد العزيز‎, kanthi gelar Umar II, lair ing taun 63 H / 682 – Fèbruari 720; umur 37–38 taun)ya iku Khalifah ka 6 Bani Umaiyyah. Impene Umar bin Khattab dadi kasunyatan, Islam ing puncak keemasan ing jamane kepemimpinan Umar bin Abdul Aziz.[2]

Nasab[sunting | besut sumber]

Dhèwèké nduwèni jeneng jangkep Umar bin Abdul Aziz bin Marwan bin Hakam bin Abu al-'Ash bin Umayah bin Abdu Syam bin Abdu Manaf bin Qushay bin Kilab sawijining keturunan Bani Umayah, trah Quraisy. Dheweke biyasa diundang Abu Hafs, ing kalangan Bani Umayyah dheweke luwih dikenal al-Asyaj (sing nduwèni luka ing rai). Bapake ya iku Abdul Aziz -sawijining gubernur mesir ing pemerintahan khalifah Abdul Malik bin Marwan- sawijining kandidiat kang dicalonke kanggo ngganteni kekhalifahan sakwise bapake; Marwan bin Hakam, tapi ajal kesusu methuk. Ibuke ya iku; Laila bintu Ashim bin Umar bin Khattab, biasa diundang Ummu Ashim. Saka garis keturunan pihak ibu, dheweke ya iku canggah saka Umar bin Khattab.[3]

Dicritakaké nalika Abdul Aziz arep nglamar Laila, dhèwèké ngomong marang atasané, "Kumpulaké kanggoku patangatus dinar saka bandhaku sing paling apik, amarga aku arep nglamar wong wadon saka kulawarga kang apik." Akhire Abdul Aziz punikahi Laila.[4]

Lair[sunting | besut sumber]

Umar bin Abdul Aziz lair ing Halawan, kampung ing Mesir, taun 61 Hijrah. Umar cilik urip ing sajroning lingkungan istana lan mewah. Nalika isih cilik, dheweke nate nandangi kacilkan, tanpa sengaja jaran lanang nendang dheweke nganti bathuke suwek tekan balunge ketok. Kabeh panik lan nangis, kejaba Abdul Aziz sing kaget lan mesem. Sinambi ngobati Umar cilik, dheweke ngendika, “Senenga Ummi Ashim. Impene Umar bin Khattab insyaallah kadaden, dheweke anak saka trah Umayyah sing bakal ndadekake apik bangsa iki.“[5]

Dheweke lair ing jamane pemerintahan khalifah Yazid bin Mu'awiyah, bareng karo sedone Maemunah garwa Nabi Muhammad. Dheweke wektu cilike ing Madinah Munawwarah karo golek ilmu para ulama. Sahingga dheweke nduwèni kautaman ilmu lan agama, sakliyane trah 'darah biru' lan kakehan bandha.

Nikah[sunting | besut sumber]

Sakwise bapake sedo, dheweke urip ing Damaskus karo khalifah Abdul Malik, pamane, banjur dinikahke karo salah sawijining anake, ya iku Fatimah.

Khalifah[sunting | besut sumber]

Umar bin Abdul Aziz dibaiat dadi khalifah kurang luwih 2,5 taun, saka taun 99 H tekan taun 101 H, kalebu singkat kanggo jabatan khalifah kang abot banget lan dituntut kanggo bisa mbenakke bidang ketatanagaraan, tapi wektu kang singkat mau digunakake Umar bin Abdul Aziz kanthi maksimal kanggo nglakoni amanah, sahingga akhire dheweke entuk prestasi kang nyenengake. Umar bin Abdul Aziz ya iku keturunan bangsawan kang terhormat, dadi wis biasa manawa urip serba cukup sakdurunge dadi khalifah. Tapi sakawit dadi menjadi khalifah kahanane dadi kuwalik, dheweke dadi luwih sederhana,ya iku sakawit melu pemakamane Sulaiman bin Abdul Malik.[6]

Cathetan suku[sunting | besut sumber]

  1. ^ a b c (en) Umar II (Umayyad caliph). Britannica Online Encyclopedia.
  2. ^ (id)[1], diaksés tanggal 21 Juli 2011.
  3. ^ (id)[2], diaksés tanggal 21 Juli 2011.
  4. ^ (id)[3], diaksés tanggal 21 Juli 2011.
  5. ^ (id)[4], diaksés tanggal 21 Juli 2011.
  6. ^ (id)[5], diaksés tanggal 21 Juli 2011.
Sing mengku  sadurungé:
Sulaiman
Khalifah Bani Umayyah
(717720)
Diganti déning:
Yazid II