Abbas Ibn Firnas

Saka Wikipédia Jawa, bauwarna bébas abasa Jawa
(Belgrade Planetarium, ingkang wonten ing Serbia, kainspiraasi saka planetarium kapisan kang dibangun déning Abbas Ibn Firnas)

Abbas Ibn Firnas, (852) panyipta tabel astronomi, panulis puisi, pambangun planetarium uga ingkang ngrancang jam banyu.[1] Abbas Ibn Firnas utawa 'Abbas Qasim Ibnu Firnas (810-887 AD) punika teknolog uga ahli kimia nalika kakalifahan Umayyah saking Córdoba wonten ing tlatah Al-Andalus.[2]

Nalika taun 822, khalifah ingkang énggal ('Abd al-Rahman II) munggah tahta, makempalaken tiyang-tiyang ingkang anggadhahi bakat, kaya ta musisi Irak ingkang namanipun Ziryab, nuli astronom sarta panyair enom Abbas Ibnu Firnas.[2] Nalika abad kaping 9 Masehi, Spayol (sapunika) kaliyan Portugal mbentuk kakhalifahan Andalusia saking Cordova.[1]

Sapunika taun-taun gelombang ingkang paling nginggil kamajuan Islam bab Seni kaliyan ngèlmu pangatahuan.[1] Cordova kaliyan Baghdad punika pusat saking budaya kembang wonten dunya.[1] Taun 852, Ibn Firnas mirsani parasut kapisan ingkang dipunparagani pamuda ingkang namanipun Armen Firman ingkang mutusaken mabur saking menara saking Cordoba migunakaké jubah ingkang ageng[2]. Sebab kadadian punika, Armen Firnas selamet ananging anggadhahi luka ingkang boten awrat.[2] Abbas ibn Firnas punika uga sami kaliyan Zirhab, nyambut damel wonten ing usaha ingkang warna-warna.[2] Abbas ibn Firnas pados kawruh bab kimia, fisika kaliyan bab astronomi.[2] Piyambakipun yasa planetarium ingkang dipunkembangaken saking rerangkèn cincin ingkang dipunsambung supados saged dipunpirsani kaya ta planet-planet kaliyan lintang-lintang ingkang pating gumeser.[2]. Abbas ibn Firnas yipta tabel astronomi, nyerat puisi, uga nyipta jam banyu ingkang dipunsebat Al-Maqata.[2] Piyambakipun uga nyusun cara damel kaca saking pasir.[2] Barang ingkang sampun dipuncipta sasanesipun inggih punika piranti kanggé nugel watu kristal, saéngga tiyang Spayol botenusah ngekspor kristal maring Mesir (nalika jaman semana, namung Mesir ingkang sampun mangertos ngèlmu kanggé nugel kristal).[2]

Taun 875 nalika yuswa Abbas ibn Firnas 65 taun, piyambakipun yasa glider piyambak, uga mrosot piyambakan saking gunung.[2]

Panerbangan punika saged dipunsebat sukses, dipunpirsani tiyang ingkang boten sakedhik.[2] Amarga pandaratan ingknag boten sukses wonten akiripun panerbangan kasebat, Abbas ibn Firnas anggadhahi luka wonten gegeripun.[2] Piyambakipun ninggal yuswa kalih welas taun sasampunipun kadadian panerbangan punika.[2]

kanggé mangurmati Abbas ibn Firnas, Libya nyetak prangko.[2] Ananging, Irak ngurmati Abbas ibn Firnas kawujud bangun patung.[2] Uga maringi nama " Ibnu Firnas" kanggé Papan Anggegana wonten pérangan utara Baghdad, ingkang dados wujud pangurmatan ugi.[2]

Cathetan suku[besut | besut sumber]

  1. ^ a b c d No.1910:'ABBAS IBN Firnas dipununduh tanggal 2 Juni 2011
  2. ^ a b c d e f g h i j k l m n o p q Abbas Ibnu Firnas tiyang ingkang kapisan nyobi mabur kanthi cara ilmiah dipununduh tanggal 4 Juni 2011