Maslamah Ibn Ahmad al-Majriti
Ahmad al-Majriti (338-398 H/ 950-1007 utawa 1008 M) dikenal Majriti amarga Ahmad al Majariti lair ning Madrid (ning basa Arab Majrit), ning kana dhèwèké mukin ning wektu kang suwé sadurungé pindah ning Cordoban nganti ninggalé.[1] Ahmad al Majariti, pemimpin kang hebat matematika ning Andalusia lan miturut Sa'id al Andalusi, Ahmad al Majariti iku matematikawan kang paling apik ning jamané.[1] Astronom kang migunakaké ilmuné kanggo ngamati lintang-lintang.[1] Miturut Zarkali, Ahmad al Majariti duwé pangatahuan babagan ngèlmu pangatahuan ning babagan astranomi.[1] Jenenge wangi amarga kapinterane ning babagan ngèlmu pambagian harta waris.[1]
Karyané babagan ngèlmu matematika lan astronomi, melajari lan njlèntrèhaké pertalan saka basa Arab saka Ptolemy's Almagest.[1][2] Nyerat komentar kanggo Planisphaerium Ptolemy (kang diterjemahaké déning [[Rudolph Bruges).[1] Ahmad al Majariti, wong kapisan kang ngomentari peta astronomi Ptolemy, dhèwèké nyerat risalah babagan astrolabe (kang diterjemahké maring basa Latin déning Johannes Hispanensis utawa Jhon saka Seville c.1133-1142 Masehi).[1][2] Ahmad al Majariti wiwit ngamati benda langit nalika taun 979 Masehi, nggawa tabel astronomi saka al Khawarij, sekalian ngoreksi lan mbeberaké ngèlmu kang wis dijlentrehaké ning tabel astronomi iku.[1]
Salah sijiné kontribusi saka al Majariti iku ning babagan pangenalan babagan ngèlmu kimia.[1] Téyori jumlah lan geometri Euclidean, nyerat risalah babagan aritmatika komersial (al mutamalat) kang urusané babagan dodolan, kadaster lan pajak, panggunaan al jabar, geometri lan operasi aritmatika.[1] Kontribusi mau kang akhiré dadi dalan kanggo ngenali trigonometri Muslim ning Éropah.[1] Tarutama ning panggunaan saka fungsi sinus lan tangen.[1] Kontribusiné kang paling kondhang iku ning babagan ngèlmu kimia, dhèwèké dianggep dadi otoritas ning babagan ngèlmu kimia.[1] gawé kontribusi-kontribusi ning lapangan nganggo panggambaran bedané kimia lan semiologi, mbebasaké ngèlmu kimia saka mitos lan ngèlmu sikir.[1] Seratané ning babagan ngèlmu kimia Rutbat al Hakim wa mudkhal al tatham.[1]