Saté
 Saté Blora | |
| Panggonan asal | Indonésia |
|---|---|
| Tlatah utawa praja | Jawa |
| Woworan pokok | daging |
 Buku masakan: Saté  Médhia: Saté | |
Saté iku panganan awujud masakan kang digawé saka iwak kang disunduki sujèn lan digarang ing dhuwur areng, banjur didhahar karo sambel kacang.[1] Saté ana manèka werna, ana saté pitik, saté wedhus, saté kebo, saté sapi,saté jaran lan saté saka iwak liyané.[1] Sambel kanggo saté lumrahé ana rong warna, ya iku sambel kacang lan sambel kécap.[1]
Jinis saté
[besut | besut sumber]Miturut bahan iwaké
[besut | besut sumber]saté pitik, saté buntel, saté wedhus, saté kerang, saté kalong (digawé saka kebo), saté laler (digawé saka daging wedhus utawa pitik), saté lembat, saté pentul, saté sapi, saté urang, saté babi, saté kelinci, saté endhog enom, saté torpedo, saté babi, saté jamu, saté bulus, saté bekicot, saté ula , Saté jaran[1]
Sate Buntel
[besut | besut sumber]Sate buntel kalebu panganan mligi Sala.[1] Sate buntel digawé saka iwak wedhus kang kairis dadu cilik-cilik.[1] Lemak saka iwak wedhus langsung leleh yèn digarang.[1] Lemak kang ngresep ing iwak, bakal gawé iwaké saya énak.[1] Iwak wedhus rasané gurih, empuk, saya énak yèn dipangan karo sambel kecap lombok rawit.[1]
Sate buntel iki rasané énak lan wujudé katon apik.[1] Sate buntel iki uga ana campuran resep saka Arab.[1] Sate buntel digawé saka iwak wedhus kang diiris kotak-kotak lan dicampur bumbu kaya bawang, brambang lan mrica.[1] Iwak kang wis dibumboni banjur digawé empel-empelan ing sada banjur dibungkus utawa dibuntel lemak wedhus kang tipis.[1] Sawisé mateng sate dijupuk saka sada lan disigar loro, banjur dibakar manèh supaya ora ana daging kang gembel.[1] Sate kang asalé gedhé sawisé dibakar banjur dadi cilik.[1] Sate buntel rasané gurih lan bumbune ngresep ing sate.[1] Saliyané iku, ambune uga énak lan sedhep.[1] Saporsi sate buntel lumrahé bisa dipangan wong loro, amarga ukuran satene kang gedhé banget.[1] Sawisé mateng, sate buntel banjur diwènèhi kecap kang rada encer, bawang lan brambang kang diiris-iris, timun lan sambel.[1] Sate buntel paling énak dipangan yèn lagi mateng amarga satene isih anget lan lemake isih krasa banget.[1]
Saté kelinci
[besut | besut sumber]Sate kelinci ya iku satè kang digawé saka iwak kelinci.[2] Sate kelinci kalebu panganan kang asalé saka Cirebon.[2] Satè kelinci uga akèh khasiaté, salah sijiné bisa kanggo wanita kang mandhul, lan lelara impoténsi.[2]
Bahan lan bumbu[3]
- iwak kelinci, dikethok cilik-cilik lan di gawé satè, carané disunduhuki nganggo sundhuk satè[3]
- 1 ons bawang[3]
- 1/2 kg kacang brol[3]
- 1/4 gula abang[3]
- 10 lombok abang[3]
- 10 lombok rawit[3]
- 10 lembar godhong jeruk nipis[3]
- 5 siyung brambang, rajang alus[3]
- banyu putih sacukupe[3]
- kecap[3]
Cara masaké[3]
- Bawang, kacang brol, lombok abang, lombok rawit digoréng sangan[3]
- Aluske bahan-bahan mau kanthi diuleg nganti alus[3]
- Tambahke gula abang, godhong jetuk nipis banjur uleg manèh[3]
- Bagi bumbu kacang dadi loro, separo kanggo mbakar sate separo kanggo bumbu yèn wis mateng[3]
- Celupna satè ing bumbu kacang, banjur bakar nganti mateng[3]
- Satè sing wis mateng banjur diséléhaké ing piring lan diwénéhi sambel kacang[3]
- Wuwuri brambang kang wis dirajang[3]
- Satè bisa dipangan karo sega utawa lontong[3]
Saté Jamur
[besut | besut sumber]Saté jamur cocog kanggo para végétarian.[4] Satè iki rasané meh pada kaya saté pitik nanging bahané saka jamur.[4] Jamur kang dienggo nggawé saté bisa jamur merang lan uga jamur kancing.[4] Bahan:
- 500 gram jamur kancing utawa jamur merang, kethok dadi loro[5]
- 1/2 gelas banyu asem jawa[5]
- 2 sdm kécap legi[5]
- 2 lembar godhong jeruk[5]
- 1/4 sdt uyah[5]
- 3 sdm lengo goréng[5]
- tusuk saté[5]
Bumbu kang dialuske
- 1 ruas driji laos[5]
- 1 ruas driji jaé[5]
- 50 gram kemiri[5]
- 2 siyung bawang[5]
- 5 butir brambang[5]
- 5 sdm gula abang[5]
Cara nggawé
- panaské lenga goréng, tumis bumbu kang dialuské, udheg nganti ambuné wangi[5]
- campurké jamur, masak jamur nganti alum[5]
- sunduki 4-5 jamur nganggo sunduk satè[5]
- bakar nganti jamur mateng[5]
Miturut laladan
[besut | besut sumber]saté Banjar, saté Betawi, saté Blora, saté Madura, saté Maranggi, saté Matang, saté Padang, saté Ponorogo, saté Tegal, saté sapi khas Ungaran, saté rambat (saté monyet)
Gladri Saté
[besut | besut sumber]-
sate -
eco sanget -
Sate Bulayak -
sate kambing -
sate kambing lan ayam -
mantep rasané -
sate buntel -
sate ponorogo -
sate padang -
karo sega -
karo lontong -
sate ayam gurih -
Sate kikil -
Sate ayam Jalan Veteran
Cathetan suku
[besut | besut sumber]- ↑ a b c d e f g h i j k l m n o p q r s t [1](dipunundhuh tanggal 10 April)
- ↑ a b c [2](dipunundhuh taggal 10 April)
- ↑ a b c d e f g h i j k l m n o p q r s t [3][pranala mati permanèn](dipunundhuh tanggal 10 April 2011)
- ↑ a b c [4](dipunundhuh tanggal 10 April 2011)
- ↑ a b c d e f g h i j k l m n o p q [5] Archived 2010-05-09 at the Wayback Machine.(dipuundhuh tanggal 10 April 2011)
Uga delengen
[besut | besut sumber]| Saté miturut jinising dagingé | saté ayam • saté ambal • saté babi • saté bekicot • saté blengong • saté bulus • saté buntel • saté endog enom • saté jamu • saté kalong • saté kelinci • saté kerang • saté laler • saté lembat • saté pentul • saté sapi • saté torpedo • saté ula • saté urang • saté wedhus |  |
|---|---|---|
| Saté miturut asal | ||
Delengen uga Masakan Indonésia | ||