Bawang

Saka Wikipédia Jawa, bauwarna bébas abasa Jawa
Bawang putih
Garlic.jpg
Bawang putih
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Alliaceae
Subfamili: Allioideae
Tribe: Allieae
Génus: Allium
Spésies: A. sativum
Jeneng binomial
Allium sativum
L.

Bawang utawa ing Basa Indonésia bawang putih (jeneng Latin: Allium sativum, Linn.) iku jeneng tetanduran saka genus Allium lan jeneng umbi sing diasilké.[1] Umbi saka tanduran bawang putih minangka bahan utama kanggo bumbu dhasar masakan Indonésia.[1]

Bawang mentah sugih senyawa-senyawa sulfur, kalebu dat kimia sing disebut alliin sing agawé bawang putih mentah krasa getir utawa angur.[1]

Bawang kalebu familia Liliaceae.[1] Tanduran iki uga kalebu tanduran usuman.[1]

Bawang bisa ditangkaraké saka umbiné.[1] Pérangan umbi sing ndhuwur dipèngkès utawa dikethok, banjur ditandur kanthi dicublekaké ing lemah.[1]

Bawang luwih apik ora dipangan mentah amarga ngganggu asam lambung.[1] Bawang luwih becik dimasak dhisik kanthi digodhog, digorèng utawa dipanggang dhisik.[1]

Kandhutan dat[besut | besut sumber]

Bawang ngandhut lenga atsiri, aliin, kalium, saltivine, lan diallysulfide.[1]

Dasanama[besut | besut sumber]

Jeneng Latin: Allium sativum, Linn.[2]

Jeneng lokal : Garlic (Inggris), bawang putih (Indonésia), bawang (Jawa); bawang bodas (Sunda), bawang handak (Lampung); kasuna (Bali), lasuna pute (Bugis), bhabang pote (Madura); bawa bodudo (Ternate), Kalfeo foleu (Timor).[2]

Jeneng dhaérah liyané:

Klasifikasi[besut | besut sumber]

  • Divisio : Spermatophyta[3]
  • Sub divisio : Angiospermae[3]
  • Kelas : Monocotyledonae[3]
  • Bangsa : Liliales[3]
  • Suku : Liliaceae[3]
  • Marga : Allium[3]
  • Jinis : Allium sativum[3]
  • Jeneng umum : bawang putih[3]

Khasiyat[besut | besut sumber]

Kanggo obat panyakit hipertensi, asma, watuk, masuk angin, lara sirah, lara kuning; sesek napas, busung banyu, ambeien, sembelit, njarem utawa abuh, abses; tatu bendha landhep, dicokot srangga, cacingen, angèl turu (insomnia).[2]

22 khasiyat[besut | besut sumber]

Paédah[besut | besut sumber]

Bawang putih dipigunakaké minangka bumbu sing digunakaké tumrap mèh saben panganan lan masakan Indonésia.[1] Sadurungé dianggo bumbu, bawang dijur kanthi dipenet nganggo lading (dikeprèk) sadurungé dirajang alus lan ditumis ing wajan nganggo lenga gorèng sethithik.[1] Bawang bisa uga dialuské kanthi diuleg bebarengan karo bumbu-bumbu liyané.[1] Bawang kena diwuwurna ing mie utawa soto lan masakaan liyané.[1] Bawang kang diwuwurna ing masakan ya iku bawang kang digorèng.[1] Saliyané kanggo bumbu masakan, bawang bisa nyegah panyakit jantung.[1]

Bawang ngandhut lenga atsiri.[5] Saliyané iku bawang uga nduwèni sifat antibakteri lan antisèptik.[3] Bawang nduwèni khasiat minangka antibiotik alami.[1] Dat allicin lan aliin kalebu dat kang nduwé daya anti kolèsterol.[3] Dat iki uga bisa nyegah panyakit jantung koronèr, tekanan getih dhuwur utawa hipertènsi.[3]

Asil olahan[besut | besut sumber]

Bawang bisa diolah dadi bawang gorèng lan bumbu instan.[6] Sadurungé diolah, bawang luwih dhisik digaringna.[6] Bawang kang garing, kadhar banyuné sithik, saéngga luwih krasa gurih yèn diolah.[6] Saliyané iku, asil olahané uga luwih kemriyuk.[6] Saiki ana alat kanggo nggaringaké bawang, saliyané kanggo nggaringaké bawang, alat iki uga kena kanggo nggaringaké brambang.[6] Alat iki kanggo nggaringaké bawang kanthi kapasitas 5-6 kuintal.[6] Saben prosès penggaringan mbutuhaké wektu kurang luwih 15 jam.[6] Déné suhu kang kanggo nggaringaké ya iku 42-45 drajat Celcius.[6]

Galeri[besut | besut sumber]

Chatetan sikil[besut | besut sumber]

  1. ^ a b c d e f g h i j k l m n o p q warintek.ristek.go.id(diundhuh tanggal 19 April 2011)
  2. ^ a b c iptek.net.id(diundhuh 19 April 2011]
  3. ^ a b c d e f g h i j k l m n o p kamusilmiah.com(diundhuh tanggal 19 April 2011)
  4. ^ a b c d e f g h i j k l m n o p q r s t u v kabarinews.com(diundhuh tanggal 19 April 2011)
  5. ^ nyonyameneer.com(diundhuh tanggal 19 April 2011 )
  6. ^ a b c d e f g h balitbangjatim.com(diundhuh tanggal 19 Mei 2011)

Uga delengen[besut | besut sumber]

Pranala njaba[besut | besut sumber]