Mi

Saka Wikipédia Jawa, bauwarna bébas abasa Jawa
Jump to navigation Jump to search
Mi
Razali noodles.jpg
Mi goreng
Panggonan asal Cina
Tlatah utawa praja Asia,Jepang,Koréa,Taiwan uga Éropah
Woworan pokok Gandum
Buku masakan: Mi  Médhia: Mi

Mi iku panganan paling misuwur ing Asia, kususe ing Asia Wétan lan Kidul-wétan. Miturut cathetan sajarah, mi kapisanan digawé ing Cina nalika jaman pamaréntahan dinasti Han. Saka Cina, mi nyebar tekan Jepang, Koréa, Taiwan lan nagara-nagara ing Asia Tenggara tekan Éropah. Miturut buku-buku sajarah, ing Éropah, mi wiwit dikenal sawisé Marco Polo nekani Cina lan nggawa jajan mi. Nanging ing perkembangane ing Éropah, mi saiki dadi pasta kaya kang kita mangerteni saiki.[1]

Sajatiné seni nggiling gandum wis ana luwih dhisik ing Wétan Tengah, kaya Mesir lan Pèrsi. Asale, mi diprodhuksi kanthi manuwal, nembé taun 700-an ana mesin kanggo nggawé mi sing ukurane cilik nganggo piranti mekanik. T.Masaki taun 1854 bisa nggawé mesin kanggo nggawé mi mekanik kang bisa mroduksi mi kanthi masal. Sakawit iku, mi ngalami akèh perkembangan, kaya ing Cina wiwit diprodhuksi mi instant kang jenenge Chicken Ramen lan ing ing Jepang jenenge Saparo Ramen (1962).[2]

Jinis-jinis Mi[besut | besut sumber]

  • Mi Seger, ya iku mi kang wis ora ngalami pangolahan lanjutan. Lumrahé mung tahan sadina amarga kandhutan banyu kang dhuwur, ya iku 35%. Mi seger lumrahé kanggo nggawé mi ayam.
  • Mi Teles, ya iku mi kang didol sajeroning kahanan teles. Kandhutan banyune dhuwur tekan 52% mula mung tahan 40jam.
  • Mi Garing utawa mi endhog, amarga prosès nggawéne ditambahi endhog utawa glepung endhog. Bisa tahan suwé amarga kandhutan banyune mung 13%, biyasa digawé bahan kanggo nggawé mi goreng..
  • Mi instan, mi kang paling pmisuwur, amarga praktis lan tahan luwih suwé. Kandhutan banyune mung 5-8%. Lumrahé digawé mi godhog utawa mi ggoreng.[3]

Komposisi Mi[besut | besut sumber]

Komposisi bahane ya iku glepung terigu, banyu, endhog, uyah lan banyu awu utawa banyu ki supaya bisa kenyal.[4]

Cara Nggawé Mi[besut | besut sumber]

Prosès nggawé sing kapisananan ya iku kabèh bahan dicampur dadi siji nganti dadi adonan. Banjurya adonan diuleni nganti adonan kalis, lunyu, lan transparan. Sawisé iku adonan diwangun utawa diiris sesuai karo jinis mi kang arep digawé.[5]

Jinis-jinisé Mi[besut | besut sumber]

  • Cellophane noodles utawa suun. Suun digawé saka campuran glepung kenthang lan glepung kacang ijo. Mi jinis iki teksture empuk banget, cocog kanggo olahan sop, suun goreng utawa kanggo isi pastel. Suun didol garingan, direndem sajeroning banyu panas nganti lembut lan suun wis siyap diolah.
  • Mi ndhog, digawé saka glepung trigu jinis hard wheat lan akèh nganggo endhog. Lumrahé didol garingan kanthi wujud bunder utawa gepeng.
  • Hokkien Noodles utawa mi Hong Kong. Dhapuré kaya mi endhog, bunder, lan alus. Lumrahé didol kkanthi kaanan teles sajeroning wadhah kang kedhap udara. Mi iki cocog dogawé mi goreng atau mi godhog.
  • Ramen utawa mi kriting Cina. Didol sajeroning kaanan garing ing wadhah mi instan. Cocok diolah dadi mi goreng utawa mi godhog.
  • Rice stick noodles utawa kwetiau, digawé saka glepung beras lan banyu. Ing pasaran didol garing lan teles. Kwetiau cocog kanggo digawé kwietiau goreng utawa godhog.
  • Somen noodles asalé saka Jepang, digawé saka glepung gandum lan lenga. Teksture alus lan rasané gurih. Somen didol garingan, wujudé kaya sada, cocog kanggo masakan Jepang kang digodhog.
  • Soba noodles utawa mi Jepang. Dhapuré kaya mi somen nanging wernane klawu utawa ijo tuwa (ngandhut sari teh ijo), racaké didol garingan lan cocog kanggo didadèkaké mi godhog.
  • Rice Vermicelli utawa bihun, digawé saka glepung beras, wernane putih resik lan teksture alus, gampang mateng dadi ora perlu digodhog. Cukup dikum ing banyu panas. Lumrahé didol garingan dibungkus plastik. Cocok kanggo soup lan bihun goreng.
  • Mi shoa, asalé saka Cina. Digawé saka glepung beras, wernane putih lan gampang mateng, Cocok kanggo masak sop lan misoa goreng.
  • Wonton utawa kulit pangsit. Didol telesan dibungkus plastik. Dhapuré segi papat, lumrahé diolah kanthi warna-warna isi, bisa dikukus, digodhog utawa digoreng.[6]

Kandungan Gizi[besut | besut sumber]

Sajeroning 100 gr mi kering ngandhut 338 Kal, protein7.6g, lemak 11.8g, karbohidrat 50.0g, mineral 1.7 mg lan kalsium 49 mg. Saka kandhutan gizine, kandhutan kalori saka mi mung sithik dadi cocog kanggo wong kang lagi diet.[6]

Tips Ngolah Mi[besut | besut sumber]

  • Manawa tuku mi sajeroning kemasan, gatekake tanggal kedaluarsane, kawutuhan wadhah lan nomer register saka POM.
  • Godhog mi garing kanthi suwé lan umub, wektune sawetara 4-5 menit.
  • Mi teles akèh kandhutan banyune saéngga gampang rusak. Jinis iki mung tahan sadina, sakluwihe, kualitas rasa, tekstur, lan hygiene bakal mudhun.
  • Aja nggodhog utawa masak mi kesuwen amarga teksture bakal rusak lan ora kenyal manèh.[6]

Cathetan suku[besut | besut sumber]

  1. ^ lintasberita.com Mi (diaksés tanggal 10 Oktober 2011)
  2. ^ kopi-luwak.lefora.com Mi (diaksés tanggal 10 Oktober 2011)
  3. ^ [1] Mi (diaksés tanggal 10 Oktober 2011)
  4. ^ bos-mieayam.com Mi (diaksés tanggal 10 Oktober 2011)
  5. ^ tripod.com Mi (diaksés tanggal 10 Oktober 2011)
  6. ^ a b c kaskus.us Mi (diaksés tanggal 10 Oktober 2011)