Kwétiau

Saka Wikipédia Jawa, bauwarna bébas abasa Jawa
(Dilih saka Kwetiau)
Kwétiau
250px-Kwetiau Kuah Ayam - rice noodles and chicken.jpg
Kwétiau nganggo campuran kecap
Cina 沙河粉
hefen
Cina 河粉

Kwétiau (guantiao, sha he fen) ya iku mie gepeng kang wernane putih digawé saka beras. Kwetiau bisa digoreng utawa dimasak nganggo duduh. Ing nagara-nagara Asia Tenggara kaya Indonésia, Malaysia lan Singapura, kwetiau kang paling kawentar ya iku kang digoreng. Ing Singapura lan Malaysia dijenengi Char Kway Teow. Sawetara ing Indonésia jenenge kwetiau goreng.[1]

Kwétiau ing Indonésia[besut | besut sumber]

Kwetiao asalé saka Tiongkok.[2] Ing Indonésia kwetiau goreng dikenalake déning Hokkian lan Tio Ciu. Etnis yaiki duwé cara kang béda sajeroning ngolah kwetiau. Etnis Tio Ciu, kang akèh manggon ing Kalimantan, racaké nggawé kwetiau goreng kanthi mènèhi daging sapi, jeroan, lan babat sapi kanggo geganep. Mula ing Kalimantan kawentar kanthi jeneng Kwetiau Sapi. Sawetara ètnis Hokkian kang akèh manggon ing Sumatera, biyasa ngolah kwetiau nganggo campuran baso iwak, lapchiong (sosis babi), lan endhog bebek.[1]

Sajarah[besut | besut sumber]

Kwetiau goreng utawa char kway teow asalé saka panganan sing digawé déning kaum buruh lan didol kanggo kaum buruh. Para warigaluh, wong tukang ngumpulke kerang, utawa wong tani kang awane nyambut gawé, wengine kerep dodol char kway teow kang digawé saka kwetiau lan sisa-sisa janganan daging lan digoreng nganggo lemak babi. Menu iki dadi menu kang paling disenengi ing kalangan buruh amarga ana sumber ènergi lan nutrisine murah.[3]

Char kway teow artine kira-kira "mi beras goreng sing diiris", digawé kanthi nggoreng kwetiau (mirib karo tagliatelle Italia) nganggo kecap kenthel, terasi (belachan), asem, kecambah, godhong bawang China, lap cheong (sosis China) lan kerang, banjur dikudhak. Sajeroning resep asline, kwetiau uga digoreng sajeroning lemak babi kanthi nganggo lemak babi gorengan kang empuk, saéngga rasane enak.[4]

Nanging saiki bakul kwetiau wiwit nambahake luwih akèh godhong-godhongan, kecambah lan ngurangi nganggone lenga. Ing nagara-nagara kaya Indonésia lan Malaysia kang duwé mayoritas penduduk Muslim, kwetiau goreng wis ora dimasak nganggo lemak babi manèh.[3]

Cara Nggawé Kwetiau Goreng[besut | besut sumber]

Bahan[besut | besut sumber]

  • 150 gram kwetiau teles
  • 2 endhog
  • 200 gram iwak pitik diiris-iris
  • 150 gram urang, dionceki
  • 250 gram cumi diresiki lan diiris dadi 2
  • 50 ml banyu
  • 3 sendok makan lenga kanggo nggoreng.[5]

Bumbu[besut | besut sumber]

  • 4 siyung bawang putih dirajang alus
  • 1 butir bawang bombay, diiris tipis
  • 1 sdt mrica bubuk
  • 1 sendok mangan lenga wijen
  • 1 sendok mangan kecap iwak
  • 4 sdm kecap legi
  • 1 sdt uyah
  • ½ sdt kaldu.[5]

Cara nggawé[besut | besut sumber]

Bawang putih lan bawang bombay dioseng. Endhog dilebokake lan digawé orak arik. Banjur ditambah iwak pitik, urang, lan cumi. Diudhek nganti wernane malih.[5]

Bumbu lan banyu dilebokake, dienteni nganti kentel, dimasak nganti bumbune ngresep lan duduhe entek.[5]

Cathetan suku[besut | besut sumber]

  1. ^ a b [1] Kwetiau (diaksés tanggal 9 Oktober 2011)
  2. ^ [2] kaskusnews.us (diaksés tanggal 9 Oktober 2011)
  3. ^ a b [3] kaskus.us (diaksés tanggal 9 Oktober 2011)
  4. ^ [hhttp://www.yoursingapore.com/content/traveller/id/browse/dining/signature-dishes/char-kway-teow.html#]yoursingapore.com (diaksés tanggal 9 Oktober 2011)
  5. ^ a b c d [4] komunikan.com (diaksés tanggal 9 Oktober 2011)