Urang

Saka Wikipédia Jawa, bauwarna bébas abasa Jawa
Urang
Kalamangsa: Lower Jurassic–Recent
Heterocarpus ensifer.jpg
Urang
Klasifikasi ngèlmiah
Karajan: Animalia
Filum: Arthropoda
Subfilum: Crustacea
Klas: Malacostraca
Ordho: Decapoda
Subordho: Pleocyemata
Infraordho: Caridea
Dana, 1852
Superfamilies

Urang ya iku kéwan kang urip ana ing banyunan, ora duwé balung, kulité atos, duwé sikil sepuluh, buntut cendhèk lan japit loro ing sikil ngarep.[1] Urang bisa uga tinemu ana ing saubengé kobakan banyu ing genengan kaya ta banyu tawar, banyu payau lan banyu asin ing sakjroné kang béda-béda [1]. Urang bisa uga dimumpangataké kanggo panganan laut seafood. Ing basa Banjar mau hundang[2]

Taksonomi[besut | besut sumber]

Kulawarga crustaceae sok diarani uga urang ana ing saubengé masarakat ing tlatah Jawa[2].Tuladha mantis shrimp lan mysid shrimp, lára-làrané asalé saka kelas Malacostraca Urang kang tulen saka kulawarga suku kang bedha, ya iku Stomatopoda lan Mysidaceae.[2] Triops longicaudatus lan Triops cancriformis uga dadi salah sijiné kéwan kang misuwur ing banyu tawar lan sok diarani urang, lan asalé saka Notostraca.[2]

Larva nauplius Urang.

Cara Urip[besut | besut sumber]

Urang dadi diwasa lan ngendhog ana ing kali, kolam lan segara (ing habitaté). Wadon bisa ngendhog paling akèh 50.000 nganti 1 juta, kang nètès sajeroning 24 jam lan dadi larva (nauplius). Nauplius banjur ngalami métamorfosis kalebu fasé kala ya iku zoea (jamak zoeae). Zoea (anak urang) mangan ganggang. Sawisé papat dina banjur ngalami metamorfosis pungkasan lan ngalami babagan pascalarva ya iku urang enom kang duwé tandha-tandha dadi urang diwasa. Ing sajeroning ngalami mértamorfosis ing 4 babagan lan suweni 12 dina saka nétésé endhog, urang kang biyasa di pangan banjur dipanen lan didol kang sok diarani ing tlatah jawa benur. Urang diwasa kagolong kulawarga kéwan bentik kang utama tinggal ana ing segara.

Jinising Panganan[besut | besut sumber]

Urang kang bisa dipangan.

Ing Indonésia aneka warna resep basakan kang bahas babagan masakan urang ing kabudayan liyané tuladha:

  1. jambalaya
  2. okonomiyaki
  3. poon choi
  4. bagoong,
  5. scampi.

Urang duwé kandhutan kaya panganan segara liyané, urang uga ngandut kalsium lan protein, ènergi. Pakanan kang bahan mliginé urang akèh ngandut kolesterol.

Urang Lysmata debelius kang ana ing aquarium

Jinising[besut | besut sumber]

  • Urang Jerbung (Penaeus merguiensis)

Urang jerbung mau uga urang putih utawa sok diarani ing basa latiné White Shrimp Ciri-ciriné kaya ta: kulité tipis lan lunyu, warna putih campur kuning lan trotol-trotol ijo sarta ana warna kuning semu abang. Urang iki duwé babagan liyané, kaya ta:

  1. Urang Peci, warna kulité luwih peteng lan trotol ireng sok diarani ing pasar White Shrimp.
  2. Urang Pring, warna kulité kuning semburat abang, kaya pring lan wisuwur karan jeneng Bamboo Shrimp.
  3. Urang Gedhang, warna kulité kuning kaya kulit gedhang misuwur karan jeneng Banana Shrimp.
  • Urang Flower (Penaeus sp)

Urang iki duwé warna ijo semburat ireng lan dhuweni garis malang wena soklat. Werna kulit sikil rada abang.Wernané kaya kembang, ing pasar karan Flower Shrimp.

  • Urang Windu / Pacet / Tiger (Penaeus monodon)
  • Urang Cokong / Tokal / Galah / Fresh Water (Macrobrachium sp)
  • Urang Dogol (Metapenaeus monoceros)
  • Urang Kucing Cat Prawn
  • Urang Sédeng
  • Urang Sikat / Kipas (Panulirus sp)
  • Urang Karang / Barongan (Panulirus sp)

Cathetan suku[besut | besut sumber]