Pasar

Saka Wikipédia Jawa, bauwarna bébas abasa Jawa
Transaksi dol-tinuku barang karajinan saka pring ing sawijining pasar tradhisional ing Ngijon, Sleman, Yogyakarta.

Pasar utawa Peken ing basa krama iku arupa kagiyatan pangadol lan panuku sing nglayani transaksi dol-tinuku. Pasar dipérang dadi loro: pasar tradhisional lan pasar modhèrn.

Pasar tradhisional[besut | besut sumber]

Pasar tradhisional arupa papan ketemun pangadol lan panuku sarta ditengeri kanthi anané transaksi pangadol panuku sacara langsung, wangunané racaké arupa kios-kios utawa gerai, los lan kanthi dhasar kabukak sing dibukak déning pangadol utawa sawijining panglola pasar. Akèh-akèhé adol kabutuhan sedina-sina kaya déné bahan-bahan panganan arupa iwak, woh-wohan, janganan, endhog, daging, kain, klambi, barang èlèktronik, jasa lan liya-liyané. Saliyané iku, ana uga sing adol kuwé-kuwé lan barang-barang liyané. Pasar kaya iki isih akèh tinemu ing Indonésia, lan lumrahé ana saceraking kawasan perumahan supaya nggampangaké panuku menyang pasar.

Pasar modhèrn[besut | besut sumber]

Pasar modhèrn ora akèh bédané karo pasar tradhisional, nanging pasar jinis iki pangadol lan panukuné ora transaksi sacara langsung nanging panuku mirsani label rega sing temèmpèl ing barang (barcode), ana ing wangunan gedhong lan diladèni dhéwé sacara mandhiri (swalayan) utawa diladèni déning pramuniyaga. Barang-barang sing didol, saliyané bahan panganan kaya déné; woh-wohan, janganan, daging; sapérangan gedhé barang liyané sing didol ya iku barang sing bisa tahan suwé. Conto pasar modhèrn ya iku pasar swalayan, hypermarket, supermarket, lan minimarket.