Supermarket

Saka Wikipédia Jawa, bauwarna mardika basa Jawa
isining supermarket
Gedung Pasar raya ing ngarep setatsiyun Jatinegara, Jakarta

Supermarket utawi peken swalayan punika papan ingkang nyadé sadaya kabetahan masarakat saben dinten [1]. Supermarket punika saking Basa Inggris super ingkang tegesipun ageng kaliyan market ingkang tegesipun peken (ngoko: pasar). Manawi wonten ing Indonesia tuladhanipun Giant Supermarket, Carrefour Express, Superindo lan sanèsipun. Supermarket punika gadhah cara piyambak kanggé promosi barang-barang ingkang dipunsadé kanthi cara iklan utawi ngginakaken médhia brosur babagan produk ingkang dipuntawakaken saha potongan regi barang utawi diskon [2].

Dados kanthi barès supermarket punika ateges peken utawi pasar ingkang ageng. Manéka warni barang-barang ingkang wonten ing supermarket kados ta:

  1. panganan
  2. janganan
  3. daging
  4. woh-wohan
  5. ombèn-ombenan
  6. sabun
  7. roti
  8. barang pecah belah
  9. kosmetik
  10. pakaian
  11. tas
  12. buku
  13. sandal lan sepatu
  14. barang elektronik
  15. lan sanès-sanèsipun.

Jinising pasar swalayan[besut | besut sumber]

Kajawi supermarket wonten ugi ingkang mastani kanthi istilah minimarket, midimarket, lan hypermarket.

Bedanipun istilah antawisipun minimarket, supermarket, lan hypermarket inggih punika wonten ing format, ukuran, saha fasilitas ingkang kaparingaken. Tuladhanipun:

  • Minimarket ukuranipun alit (100m2 dumugi 999m2)
  • Supermarket ukuranipun madya utawi sedengan (1.000m2 dumugi 4.999m2)
  • Hypermarket ukuranipun ageng (5.000m2 ke atas)

Sajarah Supermarket[besut | besut sumber]

Sadèrèngipun wonten supermarket modhèren kala rumiyin panganan wonten ing kutha punika dipunsadé kanthi pasar tradhisional lokal utawi dipuntawakaken keliling. Nalika taun 70-an, konsumen ningali wiwitaning pembangunan pasar swalayan nalika Supermarket Pahlawan mbikak outlet firstKem Chicks Supermarket nalika taun 1971. Wonten ing pungkasan dekade, Kem Chicks ingkang wiwit nyade endhog wonten ing taun 70-an lan Gelael ugi mbikak toko alit ingkang wonten ing Jakarta. Toko Duty Free ing Jakarta sisah anggènipun masok barang amargi susah anggènipun pados panganan impor saha unjukan ngemu alkohol kanggé ekspatriat.

Nalika taun 80-an lan wiwitaning taun 90-an, wonten supermarket ingkang nembé kabikak. Taun 90-an punika grosir wiwit mlampah lan Carrefour terus mbikak supermarket kanthi gunggung ingkang kathah lan saya kathah saking lokasi toko ing Jakarta [3].

Cathetan suku[besut | besut sumber]

  1. [1][pranala mati permanèn] supermarket (dipun-akses tanggal 04 November 2012).
  2. [2] Archived 2012-07-10 at the Wayback Machine. (id) http://www.anneahira.com (dipun-akses tanggal 29 November 2012).
  3. [3] Archived 2013-01-11 at the Wayback Machine. Sajarah supermarket (dipun-akses tanggal 28 Oktober 2012).