Roti

Saka Wikipédia Jawa, bauwarna bébas abasa Jawa
Roti
FD 1.jpg
Manéka roti sing diwènèhi ragi
Penyajian lan bahan
Disajèkaké ditambahaké selé, susu kenthel manis, utawa mentega
Bahan trigu lan banyu

Roti iku panganan kang digawé saka glepung trigu, banyu lan ragi.[1] Babonané adonan diuléni lan dinengké supaya bisa ngembang.[1] Yèn wis ngembang roti kang isih awujud adonan banjur dibakar ing oven.[1]

Wong Jawa jaman saiki wis padha séneng roti amarga praktis lan gampang dienggo.[1] Yèn jaman biyèn wong Walanda kang nggawa roti ing Tanah Jawa.[1]

Roti Tawar[besut | besut sumber]

Roti tawar utawa white bread sing wis kairis-iris
Baguette
Pain au levain

Roti tawar, ya iku roti kang rasané tawar utawa netral.[1] Roti tawar akéh jinisé.[1] Amèh saben warung roti dodol roti tawar.[1] Roti iki biyasané kanggo sarapan lan diwènèhi selé utawa keju, susu lan coklat.[1] Roti tawar uga kena dipangan nganggo ''margarin'' utawa mentéga.[1] Saliyané dipangan langsung, roti tawar uga kena dipanggang utawa dibakar.[1] Roti tawar uga kena dadi bahan baku jajanan kayata, resoles roti.[1]

French bread/baguette[besut | besut sumber]

Roti iki uga diarani roti tongkat amarga bentuké lonjong dawa mirip tongkat.[1] Roti tongkat biyasané digawé garlic bread utawa bruschetta utawa langsung dipangan nganggo sup.[1]

Plan au levain[besut | besut sumber]

Roti iki kalebu jinis roti Prancis. Bentuké bunder lan kulité atos.[1] Digawé saka adonan asam.[1] Adaté dicawisaké kanggo panganan pambuka.[1] Roti iki dipangan nganggo mentéga utawa dipangan nganggo sup.[1]

Frankenbrot[besut | besut sumber]

Roti kang asalé saka Jerman iki bentuké dawa kaya roti tongkat utawa baguette, nanging ora dhuwur.[1] Roti iki digawé saka glepung rye.[1]

Health whole wheat[besut | besut sumber]

Roti kang digawé saka glepung gandum iki nduwèni werna coklat.[1] Roti iki nduwèni tèkstur kang ngétokaké kulit-kulit gandum.[1] Roti Healt whole wheat kalebu roti kang nyéhataké amarga nduwèni serat kang dhuwur.[1]

White bread[besut | besut sumber]

Roti iki ya iku roti tawar kaya kang lumrahé didol ing toko-toko, nanging isih arupa bentuk kang gedhé durung dikethok-kethok utawa diiris-iris.[1]

Toast bread[besut | besut sumber]

Roti tawar kang akèh didol ing toko-toko.[1] Roti iki wis diiris-iris lan akèh sing didol ing supermarket.[1] Roti iki bisa dipangan langsung lan bisa uga dipanggang.[1]

Roti séhat/roti gandum[besut | besut sumber]

Roti jinis iki padha kaya whole wheat bread, nanging wis diiris-iris.[1] Diarani roti séhat jalaran digawé saka glepung gandum.[1] Rasané rada kasar amarga seraté dhuwur.[1]

Roti Gandum[besut | besut sumber]

Roti gandum lan bahan-bahané kayata wiji gandum wutuh, sereal lan wiji-wiji liyané.

Roti gandum uga kalebu roti kang akèh sing golèk.[2] Roti gandum bisa ningkataké kaséhatan.[2] Saliyané iku roti gandum nduwèni serat luwih akèh tinimbang roti putih biyasa.[2] Mangan roti gandum bisa gawé wareg nganti suwé.[2]

Roti gandum digawé saka gandum ya iku kang diarani whole wheat flour utawa whole wheat coarse tegesé glepung gandum wutuh kang nalika digiling mung dibuwang kulit kang njabané.[2]

Ing pasaran ora kabéh roti gandum padha.[2] Ana kang nganggo whole wheat flour namung sithik lan diwénéhi werna karamél supaya katon mirip roti gandum asli.[2] Roti gandum kang kualitasé apik nduwèni ciri-ciri.[2]

  • Pori ''remah'' kang wernané peteng lan nduwèni butiran-butiran coklat kang asalé saka kulit ari gandum.[2]
  • Kulit roti (crust) luwih peteng lan luwih kasar.[2] Roti kang biyasa kulité kuning emas lan rata.[2]
  • Ana tulisan 100% whole wheat flour ing wadhahé.[2]

Roti gandum luwih séhat amarga ngandhut serat kang luwih akeh tinimbang roti putih.[2] Serat pangan apik kanggo saluran pancernan, ngurangi risiko diabetes, lan kanker kolon.[2]

Padha kaya roti putih, roti gandum bisa awet nganti 3-5 dina ing suhu ruwang.[2] Supaya luwih awèt roti gandum bisa disimpen ing kulkas.[2] Yèn kepéngin dipangan cukup diangetaké ing microwave supaya empuk manèh.[2]

Energi ngluwihi sega[besut | besut sumber]

Roti gandum kalebu sumber energi kang luwih apik tinimbang sega lan mie.[2] Yèn 100 gram sega ngandhut ènèrgi kang akèhé 178 kalori lan 100 gram mi ngandhut ènèrgi 86 kkal, nanging roti gandum kang cacahé 100 gram bisa ngandhut ènèrgi kang cacahé 248 kalori.[2] Saliyané ngandhut ènèrgi kang akèh, serat kang ana ing roti gandum uga luwih apik saéngga bisa nahan ngelih luwih suwé.[2] Roti gandum lan roti putih padha-padha roti kang digawé saka gandum nanging roti putih digawé saka trigu yèn roti gandum digawé saka tepung gandum.[2]

Trigu ya iku asil panggilingan wiji gandum kang paling njero utawa endosperm, yèn glepung gandum ya iku asil panggilingan wiji gandum wutuh kang mung dibuwang kulit njabané, saéngga ngandhut serat kang luwih akèh tinimbang glepung trigu putih.[2]

Roti gandum kang asli ya iku roti kang kagawé saka 100 persèn glepung gandum.[2] Roti gandum kang kualitasé apik bisa dititik saka ''remah'' kang wernané peteng lan ana butiran-butiran coklat asil saka kulit ari wiji gandum.[2] Roti gandum asli uga bisa dititèni saka kulit roti utawa crust kang luwih peteng, yèn roti putih wernané kuning rada emas.[2]

Roti gandum ngandhut serat kang akèhé tikel enem saka roti putih.[2] Saliyané iku, roti gandum uga ngandhut karbohidrat lan ènèrgi kang luwih sithik katimbang roti putih.[2] Iki kang marakaké roti gandum bisa njaga bobot awak kang idhéal.[3]

Roti Buaya[besut | besut sumber]

Roti buaya utawa roti baya ya iku roti kanggo seserahan ing upacara ngantèn adat Betawi.[4] Roti baya iki dawané kurang luwih 50 cm.[4] Roti iki digawa ngantèn lanang kanggo seserahan.[4] Roti iki nggambaraké kasetyan pasangan ing pernikahan lan supaya bisa urip lan mati bareng tégesé tansah nyawiji.[4]

Asal mulané roti baya iki ya iku masarakat Betawi kainspirasi kéwan baya kang mung kawin sepisan saumur-umur.[4] Masarakat Betawi percaya mitos iki turun temurun.[4]

Miturut masarakat Betawi roti nglambangaké ékonomi kang mapan.[4] Tégesé saliyané nduwèni kasektèn, pasangan uga tansah mapan uripé, mulya lan suksès.[4]

Roti Daging[besut | besut sumber]

Roti daging ya iku roti kang isiné olahan daging.[5] Daging kang dianggo isi bisa daging pitik, sapi, lan kebo.[5] Ana uga kang diarani roti daging asap[5]

Galeri Roti[besut | besut sumber]

Cathetan sikil[besut | besut sumber]

  1. ^ a b c d e f g h i j k l m n o p q r s t u v w x y z aa ab ac ad (id)Kompas.com(diundhuh tanggal 1 Mei 2011)
  2. ^ a b c d e f g h i j k l m n o p q r s t u v w x y z aa (id)Femina Online(diundhuh tanggal 1 Mei 2011)
  3. ^ (id)Kompas - Roti Gandum(diundhuh tanggal 1 Mei 2011)
  4. ^ a b c d e f g h (id)Kompas Megapolitan(diundhuh tanggal 2 Mei 2011)
  5. ^ a b c (id)Tabloid Nova(diundhuh tanggal 2 Mei 2011)

Pranala njaba[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Roti&oldid=1044646"