Kulkas

Saka Wikipédia Jawa, bauwarna mardika basa Jawa
Gambar Kulkas

Kulkas ya iku piranti wujud sakinis lemari panggonan nyimpen panganan utawa ombènan supaya adhem lan ora rikat bosok.[1]

Sajarah Kulkas[besut | besut sumber]

Prosès tinemuné kulkas wis diwiwiti nalika abad kaping 18.[2] Ing taun 1748, William Cullen saka University of Glasgow ngembangaké prosès kanggo nyiptakaké piranti kanggo ngawétaké panganan.[2] Sawijining penemu Amérika, Oliver Evans gawé désain kulkas ing taun 1804 nanging nganti taun 1834 ora ana wong kangmikat babar pisan. Banjur Jacob Perkins minangka désain Oliver ing taun 1834.[2] Ing taun 1844, sawijining dhokter kanthi aran John Gorrie uga gawé unit ès kang digunakaké kanngo nyipta ruwangan atis kanggo pasiene kang lara Kuning.[2] Ing taun 1876, Carl von Linden nemu metode kanggo ningkatake prosès pencairan gas lan najur dipatenake.[2] Penemuan Carl bisa mbantu anggonegawé kulkas kang luwih praktis.[2] Ing wektu iku amonia, sulfur dioksida, lan klorida metil digunake kanggo pendinginan nanging komposisi iki wis kabuktèn ora aman lan njalari akèh kacilakan.[2] Sawisé freon digunakaké minangka piranti pendingin kanthi gedhen nganti tinemu bukti manawa panggunaané ora apik ing lingkungan lan uga nyebabake lapisan ozon dadi tipis.[2] Freon utawa CFC banjur diganti HFC minangka piranti pendingin kang luwih apik kanggo lingkungan.[2]

cathetan Suku[besut | besut sumber]

  1. Sugono, Dendi, dkk. 2008.Kamus Basa Indonesia.Jakarta: Pusat Basa hal. 773
  2. a b c d e f g h i kamusistilah.com Archived 2011-05-21 at the Wayback Machine. (diakses tanggal 23 Mèi 2011)