Coklat

Saka Wikipédia Jawa, bauwarna bébas abasa Jawa
Coklat

Coklat iku bahan panganan sing diolah saka wit Theobroma cacao (Kakao). Wit Kakao minangka pengasil coklat wis thukul ing laladan Amazon lan ing Lembah Orinoko ing Amérika Selatan wiwit ewonan taun kang kapungkur.[1]

Sajarah[besut | besut sumber]

Coklat panas kang diombé

Bangsa Maya ya iku bangsa kang pisanan ngolah wit coklat.[1] Kagiyatan iki kagawa nalika Bangsa Maya pindah ing dhataran Yukatan.[1]Bangsa Aztek banjur ngenalaké coklat kang pait kanggo ombénan.[1] Wiji coklat kang dicampur karo jagung utawa anggur kang wis difermentasi banjur diombé nganggo cangkir saka emas.[1]Kaisar Aztek kang jenengé Montezuma lumrahé ngombé coklat nganti luwih 50 cangkir coklat saben dina.[1]

Penjajah kang asalé saka Spanyol jenengé Hernán Cortés (1485-1547) nalika njajah wewengkon iku luwih seneng marang cangkir emas tinimbang isiné kang arupa coklat kanggo ombenanOmbenan.[1] Ananging dhèwèké ngematna yèn kanggoné AztecAztec, kakao utawa wiji coklat uga digunakaké kaya dhuwit.[1] Mulané dhèwèké ngedegna kebon-kebon coklat.[1] Kebon-kebon coklat kang diarani emas awerna coklat iki ngrembaka lan akèh kang duwé minat, saéngga Spanyol bisa ngendalikaké dedagangan coklat ing abad 18.[1] Coklat banjur dikenalké ing dharatan Éropah lan dadi bahan campuran roti.[1]

Ing pertengahan abad 19, Swiss wiwit ngembangaké lan masaraké coklat dadi panganan utawa snack.[1] Saéngga coklat kang nalika semana mung ombenan banjur bisa diolah dadi panganan kang nyair ing ilat.[1] Swiss uga dadi moncér amarga dadi nagara kang ngasilaké coklat kanthi kualitas paling apik.[1]

Sele coklat ing roti

Para pengusaha kang cerdas kaya ta Hershey, Kohler, Lindt, Nestlé, Peter, Suchard, lan Tobler, jeneng-jeneng mau dadi merk coklat kang duwé jeneng ing jaman saiki. Jeneng-jeneng mau duwé kontribusi kang gedhé ing indhustri coklat.[1] Dhèwèké nemu mesin kang kena kanggo ngolah coklat, mesin mau luwih éfisien.[1] Saliyané iku tokoh-tokoh mau uga nemu metodé kang luwih apik kanggo ngolah coklat.[1]

Simbol Cinta[besut | besut sumber]

Coklat lumrahé diwénéhaké kanggo wong sing ditresnani.[1] Amarga coklat uga dianggep panganan cinta.[1] Coklat duwé tekstur kang lembut lan bakal nyair sithik baka sithik nalika diemut nganggo ilat.[1] Iki mènèhi kesan sensual kanggo wong kang mangan coklat.[1] Saliyané iku coklat bisa nggawé éfék nyaman, riléks lan bisa ngundhakaké gairah sèksual.[1]

Rasa nyaman kang dirasakaké sawisé mangan coklat ora mung ing ati waé. Nanging coklat uga ngandhut atusan zat kang bisa ndadékaké reaksi kimia ing utek.[1] Zat-zat iki bisa ngrangsang aktifé serotonin ing utek kang bisa nggawé pangrasa aman.[1] Saliyané iku zat kang paling akèh kang ana ing coklat ya iku theobromine kang bisa nggawé stimulasi jaringan saraf lan jantung kang bisa njaga lan nggawé semangat.[1] Èfék iki uga bisa digawé kaféin ing kopi utawa tèh.[1] Theobromine uga bisa dadi tamba watuk.[1]

Coklat uga ngandhut phenylethylamine kang fungsiné mbantu utek nganggo nyerep zat-zat kang diperlokaké lan ngasilaké dopamine kang bisa nggawé seneng, ngundhakaké rasa wigati tumprap lawan jinis lan bisa nyebabaké rasa tresna.[1] Mulané coklat kerep kanggo bebungah kang mratandakaké katresnan utawa cinta.[1]

Khasiat[besut | besut sumber]

Coklat ngandhut kakao utawa wiji coklat punjul 70 %. Khasiate bisa kanggo kasarasan. Iku kabukti amarga ing njero coklat ngandhut zat kang akèh antioksidan, kaya ta fenol lan flavonoid.[2] Kanthi antioksidan coklat bisa nangkal radikal bébas ing awak.[2] Coklat ngandhut antioksidan kang cacahé kaping teluné yèn dibandingaké karo tèh ijo.[2] Kamangka tèh ijo iki uga diarani ombénan kang dadi sumber antioksidan.[2]

Kanthi antioksidan iki, coklat kalebu salah sijiné ombénan kang migunani tumprap kasarasan.[2]Fenol uga dadi antioksidan kang bisa ngurangi kolésterol ing getih saéngga bisa ngurangi resiko lelara jantung lan uga migunani kang nyegah kanker ing awak, nyegah stroke lan darah tinggi utawa kena diarani hiperténsi.[2] Saliyané iku, coklat uga ngandhut lemak kang kualitasé apik saéngga bébas kolésterol lan ora nyumpeli pembuluh darah.[2]

Coklat uga ngandhut vitamin kang migunani banget kanggo awak.[2] Vitamin iku kaya ta vitamin A, vitamin B1, vitamin C, vitamin D, lan vitamin E.[2] Saliyané iku, coklat uga ngandhut zat lan nutrisi kang wigati kanggo awak kaya ta zat besi, kalium lan kalsium.[2] Kakao iku kalebu sumber magnesium alami kang paling akèh.[2] Yèn wong kakurangan magnesium bisa nyebabaké hiperténsi, lelara jantung, diabétes, lara sendi lan masalah bulanan kanggoné wong wédok ya iku pra ménstruasi (PMS).[2] Kanthi mangan coklat bisa nambah magnésium lan gizi harian kang nyebabaké kadar progéstéron saya mundhak tumprapé wong wédok. Iki bisa ngurangi èfék negatif saka PMS.[2]

Coklat uga duwé khasiat kanggo kecantikan.[3] Coklat ngandhut antioksidan lan katekin kang bisa nyegah penuaan dini, mulané ora éram yèn saiki digawé lulur coklat kang apik lan duwé khasiat kanggo ngalusaké kulit.[2] Coklat duwé khasiat kanggo kardiovaskular awit coklat duwé asam olet lan asam linoleat kanggo antioksidan.[4]

Asil olahan[besut | besut sumber]

Coklat bisa digawé ombénan. Coklat panas duwé khasiat kanggo kaséhatan.[5] Coklat uga kena diombé karo kopi, karo susu.[6] Coklat uga bisa kanggo bahan campuran nggawé bolu, digawé sele, puding, permen coklat, lan akèh merek ombénan instan kang uga nggunakaké coklat.[6]

Gladri[besut | besut sumber]

Cathetan suku[besut | besut sumber]

  1. ^ a b c d e f g h i j k l m n o p q r s t u v w x y z aa ab ac kumpulan.info(dipunundhuh tanggal 23 Mèi 2011)
  2. ^ a b c d e f g h i j k l m n harianjoglosemar.com(dipunundhuh tanggal 23 Mèi 2011)
  3. ^ faktailmiah.com(dipunundhuh tanggal 23 Mèi 2011)
  4. ^ lintasberita.com(dipunundhuh tanggal 23 Mèi 2011)
  5. ^ medanpunya.com(dipunundhuh tanggal 23 Mèi 2011)
  6. ^ a b intiberita.com(dipunundhuh tanggal 23 Mèi 2011)