Antioksidan

Saka Wikipédia Jawa, bauwarna bébas abasa Jawa
Model Antioksidan

Antioksidan ya iku substansi sing bisa nétralaké utawa ngejur radikal bébas.[1] Pangertèn liya ngenani antioksidan ya iku senyawa sing bisa nunda, ndadékaké aloné prosés lan nyègah prosès oksidasi lipid.[2] Arti mliginé, antioksidan ya iku zat sing bisa nunda utawa nyégah réaksi antioksidasi radikal bébas ing oksidasi lipid(Kochhar dan Rossell, 1990).[2] Radikal bébas iku jinis oksigé́n sing duwé tingkat réaktif dhuwur, saka reaksi biokimia ing jèro awak.[1] Radikal bébas uga ana ing lingkungan sing asalé saka polusi udara, pèga mbako, penguapan alkohol sing kakéhan, bahan pèngawét lan pupuk, sinar Ultraviolet, X-Rays, dan ''ozon''.[1] Radikal bébas bisa ngrusak sel awak nalika awak kekurangan zat anti oksidan utawa nalika awak kaluwihan radikal bébas. Iki bisa ngrèmbakakake sel kanker, lelara ati, arthritis, katarak, lan pènyakit degènèratif liyané, malah uga bisa nyèpètaké prosès tuané kulit.[1] Radikal bébas bisa ngrusak mémbran sél sarta ngrusak lan ngowahi DNA.[1] Ngowahi zat kimia sing ana ing jero awak bisa ngundakaké résiko kena kanker sarta ngrusak lan menonaktifkan protéin.[1] ''Karotenoid'' berinteraksi karo vitamin C, vitamin E, lan sélénium dadi zan antioksidan.[1] Karoten duwé peran kanggo ngundhakaké sistem imunitas awak liwat éfék antioksidan.[1] Vitamin A uga njamin ngembangé kulit séhat, mémbran mukosa, kelenjar tyimus lan jaringan lymphoid, lan apa baé sing ana sesambungane karo sistem kekebalan awak.[1] Vitamin C karo vitamin E bisa njaga sél lan nglawan ''peroksidasi'' lemak ing jero sel.[1] Vitamin C uga duwé fungsi kanggo nyègah kanker.[1] Manfaat nggabungaké fungsi antioksidan vitamin E kaya ta nyègah rantai réaksi radikal bébas.[1] Cara kerjané vitamin E minangka antioksidan sing paling kuat ya iku golék, bèréaksi, lan ngrusak kankèr, lara ati, lan ndandani sistèm kèkèbalan awak.[1] Selenium minangka mineral wigati sing fungsiné njaga kèwarasan awak lan nyègah pènyakit. selenium karo vitamin E kèrja bèbarèngan nyègah rusaké sel awak.[1]

Sumber-sumber Antioksidan[besut | besut sumber]

Sumber-sumber antioksidan bisa dipérang dadi rong kelompok, ya iku antioksidan sintétik (antioksidan saka asil sintésa réaksi kimia) lan antioksidan alami (antioksidan saka ékstraksi bahan alami).[2]

Antioksidan sintetik sing diparengake kanggo pakanan lan wis kerep diènggo ya iku butil hidroksi anisol (BHA), butil hidroksi toluen (BHT), propil galat, tert-butil hidoksi quinon (TBHQ) lan tokoferol.[2] Antioksidan-antioksidan mau iku digawé saka antioksidan alami sing disintesis kanggo tujuan komersial.[2]

Antioksidan alami ing jero pangan bisa saka (a)senyawa antioksidan sing pancen ana ing sapérangan panganan, (b) senyawa antioksidan sing dumadi saka reaksi-reaksi nalika prosès ngolah, (c) senyawa antioksidan sing diisolasi saka sumber alami lan ditambahake ing pakanan kanggo bahan tambahan pangan (Pratt,1992) [2]

Babagan anti oksidan, vitamin askorbat vitamin c

Tuladha Panganan sing Ngandung Antioksidan[besut | besut sumber]

  • Jahe (Zingiber officinale Roscoe), empon-empon sing racaké kanggo bumbu atau obat tradisional. Komponèn-komponen pedhes saka jahe kaya ta 6 gingerol lan 6-shogaol dikenal duwé aktivitas antioksidan sing cukup.[2]

Saka ekstrak jahe sing wis dibuwang komponèn volatil-e kanthi destilasi uwab, mangka saka fraksi non volatil-e sawisé pemurnian, ditokake ana patang senyawa turunan gingerol lan patang macem diarilheptanoid sing duwé aktivitas antioksidan kuat (Nakatani,1992).[2]

  • ''Theaflavin'' teh ireng dinyatakake luwih potensial antioksidane saka ''katekin'' déning para peneliti amarga gugus hidroksine luwih akèh.[3]
  • Kuaci salah siji panganan sing ngandung vitamin E, ya iku vitamin sing bisa ngewangi mbentuk kolagen, nangkal radikal bébas sing bisa ngrusak kulit, lan mbalekake keséhatan sel kulit. Ananging,aja mangan kuaci sing ake uyahe.[4]
  • Minyak ikan iku ngandut Omega-3 sing wigati kanggo kulit supaya awet enom, rambut kuat, mata éndah, lan kuku séhat.[4]
  • Tomat.Kandungan lycopene tomat ora bisa Anda tinemu saka buah liyané. Lycopene iku kanggo ngurangi rusake sel lan iritasi kulit.[4]
  • Blackberry lan blueberry dikenal amarga kandhutan antioksidane sing dhuwur. Ora mung iku, blackberry lan blueberry iki uga duwé kaluwihan bisa nguatake formasi kolagen. Blueberry uga diyakini bisa nglancarake sirkulasi getih,lan marakake séhate kulit.[4]
  • Kacang-kacangan duwé senyawa hyaluronic acid sing bisa ngilangi kerut-kerut kulit. Luwih apik yèn kacang-kacangan dimasak kanthi cara diobong, didang, utawa digodhog amarga kandhutan lengane sing akèh banget.[4]
Radikal kimia lan mekanisme peroksidasi lipit.

Tanda-Tanda Awak Kurang Antioksidan[besut | besut sumber]

Tanda-tanda wong sing kurang antioksidan ing awake ya iku:[5]

  1. kerep kena infeksi lan angèl warase
  2. gampang memar
  3. kulit tipis
  4. kulit pating njekitu, katon luwih tuwa
  5. deg-degan utawa lara sawisé ulah raga abot
  6. lara sawisé kena polusi

Cathetan suku[besut | besut sumber]

  1. ^ a b c d e f g h i j k l m n Wyeth Indonesia (kaundhuh tanggal 29 Maret 2011)
  2. ^ a b c d e f g h Kamus Ilmiah(kaundhuh tanggal 29 Maret 2011)
  3. ^ [1](kaundhuh tanggal 29 Maret 2011)
  4. ^ a b c d e Metronews(kaundhuh tanggal 29 Maret 2011)
  5. ^ clubséhat(diunduh tanggal 7 April 2011)