Jagung

Saka Wikipédia Jawa, bauwarna bébas abasa Jawa
Jagung
Zea mays.jpg
Jagung
Taxonomi
Regnum: Plantae
Rumpun: Magnoliophyta
Kelas: Liliopsida
Ordo: Poales
Kulawarga
  Zea mays

Jagung iku panganan dhasar sing wigati nomer loro sajagat sawisé gandum lan sadurungé beras. Ing tanah Jawa lan sakitaré utamané wong Madura sing dhemen mangan jagung.

Jagung bisa thukul ing tlatah garing mulané disenengi wong Madura. Jagung sejatiné asalé saka jagat bawana Amérika. Para pakar ngira-ngira yèn jagung wis ditandur manungsa kurang luwih 6.500 - 12.000 taun kapungkur.

Jagung bisa digawé panganan werna-werna, kayata marning, brondong, lepet jagung lan bakwan jagung. Yèn digawé glepung jenengé maizéna, kena kanggo gawé jenang, nyamikan, kué putri ayu lan liya-liyané. Godhong jagung bisa kanggo pakan sapi.

Jagung kalebu bahan pangan sing nanduré gampang lan akèh paédahé. Mangsa ketiga utawa rendheng bisa nandur jagung. Yén ketiga kudu gelem nyirami. Rabuké cukup rabuk kandhang lan uréa.

Prodhuksi jagung lan perdagangan donya[besut | besut sumber]

Indonesia ing taun 2012 lan 2013 mapani peringkat kaping 8 produsen jagung (pipilan garing) donya. Prodhuksi taun 2013 suda taun 2012, yaiku saka 19.377.030 ton dadi 18.511.853 ton, sanadyan produktivitas (prodhuksi dipara ambane tanduran) mundhak.

Prodhusen jagung paling gedhe saikine (dhata 2013) yaiku Amerika Serikat (34,74% saka total prodhuksi donya); candhake Tiongkok 21,46%; Brazil 7,89%; Argentina 3,16%, Ukraina 3,04%; India 2,29%; Meksiko 2,23%; Indonesia 1,82%; Prancis 1,48%; lan Kanada 1,39%.

Jagung pipilan minangka komodhitas perdhagangan donya. Umume jagung kang didol kanggo pakan ternak lan kanggo gawe glepung maizena. Adhedhasar dhata FAO, prodhuksi jagung donya taun 2013 yaiku 1.018 yuta ton luwih pipilan garing. Dhata prodhuksi saka sumber kang padha miturut negara pangasil. Dhata iki ora nglebokake prodhuksi jagung manis, jagung nom (babycorn), lan jagung kanggo ijonan pakan ternak.

Prodhusen jagung donya (FAO, 2013)[1]
Peringkat Negara Prodhuksi
( ton)
  Peringkat Negara Prodhuksi
(ton)
   1 Bendera_Amerika Serikat Amerika Serikat    353 699 441    11 Bendera_Afrika Selatan Afrika Selatan    12 486 000
   2 Bendera_Republik Rakyat Cina Republik Rakyat Cina    F 208.130.000    12  Rusia    11 634 943
   3  Brasil    * 80 273 172    13 Bendera_Romania Romania

    || style="text-align:right" | 11 347 633

   4  Argentina    F 32 119 211    14 Cithakan:NGA    10 400 000
   5  Ukraina    30 949 550    15  Italia    7 899 617
   6 Bendera_India India    23 290 000    16 Bendera_Filipina Filipina

    F|| style="text-align:right" |7 377 076

   7  Mèksiko    F 22 663 953    17  Hungaria    6 724 800
   8 Bendera_Indonésia Indonésia    18 511 853    18  Etiopia    F 6 674 048
   9  Prancis    15 053 000    19  Turki    5 900 000
   10  Kanada    14 193 800    20 Cithakan:SER    F 5 864 419
        Donya    1 018 111 958

* = angka tidak resmi
F = perkiraan FAO

Tanduran jagung.
Zea mays "fraise"
Zea mays "Oaxacan Green"
Zea mays 'Ottofile giallo Tortonese'
Wikipedia
Artikel punika, artikel dhasar ingkang kedah dipundarbèni sadaya basa.
  1. ^ FAO, Faostat Statistik produksi FAO 2013, diakses 15 Mei 2015
Sumber artikel punika saking kaca situs web: "https://jv.wikipedia.org/w/index.php?title=Jagung&oldid=1106620"