Fermèntasi

Saka Wikipédia Jawa, bauwarna mardika basa Jawa
(Kaelih saka Fermentasi)
Jump to navigation Jump to search
Prastawa fermèntasi

Fermèntasi iku prosès prodhuksi ènergi sajeroning sèl ing kaanan anaerobik (tanpa oksigèn). Lumrahé, fermèntasi wujud salah siji wangun respirasi anaerobik, nanging, ana dhéfinisi kang luwih jelas kang ndhéfinisèkaké fermèntasi minangka respirasi sajeroning lingkungan anaérobik tanpa aksèptor èlèktron èksternal.

Gula iku bahan kang umum asil fermèntasi. Sawetara conto asil fermèntasi ya iku étanol, asem laktat, lan hidrogen. Nanging sawetara komponèn liya bisa uga diasilaké liwat fermèntasi kaya ta asem butirat lan aseton. Ragi dikenal minangka bahan kang umum dipigunakaké sajeroning fermèntasi kanggo ngasilaké étanol sajeroning bir, anggur lan ombènan mawa alkohol liyané. Respirasi anaerobik sajeroning otot mamalia sajeroning kerja kang abot (kang ora duwé akseptor èlèktron èksternal), dapat dikategorikan minangka wangun fermèntasi kang ngasilaké asem laktat minangka prodhuk sampingan. Akumulasi asem laktat iki kang duwé peran njalari rasa kesel ing otot. Ahli Kimia Prancis, Louis Pasteur sawijining zymologist sepisanan nalika ing taun 1857 nggandhèngaké ragi karo fermèntasi. Dhèwèké ndhéfinisèkaké fermèntasi minangka "respirasi (pernafasan) tanpa hawa". Persamaan Reaksi Kimia

C6H12O6 → 2C2H5OH + 2CO2 + 2 ATP (Energi kang diculaké:118 kJ per mol)

Dijabaraké minangka

Gula (glukosa, fruktosa, utawa sukrosa) → Alkohol (étanol) + Karbon dioksida + Energi (ATP)

Jalur biokimia kang dumadi, sabeneré mawa variasi gumantung jinis gula kang kalibet, nanging lumrahé nglibetaké jalur glikolisis, kang dadi péranganing tahap awal respirasi aerobik ing sapérangan gedhé organisme. Jalur pungkasan bakal mawa variasi gumantung prodhukpungkasan kang diasilaké.