Fermèntasi

Saka Wikipédia Jawa, bauwarna bébas abasa Jawa
Prastawa fermèntasi

Fermèntasi iku prosès prodhuksi ènergi sajeroning sèl ing kahanan anaerobik (tanpa oksigen). Lumrahé, fermèntasi arupa salah siji wangun respirasi anaerobik, ananging, ana dhéfinisi sing luwih jelas sing ndhéfinisèkaké fermèntasi minangka respirasi sajeroning lingkungan anaérobik tanpa aksèptor èlèktron èksternal.

Gula iku bahan sing umum asil fermèntasi. Sawetara conto asil fermèntasi ya iku étanol, asam laktat, lan hidrogen. Ananging sawetara komponèn liya bisa uga diasilaké liwat fermèntasi kaya ta asam butirat lan aseton. Ragi dikenal minangka bahan sing umum dipigunakaké sajeroning fermèntasi kanggo ngasilaké étanol sajeroning bir, anggur lan ombènan mawa alkohol liyané. Respirasi anaerobik sajeroning otot mamalia sajeroning kerja sing abot (sing ora duwé akseptor èlèktron èksternal), dapat dikategorikan minangka wangun fermèntasi sing ngasilaké asam laktat minangka prodhuk sampingan. Akumulasi asam laktat iki sing duwé peran nyebabaké rasa kesel ing otot. Ahli Kimia Prancis, Louis Pasteur sawijining zymologist sepisanan nalika ing taun 1857 nggandhèngaké ragi karo fermèntasi. Dhèwèké ndhéfinisèkaké fermèntasi minangka "respirasi (pernafasan) tanpa hawa". Persamaan Reaksi Kimia

C6H12O6 → 2C2H5OH + 2CO2 + 2 ATP (Energi sing diculaké:118 kJ per mol)

Dijabaraké minangka

Gula (glukosa, fruktosa, utawa sukrosa) → Alkohol (étanol) + Karbon dioksida + Energi (ATP)

Jalur biokimia sing dumadi, sabeneré mawa variasi gumantung jinis gula sing kalibet, ananging lumrahé nglibetaké jalur glikolisis, sing dadi péranganing tahap awal respirasi aerobik ing sapérangan gedhé organisme. Jalur pungkasan bakal mawa variasi gumantung prodhukpungkasan sing diasilaké.