Louis Pasteur
| Louis Pasteur | |
|---|---|
 Louis Pasteur, dipunfoto Pierre Lamy Petit | |
| Lair | 27 Dhésèmber 1822 Dole, Jura, Franche-Comté, Prancis |
| Pati | Sèptèmber 28, 1895 (umur 72) Marnes-la-Coquette, Hauts-de-Seine, Prancis |
| Bangsa | French |
| Alma mater | École Normale Supérieure |
| Karièr ngèlmiah | |
| Babagan | Chemistry Microbiology |
| Institutions | Dijon Lycée University of Strasbourg Université Lille Nord de France École Normale Supérieure |
| Mahasiswa wigati | Charles Friedel[1] |
| Tandha tangan | |
 | |
Louis Pasteur (lair 27 Dhésèmber 1822 – pati 28 Sèptèmber 1895 ing umur 72 taun) inggih punika ahli kimia lan biologi saking Prancis[2] ingkang sampun misuwur sanget amargi panjenenganipun sampun ageng jasanipun tumrapipun ngèlmu kawruh.[3] Nanging panyurung saking Pasteur ingkang paling ageng inggih punika ing bab téyori baksil lelara lan ngembangaken tèhnik panyegahan kanthi cara nyuntik.[3]
Louis Pasteur lair ing kutha Dole taun 1822, sisih wétan nagari Prancis.[3] Nalika taksih mahasiswa ing Paris, déning dhosenipun, Pasteur dipunanggep minangka mahasiswa ingkang "padatan" wonten ing ngèlmu kimia. Nembe ing taun 1847, Pasteur saged mbuktikaken manawi pangandikanipun dhosen kliru.[3] Panaliten Pasteur bab asem traktat (tartaric acid) saged ngangkat drajaatipun minangka ahli kimia ingkang misuwur,[4] kamangka wekdal punika yuswanipun nembé nemlikur taun.[3]
Pasteur lajeng ngawontenaken panaliten malih, inggih punika kanthi panaliten bab paragian.[3] Asil panaliten punika inggih punika pikantuk gagasan wonten mikroorganisme ingkang saé lan boten saé tumraping manungsa lan kéwan.[3]
Sejatosipun, Pasteur sanès tiyang ingkang murwani masalah bab téyori baksil lelara.[3] Hipotesis ingkang wiwitan dipunaturaken déning Girolamo Fracastoro, Friedrich Henle, lan sanès-sanèsipun.[3] Nanging Pasteur dados ingkang paling misuwur wonten ing téyori kuman lelara ingkang dipunbuktikaken kanthi pinten-pinten panaliten lan dhemonstrasi ingkang dados jalaran utami saéngga masarakat pirsa manawi téyorinipun leres.[3]
Manawi jalaran lelara punika saking baksil, kadosipun leres manawi nyegah mlebetipun baksil dhateng badan manungsa, saéngga lelara punika saged dipuncegah.[3] Amargi punika Pasteur gadhah panyaruwé ingkang awrat inggih punika kanthi métodhe antisèptik kanggé sadaya dhokter.[3]
Pasteur ngemabangaken tèhnik ingkang namanipun tèhnik pasteurisasi sapados saged ngicalaken mikroorganisme wonten ing toya.[3]
Pranala njawi
[besut | besut sumber]Louis Pateur
Cathetan suku
[besut | besut sumber]- ↑ Asimov, Asimov's Biographical Encyclopedia of Science and Technology 2nd Revised edition
- ↑ [James J. Walsh. 1913. "Louis Pasteur"; Catholic Encyclopedia. New York: Robert Appleton Company]
- ↑ a b c d e f g h i j k l m [Michael H. Hart. 1978. Seratus Tokoh yang Paling Berpengaruh dalam Sajarah. Jakarta: Dunia Pustaka Jaya]
- ↑ Joseph Gal: Louis Pasteur, Language, and Molecular Chirality. I. Background and Dissymmetry, Chirality 23 (2011) 1−16.
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |