Flavonoid

Saka Wikipédia Jawa, bauwarna bébas abasa Jawa
Struktur molekuler saka rangka flavon (2-fenil-1,4-benzopiron)
Struktur isoflavon
Struktur neoflavonoid

Flavonoid ya iku senyawa kang kasusun saka 15 atom karbon kang racaké sumebar ing tanduran.[1] Luwih saka 2000 flavonoid kang asalé saka tanduran wis diidentifikasi, nanging ana telung golongan kang umum disinau, ya iku antosianin, flavonol, lan flavon.[2] Antosianin (saka basa Yunani anthos, kembang lan kyanos, biru-tuwa) ya iku pigmen warna kang racaké ana ing kembang duwé warna abang, ungu, lan biru.[2] Pigmen iki uga ana ing pirang-pirang pérangan tanduran liyané tuladhané, woh-wohan tertentu, pang, godhong lan ing oyot. Flavnoid kerep ana ing sel epidermis.[2] Akeh-akèhé flavonoid ana ing vakuola sel tanduran sanajan panggonan sintesisse ana ing njaba vakuola.[2]

Fungsi[besut | besut sumber]

Antosianin lan flavonoid liyané narik kawigaten akèh ahli genetika amarga ana kemungkinan kanggo nggubungake pirang-pirang karubedan morfologi ing antarané spésies kang cedhak karo siji génus tuladhané karo jinis flavonoid kang dikandung.[2] Flavonoid kang ana ing spésies kangpadha kekancan ing siji génus mènèhi informasi tumrap ahli taksonomi kanggo nglompokkake lan nemtokake garis evolusi tanduran iku.[2]

Cahya kususe sadawané glombang biru ningkatake pambentukan flavonoid lan flavonoid ningkatake resistensi tanduran marang radiasi UV.[2]

Quercetin lan myricetin, minangka jinis flavonoid kang nglindungi sel Caco-2 kang ana ing saluran pencernaan saka oksidasi rante gandha DNA lan asifat antioksidan kang nglindungi kolonosit saka stress oksidatif.[3]

Uga delengen[besut | besut sumber]

Cathetan suku[besut | besut sumber]

  1. ^ Hahlbrock K. 1981. Flavonoids. dalam The Biochemistry of Plants, Vol. 7: Secondary Plant Products. New York: Academic Press. Hal:425-456.
  2. ^ a b c d e f g Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:150-152. ISBN 979-8591-27-5
  3. ^ "Dietary flavonoids protect human colonocyte DNA from oxidative attack in vitro". Rowett Research Institute; Duthie SJ, Dobson VL. Dijupuk 2010-10-04. 

Cithakan:Flavonoid