Kaisar

Saka Wikipédia Jawa, bauwarna bébas abasa Jawa

Tembung kaisar asalé saka basa Latin caesar sing mauné iku jeneng dhiri kaisar Romawi, Julius Caesar. Wiwit Julius Caesar, kaisar-kaisar Romawi migunakké jeneng wuriné minangka gelar, sanadyan gelar kaisar Roma sing pisanan lumrahé diwènèhaké marang Augustus. Ing lumrahé, kaisar bakal mimpin akèh raja-raja cilik sangisoré kakuwasaané (kanthi wangun upeti ing jaman biyèn). Jeneng wewengkon sing dicekel déning sawijining kaisar disebut Kakaisaran, contohé ya iku Kakaisaran Karajan Manunggal, Kakaisaran Byzantium, Kakaisaran Ottoman, Kakaisaran Jepang, lan liya-liyané.

Ing Inggris, kalungguhan sing mèh padha ya iku Emperor kanggo sing lanang utawa Empress kanggo sing wadon) lan wewengkon kakuwasaané disebut Empire; ing Rusia: Tsar (Czar); ing Turki: Kasar; ing Prancis: Empereur; ing Spanyol: Imperator. Gelar-gelar sing padha ing Asia Wétan (皇帝-Huangdi uga 天皇-Tenno) asalé saka sumber sing béda karo kakaisaran Roma, nanging saiki ing basa Indonésia dipigunakaké istilah sing padha, ya iku kaisar".

Ing wektu saiki mung panguwasa ing Jepang sing migunakaké gelar "kaisar", ya iku Kaisar Akihito kanthi permaisuriné Michiko sing dinobataké wiwit taun 1989 kanthi jeneng jaman Heisei. Ing wektu sadurungé, jeneng kaisaré ya iku Kaisar Hirohito sing mréntah wiwit taun 1926 tekan taun 1988 kanthi jeneng jaman Showa.

Pirsanana uga[besut | besut sumber]