Ganggang

Saka Wikipédia Jawa, bauwarna bébas abasa Jawa

Ganggang utawa ganggeng ngarujuk marang kabèh vegetasi sing tuwuh ing banyu (banyu tawa utawa banyu segara), mliginé sing ukurané cukup gedhé (bisa dineleng mata), kerep mbentuk massa sing gedhé awangun berkas. Istilah ganggang iki ora nduwèni makna biologi ananging biasa dipigunakaké ing babagan transportasi banyu kanggo ngendhani tlatah banyu sing angèl dilayari.

Istilah ganggang sajeroning biologi naté dianggo nyebut klompok organisme alga, nanging antuk tentangan amarga sawetara anggota tetanduran ngembang sing tuwuh ing banyu uga disebut minangka ganggang (kaya ta Hydrilla, Ceratophyllum, lan Cabomba). Kanggo nyegah kasalahpahaman, istilah "ganggang" disélaki sajeroning babagan botani.