Abang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kothak iki nuduhaké werna abang.
 

Abang utawa basa Jawa krama abrit, kuwi werna kang kagolong jroning werna primèr (abang, ijo lan biru), kang nduwèni frekuensi cahya paling endhèk kang kasatmata utawa bisa dideleng déning mata manungsa. Cahya abang nduwèni panjang gelombang watara 630-760 nm. Getih kang diwènèhi oksigen dadi awarna abang amarga anané hemoglobin. Cahya abang kuwi cahya kang pisanan diserep déning banyu segara, saéngga akèh iwak lan invertebrata segara kang werna abang mbranang dadi katon ireng ing sajroning segara, habitat asliné.

Panggunaan, simbolisasi sadina-dina[sunting | sunting sumber]

  • Abang kuwi werna kang anget, contoné panggunaan kanggo nuduhaké dhaérah kang luwih anget ing peta cuaca, utawa kanggo pepènget kang magepokan karo panas. Montor pemadam kobongan identik karo werna abang.
  • Werna abang narik kawigatèn, lan sering dipigunakaké kanggo nuduhaké bebaya utawa kahanan darurat
  • Abang kuwi werna kang nglambangaké panas lan geni. Kran kanggo banyu panas biasané diwènèhi tandha utawa label awarna abang.
  • Werna abang nuduhaké makna mandheg, contoné ing rambu-rambu STOP, lampu lalu lintas (lampu abang), lampu rem ing buri montor.
  • Palang Merah utawa Bulan Sabit Merah nandhakaké personalia mèdhis, fasilitas, utawa kalengkapan, utawa Konvensi Jenewa.
  • Werna abang nuduhaké bebaya ekstrim utawa bebaya gedhé ing skala kodhe-werna donya Barat, contoné tanda bebaya utawa Sistem Kaamanan Negara AS (en: Homeland Security Advisory System).
  • Jroning olahraga bal-balan, kartu abang nandhakaké pelanggaran abot kang ngakibataké pengusiran pemain.
  • Jroning olahraga balapan montor, gendéra abang kuwi tandha kanggo kabèh montor supaya mandheg. Redline (garis abang) yakuwi kacepetan maksimum mesin lan komponen-komponen liyané.
  • Pintu darurat ing montor mabur penumpang dituduhaké mawa tandha lan lampu abang.
  • Abang kuwi werna kanggo lambang tresna lair kalawan batin. Werna abang uga nuduhaké kahanan nesu, kaya rai kang mbrabak abang amarga nesu. Nanging werna abang uga nuduhaké rasa isin, upamané amarga digodha utawa digawé isin.
  • Identik karo werna getih, mula abang dihubungaké karo déwa perang, Mars, lan planèt semu abang dadi sebutan kanggo planèt Mars.
  • Identifikasi Komunisme lan "Sosialis" abang - kanthi gendéra abang dadi werna utama gendéra Uni Soviet lan bintang abang kang dadi emblem utawa lambang Komunis kang digawa jroning frase Perang Dingin minangka "Ancaman Abang" (the Red Menace) lan Tiongkok Abang - kanggo mbédakaké karo Tiongkok Nasionalis.
  • Dadi simbolisasi jroning budaya Tionghoa, abang kuwi werna kabagjan lan dadi werna kanggo busana pernikahan. Duwit jroning masyarakat Tionghoa biasa diwènèhaké jroning amplop abang (angpao)
  • Mangsi abang, dianggo nuduhaké utang - uga rugi jroning laporan neraca.
  • Ing péta pulitik, werna abang sacara tradisi digunakaké partai pulitik minangka:
  • Werna abang uga minangka salah siji werna utama jroning perayaan Natal, saliyané ijo lan putih.

Kombinasi werna abang (9)[sunting | sunting sumber]

Warna abang bisa dicampur karo werna liyané. Contoné werna abang kang dicampur karo werna biru dadi werna ungu, yèn dicampur karo werna kuning dadi werna jingga. Werna abang isih karinci manèh dadi sawetara (9) jenis, kanthi jeneng ing basa Inggris,yakuwi kaya tabel ing ngisor iki:

Werna Jeneng HTML Heksadesimal
IndianRed #CD5C5C
LightCoral #F08080
Salmon #FA8072
DarkSalmon #E9967A
LightSalmon #FFA07A
Crimson #DC143C
Red #FF0000
FireBrick #B22222
DarkRed #8B0000


Delengen uga[sunting | sunting sumber]


KelirDaftar Kelir

Biru Enom Jambon Ireng Abu-Abu Perak Putih
Abang Jingga Kuning Ijo Biru Nila Ungu Enom
Emas Zaitun Ungu


Wikipedia
Artikel punika, artikel dhasar ingkang kedah dipundarbèni sadaya basa.

Sumber artikel punika saking kaca situs web: "http://jv.wikipedia.org/w/index.php?title=Abang&oldid=837831"