Hèksadèsimal

Hèksadèsimal utawa sistem wilangan basis 16 iku sawijining sistem wilangan sing migunakaké 16 simbul. Béda karo sistem wilangan dèsimal, simbul sing dipigunakaké sajeroning sistem iki ya iku angka 0 nganti 9, ditambah 6 simbul sing migunakaké aksara A nganti F. Aji dèsimal sing setara karo saben simbul mau kacetha ing tabel iki:

	0hex	=	0dec	=	0oct		0	0	0	0
	1hex	=	1dec	=	1oct		0	0	0	1
	2hex	=	2dec	=	2oct		0	0	1	0
	3hex	=	3dec	=	3oct		0	0	1	1
	4hex	=	4dec	=	4oct		0	1	0	0
	5hex	=	5dec	=	5oct		0	1	0	1
	6hex	=	6dec	=	6oct		0	1	1	0
	7hex	=	7dec	=	7oct		0	1	1	1
	8hex	=	8dec	=	10oct		1	0	0	0
	9hex	=	9dec	=	11oct		1	0	0	1
	Ahex	=	10dec	=	12oct		1	0	1	0
	Bhex	=	11dec	=	13oct		1	0	1	1
	Chex	=	12dec	=	14oct		1	1	0	0
	Dhex	=	13dec	=	15oct		1	1	0	1
	Ehex	=	14dec	=	16oct		1	1	1	0
	Fhex	=	15dec	=	17oct		1	1	1	1

Konvèrsi

Konvèrsi saka hèksadèsimal menyang dèsimal

Cara ngonvèrsi menyang wilangan dèsimal, bisa migunakaké formula iki:

Saka wilangan hèksadèsimal H sing wujud untai digit $h_{n}h_{n-1}...h_{2}h_{1}h_{0}$, yèn dikonvèrsi dadi wilangan dèsimal D, mula:

$D=\sum _{k=0}^{n}h_{k}\times 16^{k}$

Tuladha, wilangan hèksa 10E sing bakal dikonversi menyang wilangan dèsimal:

• Digit-digit 10E bisa dipisahaké lan ngganti wilangan A nganti F (yèn ana) dadi wilangan dèsimal padanané. Sajeroning conto iki, 10E diowahi dadi barisan: 1,0,14 (E = 14 sajeroning basis 10)
• Nangkaraké (ngepingaké) saben digit marang aji panggonané.

$1\times 16^{2}+0\times 16^{1}+14\times 16^{0}$

$=256+0+14$

$=270$

Kanthi mangkono, wilangan 10E hèksadèsimal padha karo wilangan dèsimal 270.

Konversi saka dèsimal menyang hèksadèsimal

Déné cara ngonvèrsi sistem dèsimal menyang hèksadèsimal (kita gunakaké conto sadurungé, ya iku angka dèsimal 270):

 270 dipara 16 asilé:  16   sisa 14  (= E)
  16 dipara 16 asilé:   1   sisa  0  (= 0)
   1 dipara 16 asilé:   0   sisa  1  (= 1)

Saka pètungan ing dhuwur, aji sisa sing ana (yèn ditulis saka ngisor mendhuwur) bakal ngasilaké : 10E sing dadi asil konvèrsi saka wilangan dèsimal menyang hèksadèsimal iku.