Pulitik

Saka Wikipédia Jawa, bauwarna bébas abasa Jawa

Pulitik utawa pulitik iku proses nggawé lan pembagéan kakuwasan jroning masyarakat kang antara liya awujud proses ngrumusaké kawicaksanan, utamané jroning nagara. Dhéfinisi iki minangka upaya nggandhèngaké sawetara dhéfinisi kang béda-béda bab hakikat pulitik kang dikenal jroning Èlmu pulitik.

Pulitik iku seni lan ngèlmu kanggo ngrengkuh kakuwasan sacara konstitusional utawa sacara nonkonstitusional.

Saliyané iku pulitik uga bisa ditilik saka arah kang béda, ya iku antara liya:

  • pulitik iku usaha kang ditempuh déning warga nagara kanggo mujudaké kahanan apik kanggo sakabèhé (teori klasik Aristoteles)
  • pulitik iku bab kang magepokan karo penyelenggaraan pamaréntahan lan nagara
  • pulitik minangka kegiatan kang diarahaké kanggo ngéntukaké lan njaga kakuwasan ing masyarakat
  • pulitik iku kabèh soal bab proses ngrumusaké lan nglaksanaaké kawicaksanan publik.

Jroning mangertèni pulitik kudu faham sawetara kunci, antara liya: kakuwasan pulitik, legitimasi, Sistem Pulitik, perilaku pulitik, partisipasi pulitik, proses pulitik, lan uga ora kalah wigatiné seluk beluk bab parté pulitik.

Èlmu pulitik[besut | besut sumber]

Téori pulitik[besut | besut sumber]

Téori pulitik iku kajian bab konsep nentokaké tujuan pulitik, piyé carané nggayuh tujuan mau sarta kabèh konsekuensiné. Basan bab Teori Pulitik antara liya filsafat pulitik, konsep bab Sistem Pulitik, nagara, masyarakat, kadhaulatan, kakuwasan, legitimasi, lembaga nagara, owah-owahan sosial, pembangunan pulitik, perbandingan pulitik, lll.

Akèh banget wangun sistem pulitik kang dikembangaké déning nagara-nagara ing donya antara liya: anarkisme,autoritarian, dhémokrasi, diktatorisme, fasisme, federalisme, feminisme, fundamentalisme keagamaan, globalisme, imperialisme, kapitalisme, komunisme, liberalisme, libertarianisme, marxisme, meritokrasi, monarki, nasionalisme, rasisme, sosialisme, theokrasi, totaliterisme, oligarki dsb.

Lembaga pulitik[besut | besut sumber]

Sacara umum tegesé sawijining organisasi, nanging lembaga bisa uga arupa sawijining kabiasaan utawa prilaku kang duwèni pola. Perkawinan upamané, iku lembaga sosial, kang diakoni déning nagara liwat KUA utawa Cathetan Sipil ing Indonésia apadéné kang diakoni déning masyarakat waé tanpa pangakon nagara. Jroning bab iki, sawijining organisasi uga arupa prilaku kang duwé pola kanthi mènèhi jabatan marang wong-wong tinamtu supaya bisa ngayahi fungsi kanggo nggayuh tujuan bebarengan, organisasi bisa formal utawa informal. Lembaga pulitik iku prilaku pulitik kang duwèni pola jroning babagan pulitik.

Parté lan Golongan[besut | besut sumber]

Hubungan Internasional[besut | besut sumber]

Jroning wangun klasik hubungan internasional iku arupa hubungan antar nagara, nanging jroning perkembangan sabanjuré, konsep iki owah dadi nyakup kabèh interaksi kang dumadi lintas wates nagara. Jroning wangun klasik, hubungan internasional diperanaké mung déning para diplomat (lan spiun) saliyané tentara jroning paperangan. Dén jroning konsep anyar hubungan internasional, werna-werna organisasi internasional, perusahaan, organisasi nirlaba, malah wong pribadi bisa dadi aktor kang wigati tumrap pulitik internasional.

Masyarakat[besut | besut sumber]

Ya iku kumpulan manungsa kang dumunung ana ing sajroning tlatah nagara.

Kakuwasan[besut | besut sumber]

Jroning teori pulitik nunjuk marang kamampuan kanggo nggawé supaya wong liya nglakokaké bab kang ora dikarepaké. Max Weber nulis aané telu sumber kakuwasan: kasiji saka asumber saka hukum utawa undhang-undhang; kaloro, sumber saka kakerasan kayadéné penguasan gaman; katelu, sumber saka karisma.

Nagara[besut | besut sumber]

Nagara minangka sawijining kawasan teritorial kang ing jeroné ana padunung, nduwèni kadhaulatan kanggo nglakokaké pamaréntahan, lan diakoni déning nagara liya. Katentuan kang tersebut ing dhuwur iku minangka syarat ngadegé nagara miturut konferensi Montevideo ing taun 1933

Tokoh lan pemikir Èlmu pulitik[besut | besut sumber]

Tokoh-tokoh pulitik[besut | besut sumber]

Pemikir-pemikir pulitik[besut | besut sumber]

Mancanagara[besut | besut sumber]

Tokoh tokoh pemikir Ilmu Pulitik saka kalangan teoris klasik, modern utawa kontempoter antara liya: Aristoteles, Adam Smith, Cicero, Friedrich Engels, Immanuel Kant, John Locke, Karl Marx, Lenin, Martin Luther, Max Weber, Nicolo Machiavelli, Rousseau, Samuel P Huntington, Thomas Hobbes, Antonio Gramsci, Harold Crouch, Douglas E Ramage.

Indonésia[besut | besut sumber]

Sawetara tokoh pemikir lan penulis materi Èlmu pulitik lan Hubungan internasional saka Indonésia antara liya: Miriam Budiardjo, Salim Said dan Ramlan Surbakti.

Delengen uga[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Pulitik&oldid=1053686"