Seni

Saka Wikipédia Jawa, bauwarna bébas abasa Jawa
Kagunan

Kagunan iku pérangan kabudayan sing ana gayutané karo wujud rasa apik utawa éndah. Rasa apik iku anané ing batin, ing pikiran manungsa. Kagunan iku fungsiné kanggo nyaluraké rasa éndah ing pikiran, tegesé, kagunan iku prosès nyiptaaké wujud-wujud sing ndadèkaké ati ngrasa seneng, puas, bungah kanggo memapki sisih batin/spiritual kauripan manungsa.

Sapérangan wong duwé anggepan yèn Kagunan iku mung pelengkap, Sajatiné kagunan iku wis ana kawit manungsa lair, dadi ing saben individu, jiwa kagunan iku tuwuh bareng karo èlmu sawenèh individu mau.

Fungsi[besut | besut sumber]

Fungsi kagunan iku kanggo ngalusaké perasaan, pikiran uga watek/kepribadian, lewih lanjut kanggo ngalusaké tingkah polah utawa tingkah laku manungsa. Kasil pribadi sing wis dibekeli rasa alus iku mengko dadi duwé sipat santun, toleran lan wicaksana. Mulane kawit cilik manungsa iku wis moali dibekeli momotan kagunan upamané liwat tembang bocah saking biyunge, tembang Tak Lelo Lelo Lelo Ledung contoné, utawa saking dongèng sing dicritaaken ramane. Fungsi liyané kanggo numbuhke sipat kreatif mliginé ing bocah-bocah.

Dolanan iku donya kagunan bocah sing terus dilakoni nganti bocah iku melebu sekolah. Pelajaran nggambar ing sekolah iku cara kanggo nuwuhaké rasa kagunan ing jiwa bocah.

Werna-Werna Kagunan[besut | besut sumber]

  • Sastra, ya iku tembung silihan saka Basa Sansekerta; "śāstra", sing tegesé "tulisan" utawa "buku", saka tembung dhasar "śās-" sing tegesé "weruh". Ing basa Jawa, tembung iki racaké dianggo ngarani "kasusastran" utawa sajinising tulisan sing duwé arti utawa kaendahan tartamtu.
  • Kagunan rupa,ya iku cabang kagunan sing wujud karya kagunanne bisa dipirsani/disawang lan bisa diraba. Kagunan rupa iku ngolah konsep garis, babagan, wujud, volume, kelir, tekstur lan pencahayaan sing kabèh kudu manut aturan-aturan estetika.
  • Kagunan pagelaran, ya iku jinising karya kagunan sing merlokaké panggung utawa pelataran kanggo nampilké kasil karya kagunanne.
  • Dolanan Bocah ya iku arupa kagunan dolanan bocah-bocah cilik. Ing jaman saiki, dolanan mau suwéning suwé wis ora dikenal manèh, amarga kadhesek karo dolanan sing luwih modhèren.

Kagunan miturut Wewengkon[besut | besut sumber]

Wujud kagunan iku lengkèt karo enggon utawa papan asal jinisé kagunan iku. Sifat, warna, gaya lan kabèh perangkat kagunan mesthi cocog karo enggon asalé kagunan iku.