Kakuwasan pulitik

Saka Wikipédia Jawa, bauwarna mardika basa Jawa

Kakuwasan pulitik (basa Latin:imperium) iku tipe kakuwatan kang diduwèni déning sawenèh wong utawa golongan masarakat. Ana warna-warna cara kanggo nggayuh kakuwasan mau. Resminé, kakuwasan pulitik digegem déning sing duwé kadhaulatan. Kakuwasan pulitik ora mung diduwèni déning kepala nagara. Èlmuwan pulitik sok migunakaké dhefinisi yèn kakuwasan pulitik iku "kamampuan kanggo ngowahi prilaku wong liya", nganggo utawa ora nganggo panulakan.

Kanggo kaperluan analisis, I.C. MacMillan[1] misahaké konsèp kakuwasan

Power is the capacity to restructure actual situations.

— I.C. Macmillan

lan prabawa

Influence is the capacity to control and modify the perceptions of others.

— I.C. Macmillan


Pamisahan kakuwasan[besut | besut sumber]

Charles de Secondat, baron de Montesquieu mratélakaké yèn tanpa nuruti prinsip kanggo ngrengkuh (containing) lan kaseimbangan kakuwasan lègislatif, èksekutif lan yudhikatif, ora bakal ana kabébasan lan protèksi marang penyalahgunaan kakuwasan. Pamisahan kakuwasan kudu ana ing tataran saéngga saben cawang bisa ngayahi tugasé tanpa kakèhan pambatasan (limitation) saka cawang liyané; nanging gantung-gumantung ing antarané para cawang kakuwasan mau uga kudu ing tataran saéngga salah siji cawang ora bisa nglirwakaké (rule out) kaputusan cawang liyané. Iki minangka prinsip wigati bab pamisahan kakuwasan.

Réferènsi[besut | besut sumber]

  1. I.C. MacMillan (1978) Strategy Formulation: political concepts, St Paul, MN, West Publishing;