Hemoglobin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Struktur 3-dimensi hemoglobin

Hemoglobin yaiku metaloprotein (protein kang ngandhut zat besi) ing jero sel getih abang kang nduwé kagunan minangka pengangkut oksigen saka paru-paru tumuju kabèh bagéyan awak,[1] ing mamalia lan kéwan liyané. Hemoglobin uga ngusungi karbon dioksida mbalik menyang paru-paru kanggo ditokaké metu saka awak.[2] Molekul hemoglobin kawangun saka globin, apoprotein, lan patang gugus heme, sawijining molekul organik kanthi siji atom besi.[2] Mutasi ing gèn protein hemoglobin njalari sawijining golongan penyakit nurun kang diarani hemoglobinopati, ing antarané kang paling asring ditemokaké yaiku anemia sel sabit lan talasemia.[2]

Struktur[sunting | sunting sumber]

Gugus heme

Hemoglobin nduwèni struktur kang bisa diudhar.[3] Struktur hemoglobin kawangun saka sawatra unit. Ing pusat molekul kawangun saka cincin heterosiklik kang diarani porfirin kang nahan siji atom besi, atom besi iki minangka lokal talènan oksigen.[3] Porfirin kang ngandhut besi diarani heme. Hemoglobin kasusun saka patang molekul protein (globulin chain) kang kahubung antara siji lan sijiné.[3] hemoglobin norma wong déwasa (HbA) kawangun saka 2 alpha-globulin chains lan 2 beta-globulin chains, déné ing bayi kang isih ing njero kandhutan utawa wis lair kawangun saka sawatéara ranté beta lan molekul hemoglobin kang kawentuk saka 2 ranté alfa lan 2 ranté gama kang diarani HbF.[3] Ing manungsa déwasa hemoglobin arupa tetramer (ngandhut 4 subunit protein), kang kawangun saka 2 subunit alfa lan beta saben tentramer.[3] tentramer kuwi kagubet kanthi cara nonkovalen. Subunit-subunité kayaé sétruktural lan ukurané arep padha.[3] Saben subunit nduwé bobot molekul kurang saka 16,000 Dalton, saéngga bobot molekul total tentramer dadi kira-kira 64,000 Dalton.[3] Saben subunit hemoglobin ngandhut siji heme, saéngga kabèh hemoglobin nduwé kapasitas patang molekul oksigen.[3] Zat heme iki sing ndadèkaké getih wernané abang.[3]

Reaksi bertahap:

  • Hb + O2 <-> HbO2
  • HbO2 + O2 <-> Hb(O2)2
  • Hb(O2)2 + O2 <-> Hb(O2)3
  • Hb(O2)3 + O2 <-> Hb(O2)4

Reaksi keseluruhan:

  • Hb + 4O2 -> Hb(O2)4

Kagunan[sunting | sunting sumber]

  • Transpor oksigen

hemoglobin nduwé kemampuan kanggo nalèni oksigen kanthi lemah lan kanthi cara reversibel.[4] Kagunan hemoglobin ing awak gumantung ing kemampuan kanggo talènan karo oksigen ing jero peru-peru banjur ngeculaké oksigen kuwi tumuju kapiler jaringan ing endi tekanan gas saka oksigen adoh luwih sithik tinimbang ing jero pari-paru.[4] Saben molekul hemoglobin ngandhut patang atom besi lan bisa ngangkut molekul oksigen.[4] Nalika nindakaké fungsiné nggawa oksigen menyang kabèh bagéyan awak, hemoglobin nalèni oksigen lumantar talènan kimia khusus.[4] Reaksi kang mbentuk talènanan antara Hb lan oksigen kasebut bisa ditulis:

Hb + O2 <-----> HbO2

  • Transportasi karbondioksida dan ion hidrogen

Ing konsentrasi karbondioksia dhuwur lan pH cendhak, kaya ing jero jaringan, sawatara bagéyan karbondioksida bakal ditalèni dèning hemoglobin.[4] Daya tali tumrap oksigen bakal mudhun, saéngga oksigen diculaké.[4] Suwaliké nalika ditalèni ing jero paru-paru, daya tali hemoglobin kanggo karbondioksida mudhun.[4] Dadi, kejenuhan hemoglobin diprabawani dèning pH lan konsentrasi karbondioksida.[4]

Bentuk Hemoglobin[sunting | sunting sumber]

Hemoglobin kawentuk saka sawatara bentuk,[5] yaiku:

  1. Oksihaemoglobin, hemoglobin tanpa oksigen (hemoglobin tereduksi) kang nduwé werna ungu enom, hemoglobin teroksidasi kebak kanthi saben pasangan heme+globulin nggawa atom oksigen 2, awerna kuning abang.[5] Lambang oksihemoglobin yaiku HbO8, nanging HbO2 yaiku konvensional.[5]
  2. Karboksihaemoglobin, minangka karbon monoksida kang ditalèni marang hemoglobin ping 200 luwih gedhé tinimbang oksigen.[5] Saéngga ana karbon monoksida, mula luwih bisa kawentuk karboksihaemoglobin.[5] karboksihaemoglobin awerna abang cèri, utamané ing larutan cuwèr.[5]
  3. Methaemoglobin, minangka hementin-globin kang ngandhut FeIII- OH (symbol : Hi), methaemoglobin ora bisa ngangkut oksigen aknggo ambegan.[5]
  4. Suiphaemoglobin, minangka struktur kang ora tetep, kang ana gegayutané karo methaemoglobin lan uga ora bisa ngangkut oksigen ambegan.[5] Dituwuhaké dèning obat-obatan, pengawèt panganan, lan banyu wédang kang kena polusi.[5]
  5. Haemoglobin terglikosilasi, minangka haemoglobin kang ditalèni menyang glukosa kanggo mbentuk derivate kang stabil tumrap panguripané eritrosit.[5]
  6. Mioglobin. minangka hemoglobin kang disedherhanakaké, ana ing otot balung lan jantung.[5] Ing papan mioglobin uga bisa kerja minangka reservoir oksigen kang sithik lan diculaké sawisé iskemia amarga bobot molekul cendhak, mioglobin bisa cepet doresiki saka plasma lan ana mingangka mioglobinuria.[5] Mioglobinuria yaiku indeks karusakan sel ototkang sènsitif saka obahé awak.[5]
  7. Haptoglobin, minangka globulin spèsifik kang nalèni hemoglobin ing globin.[5] Kagunané kanggo ngéwahi zat besi sawisé hemeolisa intravakuler. Haptoglobin nalèni hemoglobin kira-kira 1,25 g/l plasma lan mung konsentrasi kuwi ana hemoglobin bébas kang ilang ing uyuh lan katalèn menyang haemopeksin.[5]
  8. Haemopeksin, minangka glikoprotein kang katalèn karo sisa haemoglobin. Konsentrasiné ing jero plasma normal yaiku kira-kira 0,5 g/l.[5]
  9. Methaemalbumin, minangka komponèn hemeatin + albumin, awerna coklat lan ana ing jero plasma kang mesthi normal.[5] Jalaran Methaemalbuminemia liya yaiku perdharahan menyang kavitas abdominalais utawa pankreatis haemoragika akuta, pencernaan dèning pankreas ngowahi hemoglobin dadi hematin kang diabsorbsi lan ditalèni menyang albumin plasma.[5]


Pranala njaba[sunting | sunting sumber]

  • 1A3N - PDB struktur hemoglobin Manusia.


Cathetan Suku[sunting | sunting sumber]

  1. ^ "Hemoglobin". WebMD. http://www.webmd.com/hw-popup/hemoglobin-7998. Retrieved 20 Februari 2012.
  2. ^ a b c {{id]}Hemoglobin(diundhuh 20 Januari 2013)
  3. ^ a b c d e f g h i (id)Struktur Hemoglobin(diundhuh 20 Januari 2013)
  4. ^ a b c d e f g h (id)Fungsi Hemoglobin(diundhuh 20 januari 2013)
  5. ^ a b c d e f g h i j k l m n o p q r (id)Macam dan Fungsi Hemoglobin(diundhuh 20 januari 2013)
Sumber artikel punika saking kaca situs web: "http://jv.wikipedia.org/w/index.php?title=Hemoglobin&oldid=836047"