Bayi

Saka Wikipédia Jawa, bauwarna bébas abasa Jawa
Bayi

Bayi inggih punika manungsa ingkang nembe mawon miyos ngantos yuswa 12 sasi, ananaing boten wonten watesan pasti. Miturut Psikologi, Bayi inggih punika periode parkembangan antawisipun miyos ngantos 18 utawi 24 sasi. Masa bayi inggih punika masa ingkang gumantung sanget kaliyan tiyang dhewasa. Kathah kagiyatan psikologis ingkang kadadosan minangka wiwitan kadasta basa, pamikiran simbolis, koordinasi sensorimotor, saha gladhen sosiyal. Wonten ing masa punika bayi kaperang dados kalih, kapejahan neonatal ( kapejahan ing 27 dinten sepindha miyos, saha post-neonatal (sasampunipun 27 dinten). Bayi dipun paringi panganan lumantar susu industri kusus. Bayi kagungan pamikiran nyedot, ingkang damel piyambakipun saged nyedot susu saking Prembayun. Menawi ibu boten saged nyosoni, saged dipun gantos kanthi formula bayi ingkang biyasa dipun ginakaken wonten ing nagari kulon. Ing nagari sanés wonten jasa sewa perawat basah(wet nurse) kanggé nyosoni bayi kasebut. Bayi boten saged ngatur pambuangan kotoranipun, pramila dipun ginakaken popok. Popok ingkang dipun ginakaken bayi saged awujud popok saking jarit biyasa utawi popok ingkang sekali ageman (diapers). Sapunika popok sekali ageman asring dipun ginakaken amargi praktis ugi boten ngrepotaken, ananging wonten prekawis saking popok sekali ageman inggih punika prekawis ruam popok. Kulit bayi ingkang sensitif asring katutup saha éwed ambékan saéngga mungkinaken kawontenanipun perkawis ruam saha iritasi kulit bayi. Menawi boten dipun tangani nyebabaken peradangan kulit bayi saha infeksi.[1]

Urutan perkembanganipun fisik bayi saderengipun saged mlampah:[besut | besut sumber]

  • milai jumeneng saking kahanan lenggah kanthi cepengan wonten ing meja utawi kursi (biyasanipun yuswa 9 sasian)
  • milai gladhen nekuk jengkunipun (yuswa 10 sasian)
  • milai gladhen lenggah saking kahanan jumeneng (yuswa 10 sasian)
  • milai mlampah rémbétan, kanthi cepengan piranti griya (yuswa 11 sasian)
  • milai mlampah saha pindhah saking satunggal piranti dhateng piranti sanés nyambi cepengan (yuswa 12 sasian).[2]

Faktor-faktor Panyebab awrat Bayi kirang limrah[besut | besut sumber]

  • Faktor Ibu

Salah satunggaling faktor punika kekirangan gizi, rikala nggarbani Ibu kedah nyukupi asupan gizi supados janin kajaga kasarasanipun. Sanésipun, faktor usia ibu ugi gegayutan kaliyan awratipun janin. Ibu ingkang usia remajasaha usia inggilipun 40 taun biyasanipun ukuran bayi punika langkung andhap.[1]

  • Faktor Nggarbani
    • Komplikasi Hamil
      • Pre-eklampsia/ Eklampsia.[1]

Cathetan Suku[besut | besut sumber]

  1. ^ a b c (id)Sakilas babagan Bayi (dipun unduh 10 nopember 2012)
  2. ^ (id)Urutan perkembanganipun fisik bayi saderengipun saged mlampah (dipun unduh 10 nopember 2012)
Sumber artikel punika saking kaca situs web: "https://jv.wikipedia.org/w/index.php?title=Bayi&oldid=996788"