Bawang bombay

Saka Wikipédia Jawa, bauwarna bébas abasa Jawa
Bawang Bombay
Onions.jpg
Bawang Bombay
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Alliaceae
Génus: Allium
Jeneng binomial
Allium cepa
L.
Bawang bombay

Bawang bombay ya iku salah siji jinis tanduran bawang kang bisa minangka bumbu masakan. Bawang jisnis iki uga kena kanggo campuran saos ing pizza.[1] Bawang jinis iki ukurane luwih gedhé tinimbang bawang putih.[1] Diarani bawang bombay awit bawang iki digawa para wong kang asalé saka kutha Bombay utawa Mumbai, India menyang Indonésia.[1]

Bawang bombay kang asring minangka bumbu masakan uga nduwéni khasiyat kang gedhé tumprap keséhatan.[2] Bawang saka kulawarga Allium iki ngandhut sulfur kang ana kromiume.[2] Kromium ya iku mineral kang mbiyantu sèl awak kanggo ngrespon insulin.[2] Bawang bombay uga ngandhut Vitamin C lan flavonoid kang diarani quercitin.[2] Saliyané ngurangi gula darah, bawang bombay uga kena kanggo ngurangi level total kolésterol lan ningkataké kolésterol apik ing awak saéngga bawang bombay uga apik kanggo jantung.[2] Para panaliti nerangaké yèn mangan bawang bombay kanthi rutin kang cacahé siji utawa loro saminggu bisa ngurangi bebaya kanker usus besar, amarga bawang ngandhut flavonoid kang arané quercitin.[2] Ing panalitèn, zat iki ngendheké thukulé tumor lan njaga sèl usus besar supaya ora rusak amarga bahan-bahan kang disebabaké kanker.[2] Masak nggunakaké bawang bombay uga ngurangi bahan karsinogen kang nyebabaké tumor.[2] Ora mung kanker usus, miturut American Journal of Clinical Nutrition, mangan bawang bombay uga ngurangi resiko kanker mulut lan faring kurang luwih 84 persèn, kanker esofagus 88 persèn, kanker kolorektal 56 persèn, kanker susu kurang luwih 25 persèn, kanker ovarium (indung telur) 73 persèn lan uga kanker prostat kurang luwih 71 persèn.[2]

Cathetan suku[besut | besut sumber]

  1. ^ a b c serasiclinic.com(dipunundhuh tanggal 17 Juni 2011)
  2. ^ a b c d e f g h i keséhatan.kompas.com(dipunundhuh tanggal 17 Juni 2011)