Asia Kidul-wétan

Saka Wikipédia, bauwarna bébas basa Jawa
Peta Asia Kidul-wétan

Asia Kidul-Wétan punika satunggiling tlatah ing jagad-wano (bawana) Asia. Tlatah punika papan watesipun budaya Asia Kidul utawi Indhia kaliyan budaya Asia Wétan utawi Cinten. Kirang langkung sepalih wewengkon tlatah Asia Kidul-Wétan, punika laladan kapulowan. Asia Kidul-Wétan wewatesan karo Républik Rakyat Cina ing sisih lor, Samudra Pasifik ing wétan, Samudra Hindia ing kidul, lan Samudra Hindia, Lempongan Benggala, lan anak bawana India ing kulon.

Daftar negari[besut | besut sumber]

Lajeng negari Timor Wétan ugi asring kagolong ing Asia Kidul-Wétan. Kaliyan ugi negari Taiwan rikala-kala ugi kagolongaken tlatah punika.

Sejarah Asia Kidul Wétan[besut | besut sumber]

Jeneng Asia Kidul-Wétan pisanan digunakaké nalika abad ka-20. Sadurungé papan iki dikenal kanthi jeneng India Buri (yèn dibandhingaké karo benuwa India). Asia Kidul-Wétan cacahé ana sewelas nagara, ana sing mapan ing daratan (Benuwa Asia) kang diarani Asia Kidul-Wétan Daratan (Indocina) lan ana sing kalebu Asia Kidul-Wétan Maritim, saliyane iku uga asring sinebut Kepulowan Kidul (Nan Yang, Cina lan Vietnam), Kepulowan Melayu (Malay Archipelago menurut A.R. Wallace), Malayunesia (Logan), Indonésia (Logan lan Adolf Bastian), Hindia Wétan (Oost-Indie, Walanda), Malaysia, Insulinde (déning wong Hindia Walanda ing abad ka-20), utawa Nuswantara (déning masyarakat Indonésia).

Agama[besut | besut sumber]

Agama kang dinut déning warga kang manggon ing Asia Kidul-wétan béda-béda lan nyebar ing ndi waé. Nagara Thailand, Myanmar, Laos, Viètnam lan Kamboja wargané akèh kang nganut Agama Buddha. Déné Agama Islam akèh dinut warga nagara Indonésia, Malaysia, lan Brunei kanthi Indonésia dadi nagara kang wargane paling akèh nganut agama Islam. Agama Kristen akèh dinut ingè Filipina. Ing Singapura, agama kang dinut déning wargané kang akèh-akèhé wong Tionghoa ya iku agama Buddha, Taoisme, lan Konfusianisme.