Amérika Tengah

Saka Wikipédia Jawa, bauwarna bébas abasa Jawa
Peta Amérika Tengah

Amérika Tengah iku kawasan ing Amérika Lèr pérangan kidul, nglingkupi wewengkon ing sisih kidul Lempongan Mèksiko nganti tapel wates antara Panama lan Kolombia. Miturut definisi kang umum, kawasan iki nyakup nagara-nagara ing antarané Mèksiko lan Kolombia:

Miturut pangertèn géografis, Amérika Tengah uga bisa éwoning sawijining tanah genting gedhé, ya iku nyakup sawetara praja Mèksiko kang dumunung ing sisih wétan Tanah Genting Tehuantepec.

Géografi[besut | besut sumber]

Tlatah Amérika Tengah ambané 540.000 km² kang diapit déning Samudra Pasifik lan Segara Karibia ing sisih kulon lan wétan.

Aktivitas géologi kaya bledhosan gunung lan lindhu ing kawasan iki relatif dhuwur. Ing taun 1931 lan 1972, kadadéan lindhu ngusak tlatah Managua, kutha krajan Nikaragua. Tanah subur tilas ilèn lava nyuburaké aktivitas tetanèn ing laladan pagunungan. Kawasan iki dumunung ing Lèmpèng Karibia.

Amérika Tengah minangka kawasan paling sempit ing Bawana Amérika, mligi ing Terusan Panama lan Terusan Nikaragua, sawijining terusan kang rencanané bakal digawé.

Sajarah[besut | besut sumber]

Ana ing wiwitan abad ka-19, ana sawijining nagara kang jenengé Provinsi Amérika Tengah Nyawiji. Wewengkoné nyakup Guatemala, Honduras, El Salvador, Nikaragua, lan Costa Rica wektu iki.