Skandinavia

Saka Wikipédia Jawa, bauwarna bébas abasa Jawa

Skandinavia iku ngarujuk marang rong nagara ya iku (Norwegia lan Swedia) sing dumunung ing Tanjung Skandinavia, ditambah Denmark.

Tanjung Skandinavia nduwèni populasi sithik lan tlatahé katutup déning alas pinus, birch lan, cemara. Ing sisih kulon lan lor ana sawijining pagunungan. Pagunungan Skandinavia iku mujudaké salah siji pagunungan paling tuwa ing donya. Gunung sing paling dhuwur ya iku Galdhøpiggen ing Norwegia.

Denmark minangka nagara Skandinavia sing paling cilik, populasiné luwih padhet, lan tlatahé akèh dianggo panggonan tetanèn. Kopenhagen, kutha krajan Denmark, uga kutha paling gedhé ing Skandinavia.

Skandinavia iku pérangan saka Nagara Nordik sing uga nyakup Islandia lan Finlandia. Kalima nagara iki ngordinasèkaké aktivitas pulitik lan kabudayan ing Déwan Nordik. Denmark, Finlandia, lan Swedia iku nagara anggota Uni Éropah.

Basa-basa ing Skandinavia iku silih gegandhéngan lan wong Skandinavia bisa mangertèni siji lan sijiné. Basa Skandinavia klebu jroning basa Jermanik, sakkulawarga karo basa Jerman lan Inggris.

Saben nagara nduwèni mata uang dhuwit dhéwé-dhéwé, senadyan jenengé padha ya iku krona utawa krone. Dhuwit sak krona dipecah dadi 100 øre utawa öre. Ajiné sak krona kira-kira 10-15 seneuro.

Sadawané sajarah, nagara-nagara Skandinavia wis ngliwati perang lan tapel watesé wis owah luwih saka sepisan, nanging saiki Skandinavia minangka nagara sing damai.

Delengen uga[besut | besut sumber]

Pranala njaba[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Skandinavia&oldid=969846"