Australasia

Saka Wikipédia Jawa, bauwarna bébas abasa Jawa
Australasia

Australasia iku sebutan tumrap kawasan ing Oséania sing nyakup Australia, Niu Selan lan pulo-pulo ing saubengé ing Samudra Pasifik. Istilah iki diciptakaké déning Charles de Brosses sajeroning bukuné Histoire des navigations aux terres australes (1756) lan asal saka basa Latin sing maknané "kidul Asia". De Brosses mbédakaké Australasia saka Polinésia (ing sisih wétané), Mikronésia ing wétan-lor, lan Magellanika ing kidul-wétan Samudra Pasifik.

Dideleng saka sisih géografi fisik, bawana Australia, Tasmania, Niu Selan, lan Mèlanésia kalebu sajeroning Australasia, sauntara iku miturut géografi pulitik, istilah "Australasia" kadhangkala dipigunakaké yumrap Australia lan Niu Selan waé, umpamané ing jeneng-jeneng organisasi. Jeneng "Australasia" naté dipigunakaké wektu Australia lan Niu Selan ngirim tim gabungan menyang Olimpiade 1908 lan Olimpiade 1912.

Saka sisih ékologi, "Australasia" iku kawasan sing duwé sajarah évolusi sing seragam lan warna-warna flora lan fauna sing mung tinemu ing tlatah iki. Ing pangertèn iki, Australasia ya iku Australia, Pulo Irian lan pulo-pulo ing saubengé, kalebu Pulau Lombok lan Sulawesi sarta pulo-pulo ing Indonésia sing dumunung ing sisih wétané kaloro pulo mau. Niu Selan ora kalebu yèn migunakaké dhéfinisi iki. Garis bayangan sing misahaké Australasia karo Asia ya iku Garis WallaceKalimantan lan Bali dumunung ing sisih kulon, ya iku ing Asia.

Uga delengen[besut | besut sumber]

Réferènsi[besut | besut sumber]