ꦩꦶ
 ꦩꦶꦒꦺꦴꦫꦺꦁ | |
| Panggonan asal | ꦕꦶꦤ |
|---|---|
| Tlatah utawa praja | ꦄꦱꦶꦪ꧈ꦗꦼꦥꦁ꧈ꦏꦺꦴꦫꦺꦪ꧈ꦠꦻꦮꦤ꧀ꦲꦸꦒꦌꦫꦺꦴꦥ |
| Woworan pokok | ꦒꦤ꧀ꦢꦸꦩ꧀ |
 Buku masakan: ꦩꦶ  Médhia: ꦩꦶ | |
꧋ꦩꦶꦲꦶꦏꦸꦥꦔꦤꦤ꧀ꦥꦭꦶꦁꦩꦶꦱꦸꦮꦸꦂꦲꦶꦁꦄꦱꦶꦪ꧈ꦩ꧀ꦭꦶꦒꦶꦤꦺꦲꦶꦁꦧꦮꦤꦄꦱꦶꦪꦮꦺꦠꦤ꧀ꦭꦤ꧀ꦏꦶꦢꦸꦭ꧀ꦮꦺꦠꦤ꧀꧉ꦩꦶꦠꦸꦫꦸꦠ꧀ꦕꦛꦺꦠꦤ꧀ꦱꦗꦫꦃ꧈ꦩꦶꦏꦥꦶꦱꦤꦤ꧀ꦢꦶꦒꦮꦺꦲꦶꦁꦕꦶꦤꦤꦭꦶꦏꦗꦩꦤ꧀ꦥꦥꦿꦺꦤ꧀ꦠꦲꦤ꧀ꦢꦶꦤꦱ꧀ꦠꦶꦲꦤ꧀꧉ꦱꦏꦕꦶꦤ꧈ꦩꦶꦚꦼꦧꦂꦠꦼꦏꦤ꧀ꦗꦼꦥꦁ꧈ꦏꦺꦴꦫꦺꦪ꧈ꦠꦻꦮꦤ꧀ꦭꦤ꧀ꦤꦒꦫꦤꦒꦫꦲꦶꦁꦄꦱꦶꦪꦠꦺꦁꦒꦫꦠꦼꦏꦤ꧀ꦌꦫꦺꦴꦥ꧉ꦩꦶꦠꦸꦫꦸꦠ꧀ꦧꦸꦏꦸꦧꦸꦏꦸꦱꦗꦫꦃ꧈ꦲꦶꦁꦌꦫꦺꦴꦥ꧈ꦩꦶꦮꦶꦮꦶꦠ꧀ꦢꦶꦏꦼꦤꦭ꧀ꦱꦮꦶꦱꦺꦩꦂꦕꦺꦴꦥꦺꦴꦭꦺꦴꦤꦼꦏꦤꦶꦕꦶꦤꦭꦤ꧀ꦔ꧀ꦒꦮꦗꦗꦤ꧀ꦩꦶ꧉ꦤꦔꦶꦁꦔꦿꦼꦩ꧀ꦧꦏꦤꦺꦲꦶꦁꦌꦫꦺꦴꦥ꧈ꦩꦶꦱꦲꦶꦏꦶꦢꦝꦶꦥꦱ꧀ꦠꦏꦪꦏꦁꦏꦶꦠꦩꦔꦼꦂꦠꦺꦤꦶꦱꦲꦶꦏꦶ꧉[1]
꧋ꦱꦗꦠꦶꦤꦺꦱꦼꦤꦶꦔ꧀ꦒꦶꦭꦶꦁꦒꦤ꧀ꦢꦸꦩ꧀ꦮꦶꦱ꧀ꦲꦤꦭꦸꦮꦶꦃꦢꦶꦱꦶꦏ꧀ꦲꦶꦁꦮꦺꦠꦤ꧀ꦠꦼꦔꦃ꧈ꦏꦪꦩꦼꦱꦶꦂꦭꦤ꧀ꦥꦺꦂꦱꦶ꧉ꦲꦱꦭꦺ꧈ꦩꦶꦢꦶꦥꦿꦺꦴꦝꦸꦏ꧀ꦱꦶꦏꦤ꧀ꦛꦶꦩꦤꦸꦮꦭ꧀꧈ꦤꦼꦩ꧀ꦧꦺꦠꦲꦸꦤ꧀꧇꧗꧐꧐꧇ꦱꦤ꧀ꦲꦤꦩꦼꦱꦶꦤ꧀ꦏꦁꦒꦺꦴꦔ꧀ꦒꦮꦺꦩꦶꦱꦶꦁꦲꦸꦏꦸꦫꦤꦺꦕꦶꦭꦶꦏ꧀ꦔꦁꦒꦺꦴꦥꦶꦫꦤ꧀ꦠꦶꦩꦺꦏꦤꦶꦏ꧀꧈ꦠ꧈ꦩꦱꦏꦶꦠꦲꦸꦤ꧀꧇꧑꧘꧕꧔꧇ꦧꦶꦱꦔ꧀ꦒꦮꦺꦩꦼꦱꦶꦤ꧀ꦏꦁꦒꦺꦴꦔ꧀ꦒꦮꦺꦩꦶꦩꦺꦏꦤꦶꦏ꧀ꦏꦁꦧꦶꦱꦩꦿꦺꦴꦝꦸꦏ꧀ꦱꦶꦩꦶꦏꦤ꧀ꦛꦶꦩꦱꦭ꧀꧈ꦱꦏꦮꦶꦠ꧀ꦲꦶꦏꦸ꧈ꦩꦶꦔꦭꦩꦶꦲꦏꦺꦃꦥꦼꦂꦏꦼꦩ꧀ꦧꦔꦤ꧀꧈ꦏꦪꦲꦶꦁꦕꦶꦤꦮꦶꦮꦶꦠ꧀ꦢꦶꦥꦿꦺꦴꦝꦸꦏ꧀ꦱꦶꦩꦶꦆꦤ꧀ꦱ꧀ꦠꦤ꧀ꦠ꧀ꦏꦁꦗꦺꦤꦺꦔꦺꦖꦶꦕ꧀ꦏꦼꦤ꧀ꦫꦩꦺꦤ꧀ꦭꦤ꧀ꦲꦶꦁꦗꦼꦥꦁꦗꦼꦤꦼꦁꦔꦺꦱꦥꦫꦺꦴꦫꦩꦺꦤ꧀(꧇꧑꧙꧖꧒꧇)꧉[2]
ꦗꦶꦤꦶꦱ꧀ꦗꦶꦤꦶꦱ꧀ꦩꦶ
[besut | besut sumber]- ꦩꦶꦱꦼꦒꦼꦂ꧈ꦪꦲꦶꦏꦸꦩꦶꦏꦁꦮꦶꦱ꧀ꦲꦺꦴꦫꦔꦭꦩꦶꦥꦔꦺꦴꦭꦲꦤ꧀ꦭꦚ꧀ꦗꦸꦠꦤ꧀꧈ꦭꦸꦩꦿꦲꦺꦩꦸꦁꦠꦲꦤ꧀ꦱꦢꦶꦤꦲꦩꦂꦒꦏꦤ꧀ꦢꦸꦠꦤ꧀ꦧꦚꦸꦏꦁꦢꦸꦮꦸꦂ꧈ꦪꦲꦶꦏꦸ꧇꧓꧕꧇%꧉ꦩꦶꦱꦼꦒꦼꦂꦭꦸꦩꦿꦲꦺꦏꦁꦒꦺꦴꦔ꧀ꦒꦮꦺꦩꦶꦲꦪꦩ꧀꧉
- ꦩꦶꦠꦼꦊꦱ꧀꧈ꦪꦲꦶꦏꦸꦩꦶꦏꦁꦢꦶꦢꦺꦴꦭ꧀ꦱꦗꦼꦫꦺꦴꦤꦶꦁꦏꦲꦤꦤ꧀ꦠꦼꦊꦱ꧀꧈ꦏꦤ꧀ꦢꦸꦠꦤ꧀ꦧꦚꦸꦤꦺꦢꦸꦮꦸꦂꦠꦼꦏꦤ꧀꧇꧕꧒꧇%ꦩꦸꦭꦩꦸꦁꦠꦲꦤ꧀꧇꧔꧐꧇ꦗꦩ꧀꧈
- ꦩꦶꦒꦫꦶꦁꦲꦸꦠꦮꦩꦶꦲꦼꦤ꧀ꦝꦺꦴꦒ꧀꧈ꦲꦩꦂꦒꦥꦿꦺꦴꦱꦺꦱ꧀ꦔ꧀ꦒꦮꦺꦤꦼꦢꦶꦠꦩ꧀ꦧꦲꦶꦲꦼꦤ꧀ꦝꦺꦴꦒ꧀ꦲꦸꦠꦮꦒ꧀ꦊꦥꦸꦁꦲꦼꦤ꧀ꦝꦺꦴꦒ꧀꧈ꦧꦶꦱꦠꦲꦤ꧀ꦱꦸꦮꦺꦲꦩꦂꦒꦏꦤ꧀ꦢꦸꦠꦤ꧀ꦧꦚꦸꦤꦺꦩꦸꦁ꧇꧑꧓꧇%꧈ꦧꦶꦪꦱꦢꦶꦒꦮꦺꦧꦲꦤ꧀ꦏꦁꦒꦺꦴꦔ꧀ꦒꦮꦺꦩꦶꦒꦺꦴꦫꦺꦁ꧉꧉
- ꦩꦶꦆꦤ꧀ꦱ꧀ꦠꦤ꧀꧈ꦩꦶꦏꦁꦥꦭꦶꦁꦥ꧀ꦩꦶꦱꦸꦮꦸꦂ꧈ꦲꦩꦂꦒꦥꦿꦏ꧀ꦠꦶꦱ꧀ꦭꦤ꧀ꦠꦲꦤ꧀ꦭꦸꦮꦶꦃꦱꦸꦮꦺ꧉ꦏꦤ꧀ꦢꦸꦠꦤ꧀ꦧꦚꦸꦤꦺꦩꦸꦁ꧇꧕꧇-꧇꧘꧇%꧉ꦭꦸꦩꦿꦲꦺꦢꦶꦒꦮꦺꦩꦶꦒꦺꦴꦝꦺꦴꦒ꧀ꦲꦸꦠꦮꦩꦶꦒꦺꦴꦫꦺꦁ꧉[3]
ꦏꦺꦴꦩ꧀ꦥꦺꦴꦱꦶꦱꦶꦩꦶ
[besut | besut sumber]꧋ꦏꦺꦴꦩ꧀ꦥꦺꦴꦱꦶꦱꦶꦧꦲꦤꦺꦪꦲꦶꦏꦸꦒ꧀ꦭꦼꦥꦸꦁꦠꦼꦫꦶꦒꦸ꧈ꦧꦚꦸ꧈ꦲꦼꦤ꧀ꦝꦺꦴꦒ꧀꧈ꦲꦸꦪꦃꦭꦤ꧀ꦧꦚꦸꦲꦮꦸꦲꦸꦠꦮꦧꦚꦸꦏꦶꦱꦸꦥꦪꦧꦶꦱꦏꦼꦚꦭ꧀꧈[4]
ꦕꦫꦔ꧀ꦒꦮꦺꦩꦶ
[besut | besut sumber]꧋ꦥꦿꦺꦴꦱꦺꦱ꧀ꦔ꧀ꦒꦮꦺꦱꦶꦁꦏꦥꦶꦱꦤꦤꦤ꧀ꦪꦲꦶꦏꦸꦏꦧꦺꦃꦧꦲꦤ꧀ꦢꦶꦕꦩ꧀ꦥꦸꦂꦢꦝꦶꦱꦶꦗꦶꦔꦤ꧀ꦠꦶꦢꦝꦶꦄꦝꦺꦴꦤꦤ꧀꧈ꦧꦚ꧀ꦗꦸꦂꦄꦝꦺꦴꦤꦤ꧀ꦢꦶꦲꦸꦭꦺꦤꦶꦔꦤ꧀ꦠꦶꦄꦝꦺꦴꦤꦤ꧀ꦏꦭꦶꦱ꧀꧈ꦭꦸꦚꦸ꧈ꦭꦤ꧀ꦠꦿꦤ꧀ꦱ꧀ꦥꦫꦤ꧀꧈ꦱꦮꦶꦱꦺꦲꦶꦏꦸꦄꦝꦺꦴꦤꦤ꧀ꦢꦶꦮꦔꦸꦤ꧀ꦲꦸꦠꦮꦢꦶꦲꦶꦫꦶꦱ꧀ꦱꦼꦱꦸꦮꦻꦏꦫꦺꦴꦗꦶꦤꦶꦱ꧀ꦩꦶꦏꦁꦲꦫꦺꦥ꧀ꦢꦶꦒꦮꦺ꧉[5]
ꦫꦺꦥ꦳ꦺꦫꦺꦤ꧀ꦱꦶ
[besut | besut sumber]- ↑ lintasberita.com Archived 2011-09-13 at the Wayback Machine. Mi (diaksès tanggal 10 Oktober 2011)
- ↑ kopi-luwak.lefora.com[pranala mati permanèn] Mi (diaksés tanggal 10 Oktober 2011)
- ↑ [1] Mi (diaksés tanggal 10 Oktober 2011)
- ↑ bos-mieayam.com[pranala mati permanèn] Mi (diaksés tanggal 10 Oktober 2011)
- ↑ tripod.com Mi (diaksés tanggal 10 Oktober 2011)