Mengi

Saka Wikipédia Jawa, bauwarna bébas abasa Jawa
(Dilih saka Asma)
Obat mengi kang awujud inhaler

Mengi utawa bengèk iku lelara kang dijalari amarga ana gangguan ing piranti ambegan kaya ta gorokan abuh utawa ciyut, mula ambegan kaganggu utawa sesek. Kadhang-kadhang napas dadi seseken.[1] Mengi iku disebabake amarga saluran kanggo ambegan kang dadi sempit amarga hiperaktivitas amarga rangsangan kang ndadèkaké radang lan saluran ambegan kang nyempit sauntara wektu.

Jalarané[besut | besut sumber]

Lara mengi dijalari saka ciute saluran ambegan amarga respon marang rangsangan kang ana ing paru-paru. Ciute saluran ambegan disebabake amarga pirang-pirang rangsangan, kaya ta saka serbuk sari, abluk, wulu kewan, keluk, hawa atis, lan ulah raga.

Nalika kena serangan mengi, otot polos saka bronki ngalami kejang lan jaringan kang nglapisi saluran udara dadi aboh amarga ana peradangan (inflamasi) lan pelepasan lendir ing sajeroning saluran udara. Kaya ngene iku bakalan nyilikake diameter saka saluran udara (diarani bronkokonstriksi) lan penyempitan iki ndadèkaké penderita kudu ngupayakake sekuwat tenaga supaya bisa ambegan.[2]

Sel-sel tartamtu sajeroning saluran udara, ya iku mastosit kang duwé tanggungjawab karo mula bukane panyempitan iki. Mastosit ing sadawané bronki nguculake bahan kaya histamin lan leukotrien kang ndadèkaké:-kontraksi otot polos-peningkatan pembentukan lendir-pindahing sel darah putih tartamtu menyang bronki. Mastosit ngetokaké bahan iku minangka respon marang barang asing (alergen), kaya déné serbuk sari, abluk alus kang ana ing jero omah utawa wulu kewan.[3]

Cathetan sikil[besut | besut sumber]

  1. ^ Lembaga Penelitian Pemngembangan dan Pemberdayaan Lingkungan. 2000. Pemanfaatan Tumbuh-Tumbuhan Alami Untuk Keséhatan dan Pengobatan Alternatif. Jawa Tengah: Jaya Madani.
  2. ^ Rapini, Ronald P.; Bolognia, Jean L.; Jorizzo, Joseph L. (2007). Dermatology: 2-Volume Set. St. Louis: Mosby. ISBN 1-4160-2999-0.
  3. ^ www.ncbi.nlm.nih.gov Transient relief of asthma symptoms during jaundice: a possible beneficial role of bilirubin