Omah

Saka Wikipédia Jawa, bauwarna mardika basa Jawa
Macem-macem jinis omah ing saindenging jagad, kanthi gaya kang beda-beda

Omah iku panggonan sing digawé wong kanggo dedunung utawa netep. Ing sajeroning omah, wong utawa kulawarga mau bisa lèrèn lan nyimpen deduwéné. Ing jaman modhèren saiki, isi omah iku warna-warna, ana piranti kanggo nyiapaké pangan lan kanggo reresik awak kaya déné papan adus lan jamban.

Omah awujud ruangan sing diwatesi témbok lan payon, racaké duwé dalan mlebu/metu wujud lawang, bisa uga mawa jendela kanggo pepadhang lan lumebu metuné hawa. Dhasaré omah bisa awujud lemah, ubin, babut, keramik, utawa bahan liyané. Omah modhern racaké pepak duwé unsur-unsur iki, lan ruangan ing sajeroné kapérang-bagi dadi kamar-kamar sing carané nganggo dhéwé-dhéwé, kaya ta kamar turu, pakiwan utawa kakus, ruang mangan, ruang kulawarga, ruang tamu, garasi, gudhang, téras, lan pekarangan.

Sajeroning kagiyatan sadina-dina, wong racaké ana ing sajabané omah saperlu nyambutgawé, lumebu sekolah, utawa ngayahi aktivitas liya, nanging paling sethithik omah duwé fungsi minangka papan kanggo turu kulawarga.

Uga delengen[besut | besut sumber]

Pranala njaba[besut | besut sumber]