Lombok

Saka Wikipédia Jawa, bauwarna bébas abasa Jawa
Lombok
South Lombok.jpg
Lombok Wedding Party 1998.jpg Camping above the clouds at Rinjani.jpg
Senggigi Beach by Pura Batubolong.JPG Senaru Waterfall.JPG
Ayam bakar khas Taliwang 2.JPG Sup kikil Lombok.JPG Sate Suranadi.jpg
Saka ndhuwur, kiwa manengen:
Pasisir Aan, Mantèn Sasak, Kémah ing pucuké Rinjani, Pasisir Senggigi, Grojogan Senaru, lan Manéka Olah-olahan Lombok kaya ta: ayam bakar taliwang, sop kikil lombok, lan saté bulayak
Géografi
Pernah Asiah Kidul-wétan
Koordhinat 8°33′54″S 116°21′04″E / 8.565°S 116.351°E / -8.565; 116.351Koordhinat: 8°33′54″S 116°21′04″E / 8.565°S 116.351°E / -8.565; 116.351
Kapuloan Kapuloan Nusa Tenggara
Gunggung pulo 27
Jembar 4.514,11 km2 (174.290,8 sq mi)
Èlevasi dhuwur dhéwé 3.726 m (12,224 ft)
Titik dhuwur dhéwé Rinjani
Administrasi
Indonésia
Provinsi Nusa Tenggara Kulon
Pamukiman jembar dhéwé Mataram (pop. 420.941)
Dhémografi
Cacah jiwa 3.311.044 (2014)
Kapadhetan 733,5 /km2 (18.998 /sq mi)
Golongan ètnik Wong Sasak, Bali, Tiyonghwa, Sumbawa, Florès, lan Arab

Lombok iku pulo ing Provinsi Nusa Tenggara Wétan, Indonésia. Pulo iki minangka péranganing rerangkèn Kapuloan Nusa Tenggara sing kaapit Selat Lombok ing kuloné lan Selat Alas ing wétané. Pulo iki awangun rada bunder lan duwé "buntut" (ingaran Ujung Sekotong) ing lor-kuloné sing dawané 70 kilomèter lan jembaré watara 4.514 kilomèter pasagi. Kutha krajan provinsiné uga kutha gedhé dhéwé ing pulo iki ya iku Kutha Mataram. Pulo iki gedhé lan padheté èmper-èmperan karo Pulo Bali minangka pulo tanggan ing kuloné, uga irib-iriban ing babagan warisan budaya. Pulo tanggan ing wétané iku Pulo Sumbawa sing arang-arang wargané. Pulo Lombok kinubengan akèh pulo cilik utawa gili sing kaloka.

Ana 3,17 yuta warga Indonésia sing kacathet ing sènsus 2010 sing dumunung ing Pulo Lombok;[1][2][3][4] Angkané per Januari 2014 kira-kira ngancik 3.311.044 jiwa.

Administrasi[besut | besut sumber]

Pulo Lombok iku rèhrèhaning Gubernur Provinsi Nusa Tenggara Kulon (cara Indonésia: Nusa Tenggara Barat dicekak NTB) sing ditata saka kutha krajan provinsiné, ya iku Kutha Mataram ing Lombok Kulon. Pulo iki administrasiné kapérang dadi kabupatèn cacah papat lan kutha cacah siji. Kabupatèn-kabupatèn lan kuthané ya iku kaya sing kapacak ing ngisor iki. Angka-angkané adhedhasar sènsus 2010 lan pangira-ira resmi déning pamaréntah enggonan kana.

Jeneng Jembar

(km2)

Cacah jiwa 2005

(kira-kira)

Cacah jiwa 2010

(sènsus)

Cacah jiwa 2014

(kira-kira)

Kutha

krajan

Kabupatèn Lombok Lor 776,25 757.369 199.904 209.060 Tanjung
Kabupatèn Lombok Kulon 862,62 599.609 626.941 Gerung
Kabupatèn Lombok Tengah 1.208,39 810.645 859.309 898.855 Praya
Kabupatèn Lombok Wétan 1.605,55 1.039.195 1.105.671 1.155.247 Selong
Kutha Mataram 61,30 342.896 402.296 420.941 Mataram
Gunggung 4.514,11 2.950.105 3.166.789 3.311.044

Dhémografi[besut | besut sumber]

Sing manggon ing Pulo Lombok iku 85%-né minangka wong Sasak, sing asal-usulé diprakirakaké saka Pulo Jawa nalika miléniyum pisanan SM. Liyané kaya ta wong Bali sing cacahé ngancik 10–15% wong sing manggon ing pulo iki, uga ana bebrayan-bebrayan cilik kaya ta wong Tiyonghwa, Jawa, Sumbawa, lan Arab.

Wong Sasak ing babagan budaya lan basa gegayutan raket karo wong Bali, nanging yèn wong Bali agamané Hindhu, pérangan gedhé wong Sasak mono Muslim. Mula, ing Pulo Lombok akèh yasan masjid déné kagiyatan sarta dina préiné wargané uga gegayutan karo tradhisi Islam.

Ing taun 2008, Pulo Lombok dienggoni kulawarga cacah 866.838 lan reratané ana wong 3,635 ing saben kulawarga.[5]

Sènsus 2010 nyathet manawa warga NTB cacahé ana wong 4.496.855[4], sing 70,42%-né utawa wong 3.166.789 manggon ing Pulo Lombok.

Cathetan sikil[besut | besut sumber]

  1. ^ "Jumlah Penduduk NTB 4,4 Juta Jiwa". Media Indonesia. 3 September 2010. Dijupuk 7 February 2011. 
  2. ^ "15 Things You Should Visit In Lombok". 2015. Dijupuk 2015. 
  3. ^ "Population of Indonesia by Province". Badan Pusat Statistik Republik Indonesia (Statistics Indonesia). 2010. Diarsip saka sing asli ing 18 July 2011. Dijupuk 7 February 2011. 
  4. ^ a b Thomas Brinkhoff (18 February 2012). "INDONESIA: Urban City Population". City Population. Thomas Brinkhoff. Dijupuk 16 August 2012. 
  5. ^ "By Regency / Municipality in West Nusa Tenggara Year 2008". Badan Pusat Statistik Provinsi Nusa Tenggara Barat (Central Bureau of Statistics West Nusa Tenggara Province). December 11, 2009. Dijupuk 30 August 2010. 

Pranala njaba[besut | besut sumber]