Kapuloan Nusa Tenggara

Aksara Latin

ꦗꦮꦶ

Nusa Tenggara

Géografi
Pernah	Asia Tenggara
Koordhinat	9°00′S 120°00′E
Kapuloan	Kapuloan Sunda
Administrasi
Indonésia
Provinsi	Bali, Nusa Tenggara Kulon, Nusa Tenggara Wétan
Timor Leste

Kapuloan Nusa Tenggara utawa Kapuloan Sunda Kecil (saiki kadhangkala dianggo sajeroning peta-peta géografis donya), iku gugusan pulo-pulo ing sisih wétan Pulo Jawa, wiwit saka Pulo Bali ing sisih kulon, nganti Pulo Timor ing sisih wétan. Pulo Wetar sing dadi péranganing wewengkon Provinsi Maluku kanthi geologis uga kalebu sajeroning kapuloan Nusa Tenggara.

Sacara administratif, Kapuloan Nusa Tenggara kalebu wewengkon nagara Indonésia, kajaba pérangan wétan Pulo Timor kalebu wewengkon nagara Timor Leste.

Ing wiwitan kamardikan Indonésia, kapuloan iki minangka wewengkon Provinsi Sunda Kecil banjur ganti nama dadi Provinsi Nusa Tenggara ing taun 1954, sing kutha krajané ing Singaraja. Ing taun 1975, tlatah pucuk wétan Kapuloan Nusa Tenggara ing pérangan wétan Pulo Timor digabungaké menyang Indonésia dadi Provinsi Timor Timur nganti mardika manèh ing taun 2002. Kapuloan iki saiki dumadi saka 3 provinsi. ya iku: Bali, Nusa Tenggara Kulon, lan Nusa Tenggara Wétan, sarta 13 dhistriké Timor Lésté.

Ètimologi

Ing taun 1950-an Mantri Pendhidhikan lan Kabudayan Moh. Yamin njenengaké Kapuloan Sunda Kecil dadi Kapuloan Nusa Tenggara sing tegesé "Nusa" (pulo, kapuloan) sing dumunung ing tenggara Indonésia.. Saiki jeneng "Nusa Tenggara" dipigunakaké déning rong laladan administratif: Provinsi Nusa Tenggara Kulon lan Nusa Tenggara Wétan.

Pulo-pulo utama

Bali

• Pulo Bali
• Pulo Nusa Penida

Nusa Tenggara Kulon

• Pulo Lombok
• Pulo Sumbawa
• Pulo Sangeang
• Pulo Moyo

Nusa Tenggara Wétan

• Pulo Komodo
• Pulo Flores
• Pulo Palue
• Pulo Adonara
• Pulo Solor
• Pulo Lomblen (Pulo Lembata)
• Pulo Pantar
• Pulo Alor
• Pulo Sumba
• Pulo Timor
• Pulo Sawu
• Pulo Rote

Uga delengen

• Pratélan pulo-pulo Indonésia
• Kapuloan Sunda Besar