Pulo Adonara

Saka Wikipédia Jawa, bauwarna bébas abasa Jawa
Adonara
Adonara Island - STS008.jpg
Pulau Adonara tampak dari pesawat ulang-alik, 1983. Letusan tampak dari gunung geni Ili Boleng.
Géografi
Pernah Kapuloan Sunda Kecil
Kapuloan Kapuloan Solor
Titik dhuwur dhéwé 1.659 m (5.443 kaki)
Administrasi
Indonésia
Provinsi Nusa Tenggara Timur
Pulo Adonara

Pulo Adonara inggih punika salah satunggaling pulo ing Indonèsia ingkang dumunung ing Kapuloan Nusa Tenggara, ing sisih wetanipun Pulo Flores. Miturut cathetan administratipipun,Pulo Adonara kalebet wewengkon Kabupatèn Flores Timur, Provinsi Nusa Tenggara Timur, Indonèsia.[1] Adonara inggih kalebet salah satunggaling pulo utama ing kapuloan wewengkon Kabupatèn Flores Timur.

Géografi[besut | besut sumber]

Ambanipun Pulo Adonara kirang langkung 509 km², kanthi titik paling inggil 1.676 m.[2] Watesanipun Pulo Adonara ing sisih lor wonten Laut Flores, ing sisih kidul wonten Selat Solor ingkang dados pedhotaning Pulo Adonara kaliyan Pulo Solor), sarta ing sisih kulon wonten Selat Lowotobi ingkang dados pedhotaning Pulo Adonara kaliyan Pulo Flores. PuloAdonara inggih pérangan saking Kabupatèn Flores Timur kanthi punjer laladan ing kabupatenipun inggih Larantuka. Dènè Kabupatèn Flores Timur piyambak kapèrang dados tigang (3) pérangan inggih punika, Flores Daratan (ingkang mapan ing pucuk wétan Pulo Flores), Pulo Adonara, lan Pulo Solor. Pulo Adonara kapérang dados 8 kacamatan, inggih punika:

Dawanipun Pulo Adonara inggih kirang langkung 30 km, lan ambanipun kirang langkung 18 km. Pulo Adonara inggih kalebet pulo paling ageng ing Kepuloan Sunda Kecil ingkang urut nomer 13. Jinising lemah ing pulo punika inggih kalebet siti vulkanik kanthi sakedhik kapur coralline ing sisih kilèn dumugi lor lan arupi laladan aluvium ing sisih kidul dumugi kilèn.[2] Gunung ingkang taksih aktif ing pulo punika inggih Gunung Ile Boleng kanthi dhuwuripun 1.659 m. Ing sakitering laladan pagunungan wonten bukit kanthi kathah jurang ingkang jero. Iklimipun ing pulo punika inggih iklim hutan hujan tropis kanthi deresipun jawah saged ngantos 90%. Lembabipun laladan inggih saged ngantos 1.000-2.000 mm ing sasi Nopember lan Maret. Dènè musim kemarau saking wulan April dumugi Oktober.Tetanduran ingkang kathah dipuntanem ing laladan punika inggih jinising kacang.

Pendhudhukipun[besut | besut sumber]

Sapérangan ageng masarakat ing Pulo Adonara pakaryanipun inggih dados tani amargi kahanan geografisipun ingkang makaten. Tetanen ingkang dipungarap déning masarakat ing Pulo Adonara inggih tetanèn ing wewengkon garing. Dènè asling tetanèn ing pulo punika inggih kados ta jagung, kenthang, ubi, tela, klapa, tembakau, vanili, coklat lan cengkeh.

Cathetan suku[besut | besut sumber]

  1. ^ [1] (dipunundhuh tanggal 24 Oktober 2012)
  2. ^ a b [2] (dipunundhuh tanggal 24 Oktober 2012)