Kapuloan Nusa Tenggara

Nusa Tenggara
Geography
Location	Asia Tenggara
Coordinates	9°00′S 120°00′E / 9.000°S 120.000°E
Archipelago	Kapuloan Sunda
Administration
	Indonésia

Aksara Latin

ꦗꦮ

Kapuloan Nusa Tenggara utawa Kapuloan Sunda Kecil (saiki kadhangkala dianggo sajeroning peta-peta géografis donya), iku gugusan pulo-pulo ing sisih wétan Pulo Jawa, wiwit saka Pulo Bali ing sisih kulon, nganti Pulo Timor ing sisih wétan. Pulo Wetar sing dadi péranganing wewengkon Provinsi Maluku kanthi geologis uga kalebu sajeroning kapuloan Nusa Tenggara.

Sacara administratif, Kapuloan Nusa Tenggara kalebu wewengkon nagara Indonésia, kajaba pérangan wétan Pulo Timor kalebu wewengkon nagara Timor Leste.

Ing wiwitan kamardikan Indonésia, kapuloan iki minangka wewengkon Provinsi Sunda Kecil banjur ganti nama dadi Provinsi Nusa Tenggara ing taun 1954, sing kutha krajané ing Singaraja. Ing taun 1975, tlatah pucuk wétan Kapuloan Nusa Tenggara ing pérangan wétan Pulo Timor digabungaké menyang Indonésia dadi Provinsi Timor Timur nganti mardika manèh ing taun 2002. Kapuloan iki saiki dumadi saka 3 provinsi. ya iku: Bali, Nusa Tenggara Kulon, lan Nusa Tenggara Wétan, sarta 13 dhistriké Timor Lésté.

Ètimologi

Ing taun 1950-an Mantri Pendhidhikan lan Kabudayan Moh. Yamin njenengaké Kapuloan Sunda Kecil dadi Kapuloan Nusa Tenggara sing tegesé "Nusa" (pulo, kapuloan) sing dumunung ing tenggara Indonésia.^[1]. Saiki jeneng "Nusa Tenggara" dipigunakaké déning rong laladan administratif: Provinsi Nusa Tenggara Kulon lan Nusa Tenggara Wétan.

Pulo-pulo utama

Bali

Nusa Tenggara Kulon

Nusa Tenggara Wétan

Uga delengen

Rujukan

↑ "JAN B. AVE; 'INDONESIA', 'INSULINDE' AND 'NUSANTARA': DOTTING THE I'S AND CROSSING THE T p. 14". Diarsip saka sing asli ing 2016-03-04. Dibukak ing 2011-06-22.

Artikel iki minangka artikel rintisan. Kowé bisa ngéwangi Wikipédia ngembangaké.

[1] "JAN B. AVE; 'INDONESIA', 'INSULINDE' AND 'NUSANTARA': DOTTING THE I'S AND CROSSING THE T p. 14". Diarsip saka sing asli ing 2016-03-04. Dibukak ing 2011-06-22.

[1]