Kenthang
| Kenthang | |
|---|---|
| |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Subklas: | Asteridae |
| Ordho: | Solanales |
| Famili: | Solanaceae |
| Génus: | Solanum |
| Spésies: | S. tuberosum |
| Jeneng binomial | |
| Solanum tuberosum L. | |
Kenthang (Solanum tuberosum L.) iku tuwuhan saka suku Solanaceae kang duwé umbi batang kang bisa dipangan lan uga diarani "kenthang".[1] Umbi kenthang saiki wis dadi salah sawijining panganan pokok wigati ing Éropa sanajan wiwitané ditekakaké saka Amérika Kidul.[1]
Penjelajah Spanyol lan Portugis pisanané nggawa menyang Éropa lan mbudidayakaké tuwuhan iki ing abad XVI.[1] Ora suwé, menu anyar iki sumebar ing saindhenging Éropa. Sajeroning sajarah migrasi wong Éropa menyang Amérika, tuwuhan iki tau dadi pemicu utama kapindhahan bangsa Irlandia menyang Amérika ing abad angka 19, rikala kadadéan wabah lelara umbi ing dharatan Irlandia kang diakibataké déning sajinis jamur kang diarani ergot.[1]
Wektu lumebu Indonésia, wiwitané dianggep panganané wong Walanda.[1] Nanging baka sethithik sabanjuré wong pribumi uga mèlu mangan kenthang. Kabuktèn panganan sing digawé saka kenthang bisa ditampa déning masarakat lan dadi lawuh kulawarga Indonésia.[1] Contoné sambel gorèng kenthang, perkedel, krokèt, kering kenthang, lan sapanunggalé.[1]
Biologi
[besut | besut sumber]Tuwuhan kenthang iku salah sijiné tuwuhan budidaya tetraploid (2n = 4x = 40). Asalé saka Amérika Kidul lan wis dibudidayakaké déning sing ndunungi kana wiwit éwon taun kapungkur. Tuwuhan iki minangka herba (tuwuhan cendhèk ora duwé kayu), samusim lan seneng marang hawa adhem. Ing laladan tropis cocog ditanhur ing dhataran dhuwur.[1]
.
Kembang sampurna lan kasusun majemuk. Ukuran cukup gedhé, diameter udakara 3cm.[1] Warnané saka ungu nganti putih.[1]
Kenthang nggawé tuber ing jero lemah lan dadi sarana anakan kanthi vegetatif.[1] Sajeroning budidaya kenthang, panangkaran bibit migunakaké cara iki, saéngga karagaman kenthang ing tegalan sithik banget lan ndadèkaké rentan saka gangguan ama utawa lelara.[1]
Gizi
[besut | besut sumber]Kenthang bisa nawaraké racun. Penawar racun alami kanggo asem kang asidosis..[1] Kenthang uga wigati kanggo mbiyantu thukulé baktéri ing awak. Kenthang ngandhut garam alkali kang ndadékaké kenthang dadi panganan kang kalebu basa paling kuwat..[1] Awit iku,kenthang migunani banget kanggo njaga cadhangan alkali ing awak..[1]
Kenthang duwé akèh gizi..[1] kaya ta potassium, vitamin C, vitamin B1, B2 lan B3..[1] Saliyané iku, kenthang uga ngandhut protéin lan zat besi..[1]
Kenthang ngandhut potasium kang akéhé ping pindhoné potassium kang ana ing gedhang. Kenthang pas yèn dipangan wong kang nduwé lelara diabétes..[1] Kenthang uga dadi sumber paling apik kanggo zat besi ing getih..[1] Manfaat liyané, kenthang bisa njaga ketahanan awak, awit kenthang ngandhut vitamin lan kalsium kang dhuwur..[1]
Khasiat
[besut | besut sumber]Miturut panalitén, jus kenthang mentah bisa ngurangi lelara kang nyerang sendi-sendi utawa kang diarani arthritir, radang otot utawa rematik.[2] Lara kang disebabaké salah urat utawa ketliyer, lara amarga kebakar,bisa ditambani kanthi némpélaké irisan kenthang ing panggonan kang lara, kurang luwih 15 menit.[2] Kenthang uga ngurangi rasa lara, lan baktéri.[2]Saos kenthang lumrahé kanggo saos salad kang bisa ngurangi rasa lara.[2] Parutan kenthang kang ditémplékaké ing kelopak mripat bisa ngilangaké noda ireng ing mripat utawa kang diarani dark circles lan yèn dicampur karo krim bisa ngurangi kerutan.[2]
Kenthang uga bisa mutihaké lan ngalusaké tangan.[2] Kenthang bisa dadi menu alternatif kanggo diét, amarga kenthang ngandhut karbohidrat kanggo ngganti sega.[2] Vitamin C ing kenthang uga bisa nambani kutil, carané oléské irisan kenthang mentah ing kutil.[2] Kenthang ngandhut atropine kang bisa ngurangi asem lambung lang bisa kanggo tamba maag.[2] Zat lysine uga bisa mbantu pertumbuhan awak lan utek.[2] Kenthang uga bisa kanggo tamba mripat kang kesel, ngilangaké aboh ing mripat.[2]
Kenthang uga ampuh kanggo ncegah hipertensi.[2]
Asil olahan
[besut | besut sumber]- donat kenthang[3]
- perkedel[4]
- sambel goreng kenthang [5]
- kenthang goreng[5]
- bolu kenthang[5]
- sup krim[5]
- mangkuk kenthang[5]
- cheese potato[5]
- kripik kenthang[5]
Kenthang ing pasaran
[besut | besut sumber]
Ing pasar, kenthang dipisah-pisahaké miturut ukurané lan diarani kualitas A, B, C, lan D. Kualitas A ya iku kang paling apik.[1] Panyebutan 'kenthang kualitas AB' tegesé campuran saka kualitas A lan B.[1]
Uga delengen
[besut | besut sumber]- Kenthang ireng (kenthang kleci)
 |
Wikimedia Commons duwé médhia ngenani Kenthang. |
Cathetan suku
[besut | besut sumber]- ↑ a b c d e f g h i j k l m n o p q r s t u v w http://www.kabarinews.com(dipunundhuh tanggal 13 Mèi 2011)
- ↑ a b c d e f g h i j k l http://www.gizi.net(dipunundhuh tanggal 13 Mèi 2011)
- ↑ http://inforesep.com[pranala mati permanèn](dipunundhuh tanggal 13 Mèi 2011)
- ↑ http://www.tabloidnova.com[pranala mati permanèn](dipunundhuh tanggal 13 Mèi 2011)
- ↑ a b c d e f g http://www.femina-online.com[pranala mati permanèn] (dipunundhuh tanggal 13 Mèi 2011)
Gladri
[besut | besut sumber]-
perkedél kenthang
-
sambel goréng kenthang
-
tart kenthang tapé
-
mesin panén kenthang
-
sega kuning ana kenthang goréngé -
bingka kenthang -
kenthang wujud cinta -
kenthang -
wit kenthang
-
kenthang thukul
